[X] Close
JUST IN
  • BREAKING-NEWS நீலகிரி, கோவை, திண்டுக்கல், தேனி, காஞ்சிபுரம், திருவள்ளூர், வேலூர், தி.மலையில் கனமழை பெய்ய வாய்ப்பு - வானிலை ஆய்வு மையம்
  • BREAKING-NEWS அரசுப் பள்ளி ஆசிரியர்களின் கற்பித்தல் திறன், மாணவர்களின் கற்றல் திறனை ஆய்வு செய்ய சிறப்புக்குழுக்களை அமைக்க பள்ளிக்கல்வித்துறைக்கு உயர்நீதிமன்றக் கிளை உத்தரவு
  • BREAKING-NEWS வட கிழக்கு பருவ மழைக்கு முன் மழை நீரை சேமிக்கும் பணியில் ஈடுபட வேண்டும் என மக்களிடம் அமைச்சர் வேலுமணி வேண்டுகோள்
  • BREAKING-NEWS தொழில்நுட்ப கோளாறு காரணமாக, கடந்தவாரம் நிறுத்தப்பட்ட சந்திரயான்-2 விண்கலம் இன்று பிற்பகல் விண்ணில் ஏவப்படுகிறது
  • BREAKING-NEWS விளம்பரத்திற்காக இல்லாமல் சமூக பணி பண்ணலாம். நிஜ வாழ்வில் 4 பேருக்காவது பயன்படும்படி இருப்பேன் - நடிகர் சூர்யா

தோனி வீட்டில் கொள்ளையில் ஈடுபட்ட மூவர் கைது 

3-arrested-for-burglary-at-ms-dhoni-s-house-in-noida

இந்திய கிரிக்கெட் வீரர் தோனியின் நொய்டா வீட்டில் கொள்ளையில் ஈடுபட்ட 3 பேரை  போலீசார் கைது செய்துள்ளனர்.

உத்திரப்பிரதேச மாநிலம் நொய்டாவில் இந்திய கிரிக்கெட் வீரர் தோனிக்கு சொந்தமான வீடு ஒன்று விக்ரம் சிங் என்பவருக்கு வாடகைக்கு விடப்பட்டுள்ளது. அந்த வீட்டில் சில கட்டுமான வேலைகள் நடந்தும் வந்துள்ளது. இந்நிலையில் கடந்த ஏப்ரல் மாதம் வீட்டுக்குள் இருந்த எல்இடி உள்ளிட்ட சில பொருட்களை மர்மநபர்கள் திருடிச்சென்றதாக கூறப்படுகிறது. 

இது குறித்து நொய்டா போலீசாரிடம் புகாரும் அளிக்கப்பட்டது. புகாரை ஏற்றுக்கொண்டு வழக்குப்பதிவு செய்து கொள்ளையர்களை தேடிவந்த போலீசார் ராகுல், பப்லு, இக்லாக் ஆகிய  3 பேரை கைது செய்துள்ளனர். இது குறித்து தகவல் தெரிவித்துள்ள காவல் அதிகாரி, வீட்டில் வெளிச்சம் இல்லாததை வைத்து வீட்டில் யாருமில்லை என்பதை கொள்ளையர்கள் தெரிந்துகொள்கிறார்கள். 
மேலும் வீட்டு அழைப்பு மணியை பலமுறை அழுத்தி யாரும் இல்லை என்பதை உறுதி செய்கிறார்கள். பின்னரே அந்த வீட்டில் கொள்ளையில் ஈடுபடுகின்றனர் என்று தெரிவித்தார்.

கைது செய்யப்பட்ட கொள்ளையர்களிடம் இருந்து இன்வெர்ட்டர்ஸ், 5 மடிக்கணினிகள், 5 எல்இடி டிவிக்கள், மற்ற வீட்டு உபயோகப்பொருட்கள் எனப் பல பொருட்கள் பறிமுதல் செய்யப்பட்டுள்ளன. மேலும் இந்தக் கொள்ளைக் கும்பலில் பலர் ஈடுபட்டிருக்கலாம் என்றும் கைது செய்யப்பட்டவர்களிடம் தொடர்ந்து விசாரணை நடத்தப்பட்டு வருவதாகவும் போலீசார் தெரிவித்துள்ளனர்.
 

Advertisement:
இது தொடர்பான செய்திகள் :
Advertisement:
Advertisement:
[X] Close