[X] Close
JUST IN
  • BREAKING-NEWS நிலவின் சுற்றுவட்டப்பாதையை நெருங்குகிறது சந்திரயான் விண்கலம். காலை ஒன்பதரை மணியளவில் நிலவை சுற்றத் தொடங்கும் என இஸ்ரோ தகவல்
  • BREAKING-NEWS முன்னாள் நிதியமைச்சர் ப.சிதம்பரம் 23ஆம் தேதி விசாரணைக்கு ஆஜராக அமலாக்கத்துறை சம்மன். ஐஎன்எக்ஸ் மீடியா வழக்கில் முன் ஜாமீன் கோரிய மனு மீது டெல்லி உயர்நீதிமன்றம் இன்று தீர்ப்பு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

அதிருப்தி எம்எல்ஏக்களை தகுதி நீக்க கோரும் ஆம் ஆத்மி

aap-moves-delhi-speaker-seeks-disqualification-of-2-rebel-mlas

மக்களவைத் தேர்தலுக்கு முன்னர் பாஜகவில் சேர்ந்த இரண்டு ஆம் ஆத்மி கட்சி எம்எல்ஏக்களை தகுதிநீக்கம் செய்யவேண்டும் என டெல்லி சட்டப்பேரவை சபாநாயகரை ஆம் ஆத்மி கட்சி அணுகியுள்ளது.

ஆம் ஆத்மி சார்பில் போட்டியிட்டு டெல்லி சட்டப்பேரவைக்கு தேர்ந்தடுக்கப்பட்டவர்கள் அனில் பாஜ்பாய் மற்றும் தேவேந்திர் ஷெராவத். இவர்கள் இருவரும் கட்சியின் செயல்பாடுகள் குறித்து வெளிப்படையாக விமர்சித்து வந்தனர். இந்தச் சூழலில் அவர்கள் கடந்த மே மாதம் பாரதிய ஜனதா கட்சியில் இணைந்தனர். இதனால் ஆம் ஆத்மி கட்சி நிர்வாகிகள் சிலர் அதிர்ச்சி அடைந்தனர்.

இந்நிலையில் பாஜ்பாய் மற்றும் தேவேந்திர் ஷெராவத் ஆகிய இருவரையும் தகுதி நீக்கம் செய்யவேண்டும் என டெல்லி சட்டப்பேரவை சபாநாயகரிடம் மனு அளிக்கப்பட்டுள்ளதாக ஆம் ஆத்மி கட்சியின் செய்தித் தொடர்பாளர் சவ்ரவ் பரத்வாஜ் தெரிவித்தார். இதற்கு ஷெராவத் ஆம் ஆத்மி கட்சியிடமிருந்து தமக்கு எந்த நோட்டீஸும் வரவில்லை எனத் தெரிவித்தார். 

மேலும் பாரதிய ஜனதா கட்சியின் அடிப்படை உறுப்பினராக தாம் சேரவில்லை என பாஜக கூட்ட மேடையிலேயே கூறியதாகவும் ஷெராவத் கூறினார். இதனையடுத்து மற்றொரு எம்.எல்.ஏவான பாஜ்பாய் தமக்கு எதிரான வழக்கு நீதிமன்றத்தில் நிலுவையில் இருப்பதால் ஆம் ஆத்மி கட்சியின் நடவடிக்கையால் எந்தப் பயனும் இல்லை எனக் கூறியுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close