[X] Close
JUST IN
  • BREAKING-NEWS விக்கிரவாண்டி சட்டப்பேரவை தொகுதி இடைத்தேர்தலில் திமுக சார்பில் நா.புகழேந்தி போட்டி
  • BREAKING-NEWS 2023-ஆம் ஆண்டுக்குள் தனியார் ரயில் சேவையைக் கொண்டுவர மத்திய அரசு திட்டம்
  • BREAKING-NEWS கர்நாடகத்தில் பெய்து வரும் கனமழை காரணமாக மேட்டூருக்கு வரும் நீரின் அளவு இன்று இரவுக்குள் 50 ஆயிரம் கன அடியை எட்டும் - ஜல்சக்தி துறை அமைச்சகம்
  • BREAKING-NEWS தமிழகத்தில் வளிமண்டல மேலடுக்கு சுழற்சியால் 14 மாவட்டங்களில் 2 நாட்களுக்கு கனமழை பெய்ய வாய்ப்பு
  • BREAKING-NEWS விலை உயர்வு: ரூ.8 லட்சம் மதிப்புள்ள 100 மூட்டை வெங்காயம் கொள்ளை!

“காங்கிரஸுக்கு முதலமைச்சர் பதவியை கொடுக்க மஜத தயார்” - டி.கே.சிவக்குமார்

jds-ready-to-make-a-congress-leader-chief-minister-to-save-the-karnataka-government-dk-sivakumar

கர்நாடக அரசை காப்பாற்ற காங்கிரஸுக்கு முதலமைச்சர் பதவியை கொடுக்க மஜத தயாராக இருப்பதாக கர்நாடக அமைச்சர் சிவக்குமார் தெரிவித்துள்ளார்.

கர்நாடக சட்டப்பேரவையில் குமாரசாமி அரசு உடனடியாக நம்பிக்கை வாக்கெடுப்பு நடத்தி பெரும்பான்மையை நிரூபிக்க வேண்டும் என ஆளுநர் இருமுறை கெடு விதித்தும், அதை ஆளும் மதசார்பற்ற ஜனதா மற்றும் காங்கிரஸ் கூட்டணி அரசு புறக்கணித்துவிட்டது. இதனால், அம்மாநிலத்தில் குழப்பமான சூழல் உருவாகியுள்ளது. 

சட்டமன்ற விவாதத்தின் போது ஆளுங்கட்சியினர், திங்கட்கிழமை வரை விவாதம் நடத்த கோரிக்கை விடுத்தனர். இதற்கு பாஜகவினர் எதிர்ப்பு தெரிவித்தனர். ஆனால் கர்நாடக சட்டப்பேரவையை திங்கட்கிழமை காலை 11 மணி வரை ஒத்திவைத்து சபாநாயகர் ரமேஷ்குமார் உத்தரவிட்டார். இதைத்தொடர்ந்து இன்று பெங்களூருவில் உள்ள நட்சத்திர விடுதியில் கர்நாடக காங்கிரஸ் எம்எல்ஏக்கள் கூட்டம் நடைபெற்றது. 

இந்நிலையில் கருத்து தெரிவித்துள்ள டி.கே.சிவக்குமார், “கர்நாடக அரசை காப்பாற்ற வேண்டும் என்பதற்காக காங்கிரஸ் தலைவர்களுக்குள் ஒருவரை முதலமைச்சராக்க மதசார்பற்ற ஜனதா தளம் தயாராக இருக்கிறது. சித்தராமையா, பரமேஸ்வரா அல்லது டி.கே.சிவக்குமார் இந்த மூவருள் ஒருவரை முதல்வராக்கவும் ஒப்புக்கொண்டுள்ளது. இதனை காங்கிரஸ் உயர்மட்ட குழுவிடம் மஜத தெரிவித்துள்ளது” என்று கூறியுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close