[X] Close
JUST IN
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

பத்திரிகையாளர் மீது தாக்குதல் நடத்திய லாலு மகனின் பாதுகாவலர்

conspiracy-to-kill-me-says-tej-pratap-after-video-of-his-bodyguard-assaulting-photographer-goes-viral

தனது பாதுகாவலர் புகைப்படக் கலைஞரை தாக்கியதற்கு லாலு பிரசாத் யாதவின் மூத்த மகன் தேஜ் பிரதாப் விளக்கமளித்துள்ளார்.

இன்று நடைபெறும் 7ஆம் கட்ட மக்களவைத் தேர்தலில் பீகார் மாநிலத்தின் 8 தொகுதிகளுக்கு வாக்குப்பதிவு நடைபெற்று வருகிறது. இதில் தனது வாக்கைப் பதிவு செய்வதற்காக தேஜ் பிரதாப், படலிபுத்ரா பகுதியில் உள்ள கல்லூரி ஒன்றிற்கு வந்தார். அங்கு வாக்கை பதிவு செய்த பின்னர் வெளியே சென்ற அவரை, காரில் செல்லும் போது பத்திரிகையாளர்கள் சூழ்ந்து கொண்டனர். 

அப்போது அங்கிருந்த பிரதாப்பின் பாதுகாவலர் ஒருவர், போட்டோகிராபர் ஒருவரை தாக்கினார். இதைக்கண்ட அங்கிருந்த மற்ற ஊடகத்தினர் மற்றும் காவல்துறையினர் தடுத்தனர். அதை மீறியும் போட்டோகிராபர் தாக்கப்பட்டார். இந்த விவகாரம் சமூக வலைத்தளங்களில் பரவி சர்ச்சை ஏற்படுத்தியது.

இந்நிலையில் போட்டோகிராபர் தாக்கப்பட்டது தொடர்பாக தேஜ் பிரதாப் விளக்கமளித்துள்ளார். அதில், “நான் எனது வாக்கை பதிவு செய்துவிட்டு காரில் திரும்பும்போது, பத்திரிகையாளர் குழுவாக என்னை சூழ்ந்துகொண்டனர். அப்போது ராஜன் என்ற போட்டோகிராபர் எனது கார் கண்ணாடியை உடைத்தார். அது என் கார் டிரைவர் கண்ணில் காயத்தை ஏற்படுத்தியது. இது ஒரு கொலை முயற்சி ஆகும்” என்று கூறியுள்ளார். 

பீகார் மாநிலத்தின் முன்னாள் முதலமைச்சரும், ராஷ்ட்ரீய ஜனதா தளம் கட்சித் தலைவருமான லாலு பிரசாத் யாதவின் மூத்த மகன் தேஜ் பிரதாப். இவர் முன்னாள் அமைச்சராகவும், ராஷ்ட்ரீய ஜனதா தள தலைவராகவும் இருந்தவர். 

Advertisement:
இது தொடர்பான செய்திகள் :
Advertisement:
Advertisement:
[X] Close