[X] Close
JUST IN
  • BREAKING-NEWS தமிழகம், புதுச்சேரியில் குறைந்த காற்றழுத்த தாழ்வு நிலையால் 3 நாட்களுக்கு மழை பெய்யும் - சென்னை வானிலை ஆய்வு மையம்
  • BREAKING-NEWS தமிழகத்தில் 3 இடங்களில் ஹைட்ரோகார்பன் எடுக்க இன்று மாலை ஒப்பந்தம் கையெழுத்தாகிறது டெல்லி தனியார் ஓட்டலில் ஓஎன்ஜிசி நிறுவனத்துக்கு அனுமதி வழங்குகிறார் அமைச்சர் தர்மேந்திர பிரதான்
  • BREAKING-NEWS தமிழ் உள்ளிட்ட அனைத்து பிராந்திய மொழிகளிலும் அஞ்சல் துறை தேர்வுகள் நடத்தப்படும் - மாநிலங்களவையில் ரவிசங்கர் பிரசாத் அறிவிப்பு
  • BREAKING-NEWS அறிமுகமானது முறைப்படுத்தப்பட்ட வாடகைத் தாய் மசோதா
  • BREAKING-NEWS தனியார் மருத்துவமனைக்கு ராஜகோபாலை மாற்ற நீதிமன்றம் அனுமதி

“மத்திய அரசுக்கு தமிழக அரசு உறுதுணையாக இருக்கும்” - முதலமைச்சர் பழனிசாமி

edappadi-pazhanisamy-thanks-to-prime-minister-modi

விவசாயிகளுக்கு ஆண்டுக்கு 6 ஆயிரம் ரூபாய் உதவித் தொகை வழங்கும் திட்டத்தை விரிவுபடுத்தியது உள்ளிட்ட பல்வேறு அறிவிப்புகளை வெளியிட்ட பிரதமர் நரேந்திர மோடிக்கு முதலமைச்சர் எடப்பாடி பழனிசாமி நன்றி தெரிவித்துள்ளார்.

பிரதமர் மோடிக்கு முதலமைச்சர் எடப்பாடி பழனிசாமி எழுதியுள்ள கடிதத்தில், விவசாயிகளுக்கு ஆண்டுக்கு 6 ஆயிரம் ரூபாய் உதவித்தொகை தரும் பிரதமரின் கிசான் திட்டத்தை நிலம் வைத்துள்ள அனைத்து விவசாய குடும்பங்களுக்கும் விரிவுபடுத்தியதற்காக விவசாயிகளின் சார்பில் நன்றி தெரிவித்துக்கொள்வதாக கூறியுள்ளார். 

சிறு மற்றும் குறு விவசாயிகளுக்கு ஓய்வூதியத் திட்டத்தை அறிவித்ததற்கும் முதலமைச்சர் நன்றி தெரிவித்துள்ளார். கால்நடை வளர்க்கும் விவசாயிகளுக்கு உதவும் வகையில் கோமாரி வாய்சப்பை நோய், கன்று வீச்சு நோய் ஆகியவற்றை கட்டுப்படுத்துவதற்கு ஆகும் மொத்த செலவையும் மத்திய அரசு ஏற்கும் என அறிவித்ததற்கும் முதல்வர் நன்றி தெரிவித்துள்ளார். 

கடை உரிமையாளர்கள், சில்லறை வர்த்தகர்கள் மற்றும் சுயதொழில் செய்வோர் ஆகியோருக்கு ஓய்வூதியம் கிடைக்க வழி செய்திருப்பதற்கு நன்றி தெரிவித்துள்ள முதல்வர், இது ஒரு முன்னோடி திட்டம் என பாராட்டியுள்ளார். மத்திய அரசின் திட்டங்கள் சமுதாயத்தின் பல்வேறு தரப்பினருக்கும் வலுவான சமூக பாதுகாப்பை அளிக்கும் என குறிப்பிட்டுள்ளார். 

மத்திய அரசின் இந்த திட்டங்களை சிறப்பாக செயல்படுத்தப்படுவதை உறுதி செய்து, மத்திய அரசின் முயற்சிகளுக்கு தமிழக அரசு உறுதுணையாக இருக்கும் என முதலமைச்சர் எடப்பாடி பழனிசாமி தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close