[X] Close
JUST IN
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

பஞ்சாப் முதல்வருடன் மோதல்: சித்துவின் உள்ளாட்சி துறை பறிப்பு

punjab-cm-amarinder-rejigs-cabinet-navjot-singh-sidhu-loses-key-portfolio

பஞ்சாப்பில் முதல்வர் அமரீந்தர் சிங், அமைச்சர் சித்து இடையேயான மோதல் தீவிரமடைந்துள்ளது. சித்துவுக்கு வழங்கப்பட்டிருந்த முக்கிய துறைகள் நேற்று திடீரென மாற்றப்பட்டன.

பஞ்சாப் மாநில உள்ளாட்சி மற்றும் சுற்றுலா, கலாசாரம் அருங்காட்சியக துறை அமைச்சராக இருந்தார் நவ்ஜோத் சிங் சித்து. அவருக்கும், அம்மாநில முதலமைச்சர் அமரீந்தர் சிங்குக்கும் கடும் மோதல் போக்கு நிலவி வருகிறது. தேர்தல் பிரசாரத்தின் போது, இருவரும் ஒருவரை ஒருவர் கடுமையாக விமர்சித்தனர். தனது மனைவி நவ்ஜோத் கவுர், அமிர்தசரஸ் தொகுதியில் போட்டியிடுவதை அமரீந்தர் சிங் தான் தடுத்தார் என்று சித்து குற்றம்சாட்டினார். 

பஞ்சாப் மக்களவை தேர்தலில் 13 தொகுதிகளில் காங்கிரஸ் 8 தொகுதியில் வென்றது. முழு அளவிலான வெற்றி கிடைக்காததற்கு சித்துவின் செயல்பாடுகள் தான் காரணம் என அமரீந்தர் குற்றம் சாட்டினார். உள்ளாட்சி துறை அமைச்சராக சிறப்பாக பணியாற்றாததால், வெற்றி வாய்ப்பு பாதித்ததாகவும் அவர் தெரிவித்தார். இதனால் கோபமடைந்த சித்து கடந்த மாதம் அமைச்சரவை கூட்டத்தில் கலந்து கொள்ளாமல் சித்து புறக்கணித்தார். 

இந்நிலையில் தேர்தலுக்கு பிறகு காங்கிரஸ் கட்சியின் செயல்பாடுகள் குறித்து ஆலோசிக்க அமரீந்தர் சிங் நேற்று கூட்டம் ஒன்றை ஏற்பாடு செய்திருந்தார். இந்தக் கூட்டத்துக்கும் செல்லாமல் சித்து புறக்கணித்தார். 

இதையடுத்து சித்துவிடம் இருந்த உள்ளாட்சி துறை, சுற்றுலா மற்றம் பண்பாட்டுத்துறை பதவி பறிக்கப்பட்டு அவருக்கு மின்சாரம், புதிய மற்றும் புதுப்பிக்கத்தக்க எரிசக்தி துறை வழங்கப்பட்டுள்ளது. 


 

Advertisement:
இது தொடர்பான செய்திகள் :
Advertisement:
Advertisement:
[X] Close