ரகுராம் ராஜன் உதவி மோடிக்கு தேவைப்படாது: டுவிட்டரில் ராகுல் காந்தி மறைமுக சாடல்

பிரதமர் மோடிக்கு எல்லாமே தெரியும் என்பதால் ரகுராம் ராஜன் போன்ற பொருளாதார நிபுணர்களின் உதவி அவருக்கு தேவைப்படாது என்று காங்கிரஸ் துணைத் தலைவர் ராகுல் காந்தி மறைமுக சாடியுள்ளார்.

ரிசர்வ் வங்கி ஆளுநர் ரகுராம் ராஜன் ஓய்வு பெற்ற பின் அவரது இடத்தில் வேறொருவர் நியமிக்கப்படுவார் என மத்திய நிதியமைச்சர் அருண் ஜெட்லி ‌கூறியிருந்த நிலையில் ராகுலின் கருத்து வெளியாகியுள்ளது.

பொருளாதா‌ர சிக்கல்களில் இருந்து இந்தியாவை மீட்டெடுத்தவர் ரிசர்வ் வங்கி ஆளுநர் ரகுராம் ராஜன் என்றும் ராகுல் குறிப்பிட்டுள்ளார். ரகுராம் ராஜன் ஆளுநர் பதவிக்காலம் வரும் செப்டம்பர் 4-ம் தேதியுடன் முடியும் நிலையில் அதற்குப் பிறகு அப்பதவியில் 2-வது முறையாக தொடர விருப்பம் இல்லை என்று அவர் தெரிவித்திருந்தார்‌.