[X] Close
JUST IN
  • BREAKING-NEWS அத்திவரதரை தரிசிப்பதற்காக வரிசையில் காத்திருந்த பக்தர்களில் 3 பேர் மூச்சுத்திணறல் ஏற்பட்டு உயிரிழப்பு
  • BREAKING-NEWS தேசத் துரோக வழக்கில் வைகோவுக்கு விதிக்கப்பட்ட ஓராண்டு சிறை தண்டனை நிறுத்திவைப்பு
  • BREAKING-NEWS வேலூர் மக்களவை தேர்தலில் மக்கள்நீதிமய்யம் போட்டியிடவில்லை - பொதுச்செயலாளர் அருணாச்சலம்
  • BREAKING-NEWS வேலூரில் அரசு மற்றும் அரசு உதவி பெறும் பள்ளிகளுக்கு ஜூலை 24ஆம் தேதி விடுமுறை; வேலூர் மக்களவை தேர்தலில் பணியாற்றவுள்ள ஆசிரியர்களுக்கு 2ஆம் கட்ட பயிற்சி நடைபெறுகிறது; விடுமுறையை ஈடுசெய்யும் வகையில் வரும் 20ஆம் தேதி பள்ளிகள் இயங்கும் - மாவட்ட ஆட்சியர்
  • BREAKING-NEWS 7 பேர் விடுதலை விவகாரம்: நளினி தொடர்ந்த வழக்கு தள்ளுபடி
  • BREAKING-NEWS சென்னை தனியார் மருத்துவமனையில் சிகிச்சை பெற்றுவந்த சரவணபவன் அதிபர் ராஜகோபால் காலமானார்

கர்நாடகாவில் சுயேட்சை எம்.எல்.ஏக்கள் அமைச்சர்களாகப் பதவியேற்பு

kumaraswamy-to-expand-cabinet-2-independents-take-oath-as-cabinet-ministers

கர்நாடகாவில், 2 சுயேட்சை எம்.எல்.ஏக்கள் அமைச்சர்களாக இன்று பதவியேற்றுக் கொண்டனர். 

கர்நாடகத்தில் காங்கிரஸ், ஜனதா தளம் (எஸ்) கட்சிகளின் கூட்டணி ஆட்சி நடைபெறுகிறது. நடந்து முடிந்த மக்களவைத் தேர்தலில் ஆளும் கட்சி கடும் தோல்வி அடைந்ததால் ஆட்சியை கவிழ்க்க, பாஜக முயற்சிப்பதாகத் தகவல் வெளியானது. இதையடுத்து, கூட்டணி ஆட்சியை காப்பாற்ற அதிருப்தி எம்.எல்.ஏ.க்களான ரமேஷ் ஜார்கிகோளி, மகேஷ் கமட்டள்ளி, பி.சி.பட்டீல் உள்ளிட்டோரை சமாதானப் படுத்தும் முயற்சியில் முதலமைச்சர் குமாரசாமி, காங்கிரஸ் தலைவர்கள் சித்தராமையா ஆகியோர் ஈடுபட்டனர். 

பின்னர் காங்கிரஸ் தலைவர் ராகுல் காந்தியுடன், முதலமைச்சர் குமாரசாமி ஆலோசனை நடத்தினார். அதைத்தொடர்ந்து, அமைச்சரவையை விரிவாக்கம் செய்ய முடிவு செய்யப்பட்டது. அதன்படி, சுயேச்சை எம்.எல்.ஏ.க்கள் பாஜகவுக்கு செல்வதை தடுக்க, அவர்கள் 2 பேருக்கும் அமைச்சர் பதவி வழங்க முடிவு செய்யப்பட்டது. 

அதன்படி அமைச்சரவை விரிவாக்கம் இன்று நடைபெற்றது. கர்நாடக ஆளுநர் மாளிகையில் நடந்த விழாவில் சுயேச்சை எம்.எல்.ஏ.க்களான நாகேஸ், ஆர்.சங்கர் அமைச்சர்களாக பதவி ஏற்றனர். அவர்களுக்கு கவர்னர் வஜூபாய் வாலா பதவி பிரமாணம் செய்து வைத்தார்.

சுயேச்சை எம்.எல்.ஏ.க்களுக்கு அமைச்சர் பதவி வழங்க காங்கிரஸ் அதிருப்தி எம்.எல்.ஏ.க்கள் எதிர்ப்பு தெரிவித்திருந்தனர். இதனால் கர்நாடக அரசியலில் மேலும் பரபரப்பு ஏற்பட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close