[X] Close
JUST IN
  • BREAKING-NEWS மத்திய அரசு நல்லது செய்தால் அதை ஆதரிப்போம்; மக்களுக்கு எதிராக எது இருந்தாலும் அதை எதிர்ப்போம் - அமைச்சர் காமராஜ்
  • BREAKING-NEWS மேற்குவங்கத்தில் குடியுரிமை திருத்த சட்டம், குடிமக்கள் பதிவேடு முறை அமல்படுத்தப்படாது; இதற்கு எதிராக யாரும் வன்முறையில் ஈடுபட வேண்டாம் - முதல்வர் மம்தா பானர்ஜி
  • BREAKING-NEWS மு.க.ஸ்டாலினை சந்தித்து தனக்கு வழங்கப்பட்ட சிறந்த நாடாளுமன்ற மாநிலங்களவை உறுப்பினருக்கான விருதை காண்பித்து வாழ்த்துப்பெற்றார் திருச்சி சிவா
  • BREAKING-NEWS எனது விளக்கத்தை ஏற்று என்னை அன்புடன் நலம் விசாரித்து வழியனுப்பிய கமலுக்கு நன்றி - ராகவா லாரன்ஸ்
  • BREAKING-NEWS என் பெயர் ராகுல் காந்தி; ராகுல் சவார்கர் அல்ல; உண்மையை பேசியதற்காக நான் ஒருபோதும் மன்னிப்பு கேட்க மாட்டேன் - ராகுல் காந்தி
  • BREAKING-NEWS நாட்டுக்காக மக்கள் குரல் எழுப்பாமல் அமைதியாக இருந்தால் அரசியலமைப்பு அழிக்கப்படும் - பிரியங்கா காந்தி
  • BREAKING-NEWS வளிமண்டல மேலடுக்கு சுழற்சியால் 20ஆம் தேதிக்கு பின் கனமழை பெய்ய வாய்ப்பு - வானிலை ஆய்வு மையம்

“பீகார் மருத்துவர்களுக்கு போதிய திறமை இல்லை” - எய்ம்ஸ் குழு

bihar-hospital-doctors-lack-training-finds-aiims-team

பீகார் அரசு மருத்துவமனையில் உள்ள மருத்துவர்களுக்கு மூளைக்காய்ச்சல் பாதிப்புக்கான சிகிச்சை அளிப்பதில் போதிய திறமை இல்லை என்று எய்ம்ஸ் மருத்துவர்கள் குழு கண்டறிந்துள்ளது. 

பீகார் மாநிலம் முசாபர்பூர் மாவட்டத்தில் உள்ள குழந்தைகளுக்கு மூளைக்காய்ச்சல் பாதிப்பு இருப்பதாக கடந்த சில நாட்களுக்கு முன் கண்டறியப்பட்டது. பின்னர் பாதிப்புகள் அறியப்பட்ட குழந்தைகளுக்கு முசாபர்பூரில் உள்ள அரசு மருத்துவமனையான ஸ்ரீகிருஷ்ணா மருத்துவக்கல்லூரி மருத்துவமனையில் சேர்க்கப்பட்டு தீவிர சிகிச்சை அளிக்கப்பட்டு வந்தது. எனினும் சிகிச்சை பலனின்றி முசாபர்பூரில் 113 குழந்தைகள் மூளைக்காய்ச்சலால் பரிதாபமாக உயிரிழந்துள்ளனர். பீகார் மாநிலத்தில் மூளைக்காய்ச்சலால் இறந்த குழந்தைகளின் எண்ணிக்கை 124ஆக உயர்ந்துள்ளது. 

இந்நிலையில் எய்ம்ஸ் மருத்துவர்கள் குழு பீகார் அரசு மருத்துவமனையை ஆய்வு செய்தது. இந்த ஆய்வில் பீகார் மருத்துவமனையிலுள்ள மருத்துவர்களுக்கு சிகிச்சை அளிக்க சரியாக திறன் இல்லை எனக் கண்டுபிடிக்கப்பட்டுள்ளது. இந்த ஆய்வில் பங்கேற்ற எய்ம்ஸ் மருத்துவர்கள், “பீகார் மருத்துவமனையிலுள்ள மருத்துவர்களுக்கு சிடி ஸ்கேன்,வென்டிலேட்டர் முதலியவற்றை பயன்படுத்த தெரியவில்லை. அத்துடன் இந்த மருத்துவர்களுக்கு மூளைக்காய்ச்சலால் பாதிக்கப்பட்ட குழந்தைகளை எப்படி சரியான முறையில் சிகிச்சை அளிக்கவேண்டும் என்பது போதிய தெளிவில்லை” எனத் தெரிவித்துள்ளனர். 

மேலும் மூளைக்காய்ச்சல் குறித்து பீகார் அரசு போதிய விழிப்புணர்வு ஏற்படுத்தாததும் இத்தகைய பெரிய இழப்பிற்கு காரணம் என்று தகவல்கள் வெளியாகியுள்ளது. ஏனென்றால் ஜூன் மாதத்திற்கு முன்பே மூளைக்காய்ச்சல் பாதிப்பு பீகார் மாநிலத்திலிருந்தும் அது பற்றிய விழிப்புணர்வு அதிகம் செய்யப்படவில்லை என்ற குற்றச்சாட்டுகள் எழுந்துள்ளது குறிப்பிடத்தக்கது. 

Advertisement:
இது தொடர்பான செய்திகள் :
Advertisement:
Advertisement:
[X] Close