[X] Close
JUST IN
  • BREAKING-NEWS மக்கள் அதிமுக பக்கம் இருப்பதால் ரஜினி கூறும் அதிசயம், அற்புதம் எங்களுக்கு சாதகமாகவே அமையும் - அமைச்சர் ஜெயக்குமார்
  • BREAKING-NEWS கூடங்குளம் போராட்டக்காரர்கள் மீதான வழக்குகளை அரசு உடனடியாக திரும்ப பெற வேண்டும் - மு.க.ஸ்டாலின்
  • BREAKING-NEWS மறைமுகத் தேர்தல் முறை அதிகார துஷ்பிரயோகத்திற்கும், குதிரை பேரத்திற்கும் வழிவகுக்கும் - திருமாவளவன் எம்.பி.
  • BREAKING-NEWS 2021 ஆம் ஆண்டில் அதிமுக அரசு மலரும் என்பதையே அதிசயம் நிகழும் என்று ரஜினி கூறியிருக்கலாம் - முதல்வர் பழனிசாமி
  • BREAKING-NEWS 2021 ஆம் ஆண்டில் அதிமுவை சேர்ந்த ஒருவரே முதல்வராக இருப்பார் - முதல்வர் பழனிசாமி
  • BREAKING-NEWS நாடாளுமன்ற தேர்தலில் இருந்த கூட்டணியே உள்ளாட்சித் தேர்தலிலும் தொடர்கிறது - முதல்வர் பழனிசாமி
  • BREAKING-NEWS 2021ம் ஆண்டு அரசியலில் தமிழ் மக்கள் மிகப் பெரிய அதிசயத்தை, அற்புதத்தை நூற்றுக்கு நூறு சதவீதம் நிகழ்த்துவார்கள் - ரஜினிகாந்த்

தொடரும் மருத்துவர்களின் போராட்டம்.. பேச்சுவார்த்தைக்கு மம்தா அழைப்பு

mamata-banerjee-calls-for-talks-after-calcutta-hc-push-doctor-protests-go-national

மேற்கு வங்கத்தில் போராடும் பயிற்சி மருத்துவர்களை பேச்சுவார்த்தைக்கு அம்மாநில முதல்வர் மம்தா பானர்ஜி அழைத்துள்ளார்.

மேற்கு வங்க மாநிலத்தில் நில்ரதன் சர்கார் மருத்துவக் கல்லூரி மருத்துவமனையில் கடந்த திங்கள்கிழமை நோயாளியின் உறவினர் ஒருவர், பயிற்சி மருத்துவர் ஒருவரை தாக்கியதாகத் தெரிகிறது. இதில் அவர் தலையில் அடிபட்டு உயிரிழந்தார். இதனால் மருத்துவர்களின் பாதுகாப்பை உறுதி செய்யக்கோரியும் மருத்துவரின் இறப்புக்கு கண்டனம் தெரிவித்தும் ஐந்து நாட்களுக்கும் மேலாக பயிற்சி மருத்துவர்கள் போராட்டத்தில் ஈடுபட்டு வருகின்றனர்.

இந்நிலையில் இதுதொடர்பாக கொல்கத்தா உயர்நீதிமன்றத்தில் வழக்கு ஒன்று விசாரணைக்கு வந்தது. அதில் நீதிபதி, எந்தவித உத்தரவையும் அளிக்காமல், போராட்டத்தில் ஈடுபடும் மருத்துவர்களிடம் மேற்கு வங்க அரசு பேச்சுவார்த்தை நடத்தவேண்டும் என்று அறிவுறுத்தியுள்ளது. இதனைத்தொடர்ந்து மேற்கு வங்க முதல்வர் மம்தா பானர்ஜி மாநில தலைமை செயலகத்தில் ஒரு சில மருத்துவர்களிடம் ஆலோசனை நடத்தினார். அத்துடன் போராட்டத்தில் ஈடுபட்டுள்ள பயிற்சி மருத்துவர்களுக்கும் இந்தக் கூட்டத்திற்கு அழைப்பு விடுக்கப்பட்டது. எனினும் அவர்கள் கலந்துகொள்ளவில்லை. 

இதனையடுத்து இன்று மாலை 5 மணிக்கு மீண்டும் போராட்டத்தில் ஈடுபட்டுள்ள பயிற்சி மருத்துவர்கள் பேச்சுவார்த்தை கூட்டத்தில் பங்கேற்குமாறு அழைப்பு விடுக்கப்பட்டுள்ளது. மேலும் இந்த விவகாரம் தொடர்பாக மத்திய சுகாதாரத்துறை அமைச்சர் டாக்டர் ஹர்ஷ் வர்தன் மேற்கு வங்க முதல்வருக்கு ஒரு கடிதம் எழுதியுள்ளார். அதில், “இந்த விவகாரத்தில் சரியான தகவல் பரிமாற்றம் இருக்கவேண்டும். மேலும் இவ்விகாரத்தில் கருணையுடன் கையாளவேண்டும்” என அறிவுறுத்தியுள்ளார். 

முன்னதாக கொல்கத்தாவில் நடக்கும் போராட்டத்திற்கு பிற மாநிலங்களில் ஆதரவு வலுத்துள்ளது. அத்துடன் இந்திய மருத்துவர்கள் சங்கமும் இப்போராட்டத்திற்கு ஆதரவு அளித்துள்ளது. மேலும் நாடு முழுவதும் உள்ள மருத்துவர்களை வரும் 17ஆம் தேதி போராட்டத்திற்கு அழைத்துள்ளது குறிப்பிடத்தக்கது. 

Advertisement:
இது தொடர்பான செய்திகள் :
Advertisement:
Advertisement:
[X] Close