[X] Close
JUST IN
  • BREAKING-NEWS பாக். டெஸ்ட் கேப்டன் பொறுப்பில் இருந்து சர்ஃபராஸ் நீக்கம்
  • BREAKING-NEWS ஐஎன்எக்ஸ் முறைகேடு வழக்கு: சிதம்பரம், கார்த்தி சிதம்பரம் மீது குற்றப்பத்திரிகை தாக்கல்
  • BREAKING-NEWS சென்னையில் லாரி மூலம் விநியோகிக்கப்படும் மெட்ரோ நீரின் விலை அதிகரிப்பு
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு
  • BREAKING-NEWS அரசு அறிவிக்கும் சிறப்பு விடுமுறை தனியார் நிறுவனங்களுக்கு பொருந்தாது: உயர்நீதிமன்றம்
  • BREAKING-NEWS எல்லையில் பங்களாதேஷ் பாதுகாப்புப் படையினர் துப்பாக்கிச்சூடு: பிஎஸ்எஃப் வீரர் ஒருவர் உயிரிழப்பு

காங்கிரஸ் கட்சியின் இடைக்கால தலைவராகிறார் மோதிலால் வோரா? 

congress-leader-mothilal-vora

காங்கிரஸ் கட்சியின் தலைவராக மோதிலால் வோரா நியமிக்கப்பட வாய்ப்பிருப்பதாக தகவல் வெளியாகியுள்ளது. 

90 வயதான மோதிலால் வோரா இடைக்காலத் தலைவராக நியமிக்க நடவடிக்கைளை மேற்கொள்ளப்பட்டு வருகிறது. இவர் காங்கிரஸ் கட்சியில் பொருளாளராக இருந்தார். பின்னர் வயது மூப்பு காரணமாக பொருளாளர் பதவியை அகமத் படேலிடம் கொடுத்துவிட்டு ஓய்வு பெறும் நிலையில் இருந்தார். இவர் காங்கிரஸ் கட்சியின் மிக மூத்த தலைவராக திகழ்கிறார். மத்திய பிரதேச முதலமைச்சராக இரண்டு முறை பதவி வகித்துள்ளார். உத்திரபிரதேச ஆளுநர், மத்திய அமைச்சர் போன்ற பல்வேறு பதவிகளை வகித்துள்ளார். தற்போது மாநிலங்களவை எம்.பியாக உள்ளார். 

இந்நிலையில் மோதிலால் வோரா இடைக்காலத் தலைவராக நியமிக்கப்பட்டு அவரையே புதிய தலைவரை தேர்ந்தெடுக்க வைக்கலாம் என காங்கிரஸ் திட்டமிட்டுள்ளது. 

முன்னதாக, காங்கிரஸ் கட்சியின் தலைவராக கடந்த 2017ம் ஆண்டு பொறுப்பேற்ற ராகுல் காந்தி, அண்மையில் நடந்த மக்களவை தேர்தல் தோல்விக்கு பொறுப்பேற்று கடந்த மே 25ம் தேதி நடந்த காங்கிரஸ் காரிய கமிட்டி கூட்டத்தில் பதவியை ராஜினாமா செய்வதாக அறிவித்தார். அப்போது முதல் ராகுல் தனது முடிவை திரும்ப பெற வேண்டும் என வலியுறுத்தி, கட்சியின் மூத்தத் தலைவர்களும், தொண்டர்களும் வலியுறுத்தி வருகின்றனர். எனினும் ராகுல் தனது முடிவில் தொடர்ந்து பிடிவாதமாக இருந்து வருகிறார்.

இன்று செய்தியாளர்களை சந்தித்த ராகுல் காந்தி, தாமதம் இல்லாமல், புதிய தலைவரை கட்சி தேர்வு செய்ய வேண்டும் என தெரிவித்தார். ஏற்கெனவே தாம் ராஜினாமா கடிதத்தை வழங்கிவிட்டதால், தா‌ம் தலைவர் பொறுப்பில் நீண்ட நாட்களுக்கு நீடிக்க முடியாது என்றும் ராகுல் கூறினார். மேலும், புதிய தலைவரை தேர்ந்தெடுக்கும் நடைமுறையில் தாம் பங்கேற்கப் போவதில்லை என்றும், எனவே காங்கிரஸ் காரிய கமிட்டி இந்த விவகாரத்தில் விரைந்து முடிவெடுக்க வேண்டும் என்றும் ராகுல் காந்தி வலியுறுத்தினார்.

Advertisement:
இது தொடர்பான செய்திகள் :
Advertisement:
Advertisement:
[X] Close