[X] Close
JUST IN
  • BREAKING-NEWS இலங்கை பிரதமர் ரணில் விக்கிரமசிங்கே தனது ராஜினாமா கடிதத்தை புதிய அதிபர் கோத்தபய ராஜபக்சவுக்கு அனுப்பினார்
  • BREAKING-NEWS மாமல்லபுரத்தில் இந்திய கலாசார விழா நடத்துவதற்காக ரூ.75 லட்சம் ஒதுக்கி அரசாணை வெளியீடு
  • BREAKING-NEWS நாடாளுமன்ற தேர்தலில் இருந்த கூட்டணியே தொடரும்; அரசியலில் எதுவும் நடக்கலாம் - துணை முதல்வர் ஓபிஎஸ்
  • BREAKING-NEWS ரஜினி, கமல், விஜய் அனைவரும் மாய பிம்பங்கள், தமிழக அரசியலில் எடுபடாத சக்திகள் - அமைச்சர் ஜெயக்குமார்
  • BREAKING-NEWS உள்ளாட்சித் தேர்தலில் அதிமுக தனித்துப்போடியிட தயார் - அமைச்சர் ராஜேந்திர பாலாஜி
  • BREAKING-NEWS சபரிமலை கோயிலுக்கு என கேரள அரசு தனிச்சட்டம் உருவாக்க வேண்டும் - உச்சநீதிமன்றம்
  • BREAKING-NEWS தமிழகத்தில் 3 நாட்களுக்கு கனமழை பெய்ய வாய்ப்பு - இந்திய வானிலை ஆய்வு மையம்

தனியார் நிறுவனங்களில் 75% பணியிடங்கள் ஆந்திர மாநிலத்தவர்களுக்கே ! அதிரடி சட்டம் 

andhra-pradesh-first-state-to-reserve-75-private-jobs-for-locals

தனியார் நிறுவனங்கள் மற்றும் தொழிற்சாலைகளில் 75% பணியிடங்களை ஆந்திர மாநிலத்தவர்க்கே ஒதுக்கீடு செய்யும் சட்டத்தை அம்மாநில அரசு கொண்டு வந்துள்ளது. 

திருச்சி பொன்மலை ரயில்வே பணிமனையின் பணியிடங்களில் வட மாநிலத்தவர்கள் அதிகம் பணியாற்றுவதாக சமீபத்தில் சர்ச்சை எழுந்தது. கிட்டத்தட்ட 3800 பணியாளர்களில் 1200 பேர் வடமாநிலத்தவர்கள் எனக் கூறப்பட்டது. மேலும் தொழில் பழகுனருக்கான தேர்வில் மொத்தம் 1,765 பணியிடங்களுக்கான குறைந்தபட்ச தகுதி 10ம் வகுப்பு. இதில் 1,600 இடங்களை வட மாநில இளைஞர்கள் ஆக்கிரமித்துள்ளதாகவும் 10 சதவீதத்திற்கும் குறைவாக வெறும் 165 இடங்களை மட்டுமே தமிழக இளைஞர்கள் தக்க வைத்துள்ளனர் என்றும் தகவல் வெளியானது. 

இது பெரிய அளவில் சர்ச்சையை உண்டாக்கியது. இது குறித்து வேதனை தெரிவித்த தமிழக இளைஞர்கள், தங்களது வேலை வாய்ப்பை வட மாநிலத்தவர்கள் தட்டி பறிப்பதால், நன்கு படித்திருந்தும், வேலை வாய்ப்பு அலுவலகத்தில் பதிவுச் செய்தும், வேலையில்லாமல் திரிய வேண்டிய அவல நிலையில் இருப்பதாக தெரிவித்தனர். தமிழகத்தில் இப்படி நிலைமை இருக்க, ஆந்திர அரசு அம்மாநில இளைஞர்களுக்கான எதிர்காலத்தில் கவனம் செலுத்த தொடங்கிவிட்டது.

நேற்று ஆந்திர சட்டமன்றத்தில் அம்மாநில இளைஞர்களுக்கான சட்டம் ஒன்று நிறைவேற்றப்பட்டது. அந்த சட்டம் என்ன சொல்கிறது என்றால்,  தனியார் நிறுவனங்கள் மற்றும் தொழிற்சாலைகளில் 75% பணியிடங்களை ஆந்திர மாநிலத்தவர்க்கே ஒதுக்கீடு செய்ய வேண்டும். அச்சட்டத்தின்படி, தனியார் தொழில் நிறுவனங்கள், தொழிற்சாலைகள், கூட்டுத் தொழில் நிறுவனங்கள், அரசு மற்றும் தனியார் பங்களிப்புடன் இயங்கும் நிறுவனங்கள் அனைத்துமே, மொத்தப் பணியிடங்களில் 75% இடங்களை ஆந்திர மாநிலத்தவர்களைக் கொண்டுதான் நிரப்ப வேண்டும். இது அனைத்து வித பணிகளுக்கும் பொருந்தும் என்றும் தெரிவித்துள்ளது. 

மேலும் தகுதியான நபர்கள் கிடைக்கவில்லையெனில் நிறுவனங்கள் அரசுடன் இணைந்து உள்ளூர் மக்களுக்குப் பயிற்சியளித்து அவர்களைப்‌ பணியில் அமர்த்த வேண்டும் என்று அதிரடியாய் அறிவித்துள்ளது. அடுத்த மூன்று ஆண்டுகளுக்குள் இதற்கான நடமுறைகள் அனைத்தையும் முடித்து, ஆட்கள் பணியமர்த்தப்பட்டுள்ள விவரங்கள் அனைத்தும் ஒவ்வொரு மூன்று மாதமும் அரசிடம் ஒப்படைக்க வேண்டும் எனவும் உத்தரவிட்டுள்ளது.

இந்த விவகாரத்தில் ஆந்திராவின் நடவடிக்கையை பலரும் பாராட்டி வருகின்றனர். இதேபோல் ஒரு சட்டத்தை தமிழக அரசும் நிறைவேற்ற வேண்டும் என்றும், சட்டத்தை தனியார் நிறுவனங்களோடு மட்டும் நிறுத்திவிடாமல் மத்திய அரசுப் பணிகளிலும் அந்தந்த மாநிலத்தவர்க்கே முன்னுரிமை அளிக்க வேண்டும் என்றும் கோரிக்கை விடுத்து வருகின்றனர். இது தொடர்பாக அந்தந்த மாநில எம்பிக்கள் நாடாளுமன்றத்தில் குரல் கொடுக்க வேண்டும் என்றும்  கருத்து தெரிவித்து வருகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close