[X] Close
JUST IN
  • BREAKING-NEWS தண்ணீர் பிரச்னைக்காக மாவட்டந்தோறும் ஜூன் 22 முதல் திமுக கவன ஈர்ப்பு ஆர்ப்பாட்டம் - திமுக மாவட்டச் செயலாளர்களுக்கு மு.க.ஸ்டாலின் அறிவுறுத்தல்
  • BREAKING-NEWS வாகன ஓட்டு‌நர் உ‌ரிமம் பெறுவதற்கான குறைந்த‌பட்ச கல்வி தகுதியை அடியோடு நீக்கம் செய்ய மத்திய அரசு முடிவு ‌செய்துள்ளதாக தகவல்
  • BREAKING-NEWS ஆந்திர போலீஸாருக்கு இன்று முதல் வார விடுமுறை அறிவித்தார் முதல்வர் ஜெகன்மோகன் ரெட்டி
  • BREAKING-NEWS மக்களவை சபாநாயகராக பாஜவை சேர்ந்த ஓம் பிர்லா எம்.பி. போட்டியின்றி ஒருமனதாக தேர்ந்தெடுக்கப்பட்டார்
  • BREAKING-NEWS நடிகர் சங்கத் தேர்தலை நிறுத்துமாறு தென்சென்னை மாவட்ட சங்கங்களின் பதிவாளர் உத்தரவு
  • BREAKING-NEWS தேர்தல் தோல்வியை அடுத்து கர்நாடக மாநில காங்கிரஸ் கமிட்டியை கலைத்தது காங்கிரஸ் கட்சி

தேர்தலுக்குப் பிந்தைய கருத்துக்கணிப்புகள் தவறாகி இருக்கின்றன: வெங்கையா நாயுடு

exit-polls-are-not-exact-polls-most-have-gone-wrong-vice-president-venkaiah-naidu

’’தேர்தலுக்குப் பிந்தைய பல கருத்துக்கணிப்புகள் தவறாகி இருக்கின்றன என்பதை புரிந்துகொள்ள வேண்டும்’’ என்று குடியரசுத் துணைத் தலைவர் வெங்கைய்யா நாயுடு தெரிவித்துள்ளார்.

ஆந்திர மாநிலம் குண்டூரில் தனக்கு நடந்த பாராட்டு விழாவில் நேற்று கலந்துகொண்ட அவர் கூறும்போது, ‘’தேர்தலுக்கு பிந்தைய கருத்துக் கணிப்பு முடிவுகள், சரியான முடிவுகளாக இருந்ததில்லை. அதைப் புரிந்துகொள்ள வேண்டும். 1999-ஆம் ஆண்டில் இருந்தே இந்தக் கணிப்புகள் பெரும்பாலும் தவறாக இருந்துள்ளன. வாக்கு எண்ணிக்கை நடக்கும் 23 ஆம் தேதி வரை, எல்லோரும் தங்கள் சொந்த நம்பிக்கைகளையே வெளிப்படுத்துவார்கள். அதனால் வாக்கு எண்ணிக்கை முடிவு வெளிவரும் வரை காத்திருக்க வேண்டும். மத்தியிலும் மாநிலங்களிலும் யார் ஆட்சிக்கு வந்தாலும் நிலையான அரசு அமைய வேண்டும். அதுதான் தேவை. அவ்வளவுதான்.

ஜனநாயகம் வலுப்பட வேண்டுமென்றால் அரசியல் கட்சிகள் தங்கள் பொறுப்புகளை உணர்ந்து செயல்பட வேண்டும். அண்மைக் காலமாக, அரசியல் தலைவர்களில் பேச்சில் நாகரிகம் குறைந்து வருகிறது. தனிப்பட்ட முறையில் விமர்சிக்கும் போக்கு அதிகரித்திருக்கிறது. அரசியலில் ஒருவருக்கொருவர் எதிரி அல்ல, எதிர்ப்பாளர் மட்டுமே. இந்த அடிப்படையை மறந்துவிடுகின்றனர். அரசியல் கட்சிகள் ஆட்சிக்கு வந்து ஏதும் செய்யாமல், கடைசி நேரத்தில் இலவசங்களை அறிவிக்கின்றன. அதை நான் எப்போதும் எதிர்க்கிறேன்’’ என்றார். 
 

Advertisement:
Advertisement:
Advertisement:
[X] Close