[X] Close
JUST IN
  • BREAKING-NEWS வளிமண்டல மேலடுக்கு சுழற்சியால் தமிழகத்தில் 3 நாட்களுக்கு மழை நீடிக்கும் - வானிலை ஆய்வு மையம்
  • BREAKING-NEWS சென்னை ராயப்பேட்டை ஒய்.எம்.சி.ஏ மைதானத்தில் அக்டோபர் 6ஆம் தேதி திமுக பொதுக்குழு கூட்டம்
  • BREAKING-NEWS நீட் ஆள் மாறாட்ட புகாரில் தொடர்புடைய மாணவர் உதித் சூர்யாவை தேடி தேனியிலிருந்து தனிப்படை காவல்துறையினர் 5பேர் சென்னை வருகை
  • BREAKING-NEWS தாய்மொழிக்கு பதிலாக இந்தியை கற்க வேண்டும் என கூறவில்லை - மத்திய உள்துறை அமைச்சர் அமித் ஷா
  • BREAKING-NEWS இந்தி திணிப்புக்கு எதிராக நாளை திமுக நடத்தவிருந்த போராட்டம் ஒத்திவைப்பு. ஆளுநரின் உறுதிமொழியை ஏற்று முடிவு எடுக்கப்பட்டதாக ஸ்டாலின் அறிவிப்பு

பிரணாப் முகர்ஜியை சந்தித்தார் மோடி

prime-minister-narendra-modi-met-former-president-pranab-mukherjee-today

முன்னாள் குடியரசுத் தலைவர் பிரணாப் முகர்ஜியை, பிரதமர் மோடி இன்று சந்தித்து பதவி ஏற்பு விழாவுக்கு அழைப்பு விடுத்துள்ளார்.

மக்களவைத் தேர்தலில், பாஜக தலைமையிலான தேசிய ஜனநாயகக் கூட்டணி 353 இடங்களில் வெற்றி பெற்றது. பாஜக மட்டும் 303 இடங்களில் வெற்றி பெற்று தனி மெஜாரிட்டியுடன் ஆட்சி அமைக்கிறது. மோடி இரண்டாவது முறையாக பிரதமர் பதவி ஏற்கிறார். பதவியேற்பு விழா 30 ஆம் தேதி, மாலை 7 மணிக்கு ராஷ்ட்ரபதி பவனில் நடக்கிறது. இதில் நம் நாட்டு அரசியல் கட்சி தலைவர்களுடன் சில வெளிநாட்டு தலைவர்களும் கலந்து கொள்ள இருப்பதாகக் கூறப்படுகிறது.

இந்நிலையில் இந்தப் பதவியேற்பு விழாவுக்கு முன், மூத்த அரசியல் தலைவர்களை சந்தித்து வருகிறார் மோடி. அத்வானி, முரளி மனோகர் ஜோஷி, வெங்கையா நாயுடு உள்ளிட்ட தலைவர்களை சந்தித்த மோடி, முன்னாள் குடியரசுத் தலைவர் பிரணாப் முகர்ஜியை இன்று சந்தித்து ஆசி பெற்றார். அப்போது பதவியேற்பு விழாவுக்கு அவர் அழைப்பு விடுத்ததாகத் தெரிகிறது.

பின்னர் இந்த சந்திப்பு பற்றி பிரதமர் மோடி ட்விட்டரில், ’’பிரணாப் முகர்ஜியை சந்திப்பது எப்போதும் செறிவூட்டும் அனுபவம். அவரது அறிவும் அனுபவமும் இணையற்றவை. திறமையான, அனுபவம் வாய்ந்த அரசியல் தலைவர். இன்றைய சந்திப்பில் அவரிடம் ஆசி வாங்கினேன்’’ என்று தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close