[X] Close
JUST IN
  • BREAKING-NEWS தமிழகத்தின் 3 இடங்கள் உட்பட நாட்டின் 32 இடங்களில் ஹைட்ரோ கார்பன் எடுக்கும் திட்டத்திற்கு ஒப்பந்தம்
  • BREAKING-NEWS கொடைக்கானலில் ரூ.20 கோடியில் அடுக்குமாடி வாகன நிறுத்துமிடம் அமைக்கப்படும் அரசு போக்குவரத்துக் கழகங்களில் சோதனை முறையில் பொது இயக்கப்பயண அட்டை அறிமுகப்படுத்தப்படும் - போக்குவரத்துத்துறையில் புதிய அறிவிப்புகளை பேரவையில் அமைச்சர் எம்.ஆர். விஜயபாஸ்கர் வெளியிட்டார்
  • BREAKING-NEWS தமிழகம், புதுச்சேரியில் குறைந்த காற்றழுத்த தாழ்வு நிலையால் 3 நாட்களுக்கு மழை பெய்யும் - சென்னை வானிலை ஆய்வு மையம்
  • BREAKING-NEWS தமிழ் உள்ளிட்ட அனைத்து பிராந்திய மொழிகளிலும் அஞ்சல் துறை தேர்வுகள் நடத்தப்படும் - மாநிலங்களவையில் ரவிசங்கர் பிரசாத் அறிவிப்பு

ஜனநாயக கடமையை நிறைவேற்றினார் இந்தியாவின் முதல் வாக்காளர்

102-yr-old-shyam-saran-negi-1st-voter-of-independent-india-cast-his-vote-for-loksabha-elections-2019-in-kalpa-kinnaur-earlier-today

இந்தியாவின் முதல் வாக்காளர் எனக் கருதப்படும் 102 வயதான ஷ்யாம் சரண் நேகி தனது ஜனநாயக கடமையை ஆற்றினார். 

வெள்ளையர் ஆட்சியில் இருந்து இந்தியா சுதந்திரம் பெற்ற பிறகு 1950 ஆம் ஆண்டு குடியரசு ஆனது. இதையடுத்து 1952 ஆம் ஆண்டு நாடாளுமன்ற பொதுத்தேர்தல் தேதி அறிவிக்கப்பட்டது. ஆனால், டெல்லியிலிருந்து நீண்ட தூரத்தில் இருப்பதாலும் அடர்த்தியான பனிப்பொழிவு உள்ளிட்ட தட்பவெப்ப நிலையை கருத்தில் கொண்டும் ஹிமாச்சலப்பிரதேச மாநிலத்தில் உள்ள பழங்குடியின மக்கள் வாழும் பகுதியில் மட்டும் 1951 ஆம் ஆண்டு அக்டோபர் மாதமே தேர்தல் நடத்தப்பட்டது.

அப்போது கின்னவூர் மாவட்டத்திலுள்ள மண்டி நாடாளுமன்றத் தொகுதிக்கு உட்பட்ட கல்பா பகுதியில் இருந்த வாக்குச்சாவடியில் பள்ளி ஆசிரியராக இருந்த ஷ்யாம் சரண் நேகி அதிகாலையிலேயே காத்திருந்து சரியாக காலை 7 மணிக்கு இந்தியாவின் முதல் வாக்காளராக அன்றைக்கு தனது ஜனநாயக கடமையை நிறைவேற்றினார். 

இந்நிலையில் தற்போது 102 வயதாகும் அவர், கின்னவூர் மாவட்டத்திலுள்ள கல்பா பகுதியில் அமைக்கப்பட்டுள்ள வாக்குச்சாவடிக்கு நேரில் வந்து வாக்களித்தார். அப்போது மேளதாளம் முழங்க தேர்தல் அதிகாரிகள் அவருக்கு உற்சாக வரவேற்பு அளித்து ஊர்வலமாக அழைத்துச் சென்றனர்.  

வீடியோ

Advertisement:
Advertisement:
Advertisement:
[X] Close