[X] Close
JUST IN
  • BREAKING-NEWS சிலை கடத்தல் தடுப்பு பிரிவு சிறப்பு அதிகாரி பதவியை நீட்டிக்கக்கோரி பொன்.மாணிக்கவேல் உயர்நீதிமன்றத்தில் மனு
  • BREAKING-NEWS சென்னை ஐஐடி மாணவி பாத்திமா தற்கொலை வழக்கை சிபிஐ விசாரிக்கக்கோரி சென்னை உயர்நீதிமன்றத்தில் மனு
  • BREAKING-NEWS எங்கள் குடும்பத்தினருக்கான எஸ்பிஜி பாதுகாப்பை நீக்கியதும் அரசியலில் ஒரு அங்கம் தான் - பிரியங்கா காந்தி
  • BREAKING-NEWS மக்கள் அதிமுக பக்கம் இருப்பதால் ரஜினி கூறும் அதிசயம், அற்புதம் எங்களுக்கு சாதகமாகவே அமையும் - அமைச்சர் ஜெயக்குமார்
  • BREAKING-NEWS கூடங்குளம் போராட்டக்காரர்கள் மீதான வழக்குகளை அரசு உடனடியாக திரும்ப பெற வேண்டும் - மு.க.ஸ்டாலின்
  • BREAKING-NEWS மறைமுகத் தேர்தல் முறை அதிகார துஷ்பிரயோகத்திற்கும், குதிரை பேரத்திற்கும் வழிவகுக்கும் - திருமாவளவன் எம்.பி.
  • BREAKING-NEWS 2021 ஆம் ஆண்டில் அதிமுக அரசு மலரும் என்பதையே அதிசயம் நிகழும் என்று ரஜினி கூறியிருக்கலாம் - முதல்வர் பழனிசாமி

மேகாலயா சுரங்க விபத்து: மீட்பு பணிகளை நிறுத்திக்கொள்ள உச்சநீதிமன்றம் அனுமதி

supreme-court-allows-calling-off-rescue-operations-in-meghalaya

மேகாலயாவில் சட்டவிரோத சுரங்கத்தில் சிக்கியவர்களை மீட்கும் பணியை நிறுத்திக்கொள்ள அம்மாநில அரசுக்கு உச்சநீதி மன்றம் அனுமதி அளித்துள்ளது. 

மேகாலயாவில் உள்ள கிழக்கு ஜைண்டியா மாவட்டத்தில், கடந்த டிசம்பர் 13 ஆம் தேதி சட்டவிரோத சுரங்கத்தில் நிலக்கரி எடுக்க, 15 தொழிலாளர்கள் சென்றனர். மழை வெள்ளம் காரணமாக அருகில் இருந்த லைத்தின் ஆற்றின் தண்ணீர், சுரங்கத்துக் குள் புகுந்தது. இதனால் ’எலி வளை சுரங்கம்’ எனப்படும் சிறிய வாசலை கொண்ட சுரங்கத்துக்குள், நுழைந்தவர்கள் வெளியே வர முடியாமல் சிக்கிக்கொண்டனர்.

அவர்களை மீட்கும் பணியில், தேசிய பேரிடர் மீட்புக் குழு, மாநில பேரிடர் மீட்புக் குழு, கடற்படை, தீயணைப்பு வீரர்கள், ராணுவத்தினர் தீவிரமாக ஈடுபட்டு வந்தனர். இது தொடர்பாக உச்சநீதிமன்றத்தில் வழக்கு தொடரப்பட்டது. சுரங்கத்துக்குள் சிக்கியவர்களை விரைவாக மீட்க வேண்டும் என்று உச்சநீதிமன்றம் உத்தரவிட்டதையடுத்து மீட்பு பணிகள் முழு வீச்சில் நடந்தன. 

சுரங்கத்துக்குள் தண்ணீர் வற்றாததால் அவர்களை மீட்பதில் சிக்கல் ஏற்பட்டது. இந்நிலையில் கடந்த ஜனவரி மாதம் 23 ஆம் தேதி ஒருவரின் உடல் மீட்கப்பட்டது. தொடர்ந்து மீட்பு பணி நடந்து வந்த நிலையில் மேலும் இரண்டு பேரின் உடல்கள்  மீட்கப்பட்டன. பின்னர் மீட்பு பணியில் எந்த முன்னேற்றமும் ஏற்படவில்லை. இந்நிலையில் மேகாலயா அரசின் சார்பில் மீட்பு பணியை நிறுத்திக்கொள்ள அனுமதி கோரி, உச்சநீதிமன்றத்தில் மனுதாக்கல் செய்யப்பட்டது. 

இந்த மனு நேற்று விசாரணைக்கு வந்தது. மீட்க வேண்டும் என்று வழக்கு தாக்கல் செய்தவர்கள் இதற்கு எதிர்ப்பு தெரிவிக்க வில்லை. இதனால் மீட்பு பணிகளை நிறுத்திக் கொள்ள உச்சநீதிமன்றம் அனுமதி அளித்துள்ளது. இதையடுத்து 7 மாதமாக நடந்து வந்த மீட்பு பணி நிறுத்துக்கொள்ளப்படுகிறது. 

Advertisement:
இது தொடர்பான செய்திகள் :
Advertisement:
Advertisement:
[X] Close