[X] Close
JUST IN
  • BREAKING-NEWS அத்திவரதரை தரிசிப்பதற்காக வரிசையில் காத்திருந்த பக்தர்களில் 3 பேர் மூச்சுத்திணறல் ஏற்பட்டு உயிரிழப்பு
  • BREAKING-NEWS தேசத் துரோக வழக்கில் வைகோவுக்கு விதிக்கப்பட்ட ஓராண்டு சிறை தண்டனை நிறுத்திவைப்பு
  • BREAKING-NEWS வேலூர் மக்களவை தேர்தலில் மக்கள்நீதிமய்யம் போட்டியிடவில்லை - பொதுச்செயலாளர் அருணாச்சலம்
  • BREAKING-NEWS வேலூரில் அரசு மற்றும் அரசு உதவி பெறும் பள்ளிகளுக்கு ஜூலை 24ஆம் தேதி விடுமுறை; வேலூர் மக்களவை தேர்தலில் பணியாற்றவுள்ள ஆசிரியர்களுக்கு 2ஆம் கட்ட பயிற்சி நடைபெறுகிறது; விடுமுறையை ஈடுசெய்யும் வகையில் வரும் 20ஆம் தேதி பள்ளிகள் இயங்கும் - மாவட்ட ஆட்சியர்
  • BREAKING-NEWS 7 பேர் விடுதலை விவகாரம்: நளினி தொடர்ந்த வழக்கு தள்ளுபடி
  • BREAKING-NEWS சென்னை தனியார் மருத்துவமனையில் சிகிச்சை பெற்றுவந்த சரவணபவன் அதிபர் ராஜகோபால் காலமானார்

பாகிஸ்தான் வீரர்களுக்கு விசா வழங்க சம்மதம் - மத்திய அரசு

central-government-give-permission-for-pakistani-players-get-visa

பிற நாடுகளைச் சேர்ந்த தகுதியான வீரர்கள் அனைவரும் இந்தியாவில் நடைபெறும் சர்வதேச போட்டிகளில் பங்கேற்க அனுமதிக்கப்படுவர் என மத்திய அரசு உறுதி அளித்துள்ளது. இதன் மூலம் பாகிஸ்தான் வீரர்கள் இந்தியாவில் போட்டிகளில் பங்கேற்பதில் இருந்த முட்டுக்கட்டை விலகியுள்ளது.

இந்திய ஒலிம்பிக் சங்கம் மற்றும் சர்வதேச ஒலிம்பிக் கமிட்டிக்கு மத்திய அரசு எழுதியுள்ள கடிதத்தில் இதற்கான உத்தரவாதம் அளிக்கப்பட்டுள்ளது. இந்தியாவில் சர்வதேச போட்டிகள் நடைபெறும்போது, அதில் பங்கேற்கத் தகுதி பெற்ற வீரர், வீராங்கனைகள் எந்த நாடுகளைச் சேர்ந்தவர்களாக இருந்தாலும், அவர்களுக்கு விசா வழங்கப்படும் என தெரிவிக்கப்பட்டுள்ளது. 

முன்னதாக கடந்த பிப்ரவரியில் புல்வாமா தாக்குதலை காரணம் காட்டி, துப்பாக்கிச் சுடுதல் போட்டியில் பங்கேற்க பாகிஸ்தானைச் சேர்ந்த 3 பேருக்கு மத்திய அரசு விசா வழங்க மறுத்தது. அதன் எதிரொலியாக இந்தியாவில் நடைபெறவிருந்த உலகக்கோப்பை துப்பாக்கிச் சுடுதல் போட்டி, ஜூனியர் டேவிஸ் கோப்பை டென்னிஸ், ஃபெட் கோப்பை டென்னிஸ், ஆசி‌ய ஜூனியர்‌‌ மல்யுத்தம் உள்ளிட்ட போட்டிகளுக்கு தடைவிதிக்கப்பட்டது. 

இந்த நிலையில், தகுதியான அனைத்து வீரர்களும் இந்தியாவில் நடைபெறும் போட்டிகளில் பங்கேற்க அனுமதிக்கப்படுவர் என மத்திய அரசு உறுதி அளித்திருக்கிறது. இதனால் இந்தியாவில் அடுத்த நடத்த திட்டமிடப்பட்டிருந்த சர்வதேச போட்டிகளுக்கான தடை நீக்கப்படும் என எதிர்பார்க்கப்படுகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close