[X] Close
JUST IN
  • BREAKING-NEWS 2020ஆம் ஆண்டுக்கான தமிழக அரசின் பொதுவிடுமுறை நாட்கள் பட்டியல் வெளியீடு - ஆங்கிலப்புத்தாண்டு, பொங்கல், தீபாவளி என மொத்தம் 23 நாட்களுக்கு பொதுவிடுமுறை
  • BREAKING-NEWS திருவள்ளூர், காஞ்சிபுரம், வேலூர், தி.மலை, திண்டுக்கல், தேனி, நீலகிரி, கோவையில் மிக கனமழைக்கு வாய்ப்பு - இந்திய வானிலை மையம்
  • BREAKING-NEWS மேட்டூர் அணை வேகமாக நிரம்பி வருவதால் காவிரி கரையோர மக்களுக்கு வெள்ள அபாய எச்சரிக்கை
  • BREAKING-NEWS ஐஎன்எக்ஸ் மீடியா விவகாரம்: சிபிஐ வழக்கில் ப.சிதம்பரத்துக்கு ஜாமீன்
  • BREAKING-NEWS வங்கக் கடலில் உருவானது காற்றழுத்த தாழ்வுப்பகுதி: கனமழைக்கு வாய்ப்பு

அருண் ஜெட்லி இல்லாத புதிய அமைச்சரவை..? அமித் ஷாவிற்கு வாய்ப்பு

amith-shah-likely-inductions-in-new-cabinet

பிரதமர் நரேந்திர மோடி தலைமையிலான புதிய அமைச்சரவையில் பாஜக தேசியத் தலைவர் அமித் ஷா இடம்பெறுவார் என்று தகவல் வெளியாகியுள்ளது.

வரும் 30-ஆம் பிரதமராக மோடி மீண்டும் பதவியேற்க உள்ளார். இந்நிலையில் புதிய அமைச்சரவை குறித்து பாஜக மூத்த தலைவர்கள் இன்று கூடி விவாதிக்க உள்ளனர். இதில் மத்திய அமைச்சராக கட்சியின் தலைவர் அமித் ஷா விருப்பம் தெரிவித்திருப்பதாக பாஜக டெல்லி வட்டாரங்கள் தெரிவிக்கின்றன. அமித் ஷாவிற்கு உள்துறை அல்லது நிதித்துறை ஒதுக்கப்படக்கூடும் என்று சொல்லப்படுகிறது.

உள்துறையை பாஜகவின் மூத்த தலைவர் ராஜ்நாத் சிங் ஏற்கெனவே வகித்திருப்பதால், அதை அவர் விட்டுத்தர வாய்ப்பில்லை என்று பாஜக தரப்பில் சொல்லப்படுகிறது. ஆகையால், உடல்நலக்குறைவால் ஓய்வில் இருக்கும் அருண் ஜெட்லியின் நிதித்துறை அமித் ஷாவுக்கு அளிக்க வாய்ப்பிருப்பதாகவும் தகவல் வெளியாகியுள்ளது.

ஏற்கெனவே சிறுநீரக மாற்று அறுவை சிகிச்சை செய்துள்ள அருண் ஜெட்லி, கடந்த ஜனவரி மாதம் அமெரிக்காவில் தோல் திசு புற்றுநோய்க்கு சிகிச்சை பெற்றார். இதனால் தற்போதைய மத்திய அரசின் இறுதிபட்ஜெட்டை அருண் ஜெட்லி தாக்கல் செய்யவில்லை. நிதியமைச்சர் பொறுப்பில் ரயில்வே பியூஷ் கோயல்தான் தாக்கல் செய்தார். உடல்நலக்குறைவால் மக்களவைத் தேர்தலிலும் அருண் ஜெட்லி போட்டியிடவில்லை.

இந்நிலையில் உடல்நலம் காரணமாக அவர் மோடி அரசின் புதிய அமைச்சரவையில் இடம்பெற மாட்டார் என பாஜக வட்டாரங்கள் தெரிவிக்கின்றன. இதனால் நிதித்துறை அமித் ஷாவிற்கு ஒதுக்கப்பட அதிக வாய்ப்புள்ளதாக தெரிகிறது. அமைச்சராகிவிட்டால், கட்சி விதிப்படி பாஜக தலைவர் பதவியை அமித் ஷா ராஜினாமா செய்யக்கூடும் என்றும் சொல்லப்படுகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close