[X] Close
JUST IN
  • BREAKING-NEWS ராஜீவ்காந்தி குறித்த பேச்சை திரும்பப் பெறமாட்டேன் - சீமான்
  • BREAKING-NEWS தூத்துக்குடி எம்.பி. கனிமொழியின் வெற்றியை எதிர்த்து தமிழிசை தொடர்ந்த மனுவை வாபஸ் பெற உயர்நீதிமன்றம் அனுமதி
  • BREAKING-NEWS இரண்டாயிரம் ரூபாய் நோட்டுகள் அச்சிடுவதை நிறுத்தியது ரிசர்வ் வங்கி
  • BREAKING-NEWS ராஜீவ் காந்தி கொலை குறித்து சர்ச்சை பேச்சு.. சீமான் மீது வழக்குப்பதிவு
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.

இரண்டு குழந்தைகளுக்கு மேல் இருந்தால் தேர்தலில் நிற்க தடை : உத்தரகாண்ட் அரசு

uttarakhand-bill-passed-people-who-having-more-than-2-kids-cannot-be-participate-at-panchayat-polls

உத்தரகாண்ட் மாநில சட்டப்பேரவை கூட்டம் நேற்று நடைபெற்றது. அந்த கூட்டத்தில் சில முக்கிய சட்ட திருத்த மசோதா ஒருமனதாக கையெழுத்தாகியுள்ளது. அந்த மசோதாவில் உத்தரகாண்ட் மாநிலத்தில் 2 குழந்தைகளுக்கு மேல் பெற்றவர்கள் உள்ளாட்சித் தேர்தலில் போட்டியிடுவதை தடை விதித்தும், கிராமப்புற தேர்தலில் போட்டியிடும் வேட்பாளர்களுக்கான குறைந்தபட்ச கல்வித்தகுதிகளையும் கட்டாயமாக்கியுள்ளது.

உத்தரகாண்டில் பஞ்சாயதி ராஜ்-2019 என்ற திருத்தத்தை சட்டப்பேரவையில் நேற்று முன் தினம் எடுத்துரைக்கப்பட்டு, நேற்று அத்திருத்தத்தின் மீதான விவாதம் நடைபெற்றது. ஆனால் இந்த சட்ட திருத்த மசோதாவை நிறைவேற்றவிடாமல் எதிர்க்கட்சியில் பலரும் எதிர்ப்பு தெரிவித்ததால் இழுபறி நீடித்தது. பின் இந்த மசோதா குரல் வாக்கெடுப்பு மூலம் ஒருமனதாக நிறைவேற்றப்பட்டது. 

சட்டப்பேரவையில் கொண்டுவரப்பட்ட மசோதாவில் உள்ளாட்சித் தேர்தலில் போட்டியிடும் வேட்பாளர்களின் குறைந்தபட்ச கல்வித்தகுதி 10ஆம் வகுப்பில் தேர்ச்சி என்பது கட்டாயமாக்கியுள்ளது. அதுமட்டுமல்லாமல் கிராமப்புற தேர்தலில் போட்டியிட விரும்பும் எஸ்.சி / எஸ்.டி ஆண் வேட்பாளர்களுக்கான குறைந்தபட்ச கல்வித்தகுதியாக 8ஆம் வகுப்பில் தேர்ச்சியும், எஸ்.சி / எஸ்.டி பெண் வேட்பாளர்களுக்கான குறைந்தபட்ச கல்வித்தகுதியாக 5ஆம் வகுப்பில் தேர்ச்சியும் பெற்றிருத்தல் அவசியம் என்றும் அந்த மசோதாவில் கூறப்பட்டுள்ளது. 

கூடுதலாக சிறப்பம்சமாக இரண்டிற்கும் மேற்பட்ட குழந்தைகளைக் கொண்ட பெற்றோர்கள், கிராமப்புற தேர்தல்களில் போட்டியிட தகுதியற்றவர்கள் என்றும், புதிய சட்டத்தை அமல்படுத்திய 300 நாட்களுக்குப் பிறகு மூன்றாவது குழந்தை பெற்றிருந்தாலும் அவர்களும் போட்டியிட முடியாது என்றும் அதில் கூறப்பட்டுள்ளது.

* உத்தரகண்ட் மாநிலத்தில் பஞ்சாயத்து தேர்தல் இந்த ஆண்டு இறுதியில் நடைபெறவுள்ளது என்பது குறிப்பிடத்தக்கது. 

Advertisement:
இது தொடர்பான செய்திகள் :
Advertisement:
Advertisement:
[X] Close