[X] Close
JUST IN
  • BREAKING-NEWS பாட்னா உயர்நீதிமன்ற தலைமை நீதிபதியாக இருக்கும் அம்ரேஷ்வர் பிரதாப் சாஹியை சென்னை உயர்நீதிமன்ற தலைமை நீதிபதியாக நியமிக்க கொலிஜியம் பரிந்துரை
  • BREAKING-NEWS ஐரோப்பிய ஒன்றியத்துடன் புதிய பிரெக்ஸிட் உடன்பாடு ஏற்பட்டது - பிரிட்டன் பிரதமர் போரிஸ் ஜான்சன்
  • BREAKING-NEWS ப.சிதம்பரத்தை அவதிக்குள்ளாக்க வேண்டும் என்பதே அமலாக்கத்துறையின் எண்ணம் - கபில் சிபல்
  • BREAKING-NEWS நீட் தேர்வு ஆள்மாறாட்ட வழக்கில் கைதான மாணவர் உதித் சூர்யாவுக்கு நிபந்தனை ஜாமீன்
  • BREAKING-NEWS அடுத்த 5 நாட்களுக்கு கனமழை நீடிக்கும் - இந்திய வானிலை ஆய்வு மையம்

சுருங்கியது காங்கிரஸ் ஆளும் மாநிலங்களின் எண்ணிக்கை

congress-party-went-down

கர்நாடகாவில் காங்கிரஸ் தலைமையிலான கூட்டணி அரசு கவிழ்ந்ததை அடுத்து, இந்தியாவில், காங்கிரஸ் ஆளும் மாநிலங்களின் எண்ணிக்கை ஐந்து ஆக குறைந்துவிட்டது.

கர்நாடக சட்டப்பேரவையில் 4 நாட்களாக நடந்த வாதத்திற்கு பின்னர் நேற்று நம்பிக்கை வாக்கெடுப்பு நடந்தது. இதில் குமாரசாமி அரசுக்கு ஆதரவாக 99 வாக்குகள் மட்டுமே பதிவாகின. எதிராக 105 வாக்குகள் பதிவாகின. இதனால் பெரும்பான்மையை இழந்த மஜத-காங்கிரஸ் கூட்டணி ஆட்சி கவிழ்ந்தது. இதனால் முதலமைச்சர் பதவியை குமாரசாமி இழந்தார். குமாரசாமியின் பதவி இழப்பால் காங்கிரஸ் மேலும் சரிந்துள்ளது.

இந்தியாவில், சில மாநிலங்களைத் தவிர்த்து பெரும்பாலான பகுதிகளில் ஆட்சியில் இருந்த காங்கிரஸ் கட்சியின் பலம் தற்போது சுருங்கிவிட்டது. இதுதவிர மக்களவைத் தேர்தலில் 52 தொகுதிகளில் மட்டுமே வெற்றி பெற்றதால், மக்களவையில் எதிர்க்கட்சி அந்தஸ்தும் அக்கட்சிக்கு கிடைக்கவில்லை. இதுபோன்ற சூழலில், தென்னிந்தியாவில், கர்நாடகாவில் காங்கிரஸ் கட்சி ஆட்சியில் இருந்து வந்தது. 

கர்நாடகாவில் ஆட்சி கவிழ்ந்துள்ள நிலையில், பஞ்சாப், மத்தியப்பிரதேசம், ராஜஸ்தான், சத்தீஸ்கர் மற்றும் யூனியன் பிரதேசமான புதுச்சேரி ஆகிய ஐந்து மாநிலங்களில்தான் தற்போது காங்கிரஸின் ஆட்சி உள்ளது. அதேவேளையில், தென் மாநிலங்களில் கர்நாடகாவில் மட்டும்தான் பாரதிய ஜனதா கட்சிக்கு செல்வாக்கு உள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close