[X] Close
JUST IN
  • BREAKING-NEWS நீலகிரி, கோவை, திண்டுக்கல், தேனி, காஞ்சிபுரம், திருவள்ளூர், வேலூர், தி.மலையில் கனமழை பெய்ய வாய்ப்பு - வானிலை ஆய்வு மையம்
  • BREAKING-NEWS அரசுப் பள்ளி ஆசிரியர்களின் கற்பித்தல் திறன், மாணவர்களின் கற்றல் திறனை ஆய்வு செய்ய சிறப்புக்குழுக்களை அமைக்க பள்ளிக்கல்வித்துறைக்கு உயர்நீதிமன்றக் கிளை உத்தரவு
  • BREAKING-NEWS வட கிழக்கு பருவ மழைக்கு முன் மழை நீரை சேமிக்கும் பணியில் ஈடுபட வேண்டும் என மக்களிடம் அமைச்சர் வேலுமணி வேண்டுகோள்
  • BREAKING-NEWS தொழில்நுட்ப கோளாறு காரணமாக, கடந்தவாரம் நிறுத்தப்பட்ட சந்திரயான்-2 விண்கலம் இன்று பிற்பகல் விண்ணில் ஏவப்படுகிறது
  • BREAKING-NEWS விளம்பரத்திற்காக இல்லாமல் சமூக பணி பண்ணலாம். நிஜ வாழ்வில் 4 பேருக்காவது பயன்படும்படி இருப்பேன் - நடிகர் சூர்யா

“விரைவில் சிப் பொருத்திய புதிய பாஸ்போர்ட்” - மத்திய அமைச்சர் ஜெய்சங்கர்

soon-passports-could-be-chip-enabled-external-affairs-minister-jaishankar

புதிய பாஸ்போர்ட்டில் விரைவில் சிப் பொருத்தப்பட்டிருக்கும் என்று வெளியுறவுத்துறை அமைச்சர் ஜெய்சங்கர் தெரிவித்துள்ளார். 

மத்திய வெளியுறவுத் துறை அமைச்சர் ஜெய்சங்கர் ‘பாஸ்போர்ட் சேவா திவஸ்’ என்னும் நிகழ்ச்சியில் கலந்து கொண்டு விருதுகளை வழங்கினார். அத்துடன் இந்த விழாவில் மத்திய வெளியுறவுத் துறை அமைச்சராக தனது முதல் உரையையும் அவர் ஆற்றினார். அதில், “பாஸ்போர்ட்டில் புதிய பாதுகாப்பு வசதியை கொண்டு வர இந்திய வெளியுறவுத் துறை அமைச்சகம் முயற்சிகள் மேற்கொண்டுவருகிறது. அதன்படி பாஸ்போர்ட்டில் பாதுகாப்பு வசதியான சிப் பொருத்தப்படுவது குறித்து முயற்சிகள் எடுத்துவருகிறோம். கூடிய விரைவில் இது நிறைவேறும். 

மேலும் வரும் காலத்தில் ஒவ்வொரு மக்களவைத் தொகுதியிலும் வெளியுறவுத் துறை அமைச்சகம் மற்றும் தபால் நிலையங்களில் ஒரு பாஸ்போர்ட் சேவை மையம் இருக்கும். தற்போது ஆண்டிற்கு வெளியுறவுத் துறை அமைச்சகம் ஒரு கோடி பாஸ்போர்ட்களை கொடுத்துவருகிறது. இது தொடர்பாக ஏற்கெனவே அறிவித்துள்ள இடங்களில் விரைவில் பாஸ்போர்ட் சேவை தொடங்கும்” எனத் தெரிவித்தார்.  

நாட்டிலேயே சிறந்த பாஸ்போர்ட் சேவை மையமாக ஜலந்தர் பாஸ்போர்ட் மையம் விருது பெற்றது. இந்தப் பட்டியலில் கொச்சின் பாஸ்போர்ட் மையம் இரண்டாவது இடத்தையும், கோயும்புத்தூர் பாஸ்போர்ட் சேவை மையம் மூன்றாவது இடத்தையும் பெற்றுள்ளன. அத்துடன் ஆந்திரா, தெலங்கானா மற்றும் கேரளா மாநிலங்களில் பாஸ்போர்ட்டிற்கான காவல்துறை சரிபார்ப்பு 19 நாட்களாக குறைக்கப்பட்டதற்கு வெளியுறவுத் துறை அமைச்சர் ஜெய்சங்கர் பாராட்டுத் தெரிவித்தார். 

Advertisement:
இது தொடர்பான செய்திகள் :
Advertisement:
Advertisement:
[X] Close