[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

“விளைவுகள் கடுமையாக இருக்கும்” - பாகிஸ்தானுக்கு இந்திய ராணுவ தளபதி எச்சரிக்கை

army-chief-bipin-rawat-warns-pakistan-misadventure-will-be-repelled-with-punitive-response

பாகிஸ்தான் ஏதாவது தாக்குதல் நடத்த முற்பட்டால் அதற்கு இந்தியாவின் பதிலடி மிகவும் கடுமையாக இருக்கும் என்று இந்திய ராணுவப் படை தளபதி பிபின் ராவத் தெரிவித்துள்ளார். 

இந்தியா-பாகிஸ்தான் இடையே 1999ஆம் ஆண்டு கார்கில் போர் நடைபெற்றது. இந்தப் போர் முடிந்து 20 ஆண்டுகள் நிறைவடைந்துள்ளது. இதனைப் போற்றும் வகையில் இந்திய ராணுவத்தின் சார்பில் பல நிகழ்ச்சிகளுக்கு ஏற்பாடு செய்யப்பட்டு வருகின்றன. அதன்படி இன்று ‘கார்கில் போருக்கு பிறகான 20 ஆண்டுகள்’ என்ற கருத்தரங்கில் ராணுவப்படை தளபதி பிபின் ராவத் உரையாற்றினார்.  

அதில், “பாகிஸ்தான் ராணுவம் அத்துமீறி இந்தியாவில் தாக்குதல் நடத்தினால், இந்தியாவின் பதிலடி மிகவும் கடுமையாக இருக்கும். வருங்காலத்தில் வரும் தாக்குதல்கள் மற்றும் சண்டைகள் மிகவும் வன்முறையாக இருக்கும். பாகிஸ்தான் ராணுவம் நேரடியாகவோ அல்லது மறைமுகமாகவோ தாக்குதல் நடத்தினால் அதற்கான விளைவுகள் யாரும் எதிர்பாரத வகையில் இருக்கும். 

ஏற்கெனவே உரி மற்றும் பாலாகோட் தாக்குதல்கள், பயங்கரவாதத்திற்கு எதிராக இந்திய ராணுவத்தின் பதிலடியை வெளிப்படுத்தின. இவற்றால் இந்திய ராணுவத்தின் பலம் தெளிவாக தெரிந்திருக்கும். அத்துடன் தற்போது இந்திய ராணுவம் சில மாற்றத்தை எதிர்கொண்டு வருகிறது. குறிப்பாக இந்திய ராணுவத்தில் விண்வெளி, சைபர் மற்றும் சிறப்பு படை பிரிவு ஆகியவை புதிதாக சேர்க்கப்பட்டுள்ளன. இவை இந்திய ராணுவத்திற்கு கூடுதல் பலம் அளிக்கும்” எனத் தெரிவித்துள்ளார். 

Advertisement:
Advertisement:
Advertisement:
[X] Close