[X] Close
JUST IN
  • BREAKING-NEWS அத்திவரதரை தரிசிப்பதற்காக வரிசையில் காத்திருந்த பக்தர்களில் 3 பேர் மூச்சுத்திணறல் ஏற்பட்டு உயிரிழப்பு
  • BREAKING-NEWS தேசத் துரோக வழக்கில் வைகோவுக்கு விதிக்கப்பட்ட ஓராண்டு சிறை தண்டனை நிறுத்திவைப்பு
  • BREAKING-NEWS வேலூர் மக்களவை தேர்தலில் மக்கள்நீதிமய்யம் போட்டியிடவில்லை - பொதுச்செயலாளர் அருணாச்சலம்
  • BREAKING-NEWS வேலூரில் அரசு மற்றும் அரசு உதவி பெறும் பள்ளிகளுக்கு ஜூலை 24ஆம் தேதி விடுமுறை; வேலூர் மக்களவை தேர்தலில் பணியாற்றவுள்ள ஆசிரியர்களுக்கு 2ஆம் கட்ட பயிற்சி நடைபெறுகிறது; விடுமுறையை ஈடுசெய்யும் வகையில் வரும் 20ஆம் தேதி பள்ளிகள் இயங்கும் - மாவட்ட ஆட்சியர்
  • BREAKING-NEWS 7 பேர் விடுதலை விவகாரம்: நளினி தொடர்ந்த வழக்கு தள்ளுபடி
  • BREAKING-NEWS சென்னை தனியார் மருத்துவமனையில் சிகிச்சை பெற்றுவந்த சரவணபவன் அதிபர் ராஜகோபால் காலமானார்

“ வாழ்க பெரியார்... வாழ்க காமராஜர் ”- நாடாளுமன்றத்தில் ஒலித்த குரல்கள்..!

tamil-nadu-mps-take-oath

நாடாளுமன்றத்தில் தமிழக எம்.பி.க்கள் தமிழிலேயே பதவியேற்றனர்.

நாடாளுமன்ற கூட்டத்தொடர் நேற்று தொடங்கிய நிலையில் பிரதமர் மோடி, காங்கிரஸ் தலைவர் ராகுல்காந்தி உள்ளிட்ட 313 பேர் எம்.பி.க்களாக பதவியேற்றுக் கொண்டனர். இந்நிலையில் தமிழக எம்.பி.க்கள் இன்று பதவியேற்றனர். அப்போது தமிழக எம்.பி.க்கள் அனைவரும் தமிழிலேயே பதவியேற்றக் கொண்டனர். பதவியேற்பின்போது பெரும்பாலானோர் ‘தமிழ் வாழ்க’, ‘ தமிழ்நாடு வாழ்க’ என தெரிவித்தனர்.

சிதம்பரம் தொகுதி எம்.பியான திருமாவளவன் பதவியேற்கும்போது, “ வாழ்க அம்பேத்கர், வாழ்க பெரியாளர், வெல்க சமத்துவம், ஜனநாயகம் ” என தெரிவித்தார். தூத்துக்குடி தொகுதி எம்.பியான கனிமொழி பதவியேற்கும்போது, “ வாழ்க தமிழ்.. வாழ்க பெரியார்..” எனக் கூறினார். இதேபோல தருமபுரி எம்.பி செந்தில்குமார் கருப்புச் சட்டை அணிந்தே பதவியேற்றார். அப்போது அவர், “திராவிடம் வெல்க” எனக் கூறினார்.

தயாநிதிமாறன் “தமிழ் வாழ்க , பெரியார் வாழ்க, கருணாநிதி வாழ்க” என முழங்கினார். விழுப்புரம் தொகுதி எம்பி ரவிக்குமார் “ வெல்க தமிழ் வாழ்க அம்பேத்கர்” என கூறி பதவி பிரமாணம் எடுத்து கொண்டார். திமுக எம்பிக்கள் எஸ் ஆர் பார்த்திபன், கவுதம் சிகாமணி ஆகியோர் “வாழ்க தளபதி” என முழக்கமிட்டனர். 

கன்னியாகுமரி மக்களவை தொகுதி எம்.பியான வசந்தகுமார் பதவியேற்கும்போது, “ ஜெய் ஜவான்.. ஜெய் கிசான்..வாழ்க காமராஜர், வாழ்க ராஜீவ்காந்தி” என தெரிவித்தார். தேனி மக்களவை தொகுதி எம்.பியான ரவீந்திரநாத் குமார் பதவியேற்பின்போது, “ வாழ்க புரட்சித் தலைவர் எம்ஜிஆர், வாழ்க புரட்சித் தலைவி ஜெயலலிதா, வந்தே மாதரம், ஜெய்ஹிந்த்” எனக் கூறினார்.

Advertisement:
இது தொடர்பான செய்திகள் :
Advertisement:
Advertisement:
[X] Close