[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 72.64 காசுகளாகவும், டீசல் லிட்டருக்கு ரூ. 67.52 காசுகளாகவும் விலை நிர்ணயம்
  • BREAKING-NEWS கோதாவரி - காவிரி நதிநீர் இணைப்பை முதன்மையாக நிறைவேற்ற பிரதமர் மற்றும் நீர்வள அமைச்சரிடம் கோரிக்கை வைத்துள்ளேன் - முதல்வர் பழனிசாமி
  • BREAKING-NEWS தமிழகத்தின் ஒப்புதலின்றி மேகதாதுதுவில் அணை கட்ட அனுமதி வழங்க கூடாது என கோரிக்கை விடுத்துள்ளோம் - முதல்வர் பழனிசாமி
  • BREAKING-NEWS குடிநீர் பற்றாக்குறையை போக்க செயல்படுத்தப்படும் திட்டங்களுக்கான நிதியை உடனடியாக ஒதுக்க கோரிக்கை வைக்கப்பட்டுள்ளது - முதல்வர் பழனிசாமி
  • BREAKING-NEWS சிறப்பு விலக்கு மூலம் தமிழகத்தில் உள்ள மருத்துவ கல்லூரிகளுக்கு நீட் தேர்வில் இருந்து விலக்களிக்க வேண்டும் - பிரதமர் மோடியிடம் முதல்வர் பழனிசாமி மனு
  • BREAKING-NEWS மருத்துவர்கள், மருத்துவ துறையை சேர்ந்தவர்களை பாதுகாக்க சட்டப்பேரவையில் தனியாக சட்டம் இயற்றுக - மத்திய சுகாதாரத்துறை அமைச்சர் ஹர்ஷவர்தன் அனைத்து மாநில முதல்வர்களுக்கும் கடிதம்
  • BREAKING-NEWS அனைத்து இடங்களிலும் மழைநீர் சேகரிப்புத் திட்டம் மீண்டும் நடைமுறைப்படுத்தப்படும்; சவாலாக உள்ள குடிநீர் தட்டுப்பாட்டை போக்க அரசு உரிய நடவடிக்கை எடுத்து வருகிறது - அமைச்சர் உதயகுமார்

''ஜனநாயகத்துக்கு ஏற்பட்ட மற்றொரு கருப்பு நாள்'' - லவாசா அதிருப்தி குறித்து காங்கிரஸ் கருத்து!

congress-slams-modi-govt-over-election-commissioner-ashok-lavasa

பிரதமர் மோடி மற்றும் பாஜக தலைவர் அமித்ஷா மீதான நடத்தை விதிகளின் புகார்கள் மீது நடவடிக்கை எடுக்காததற்கு தேர்தல் ஆணையர் அசோக் லவாசா அதிருப்தி தெரிவித்திருக்கும் நிலையில், ‌ஜனநாயகத்துக்கு ம‌ற்றொரு கருப்பு நாள் என மோடி அரசை காங்கிரஸ் சாடியுள்ளது.

‌பிரதமர் மோடி மற்றும் பாஜக தலைவர் அமித் ஷா மீதான தேர்‌தல் நடத்தை விதிமீறல் புகார்களை ‌தள்ளுபடி செய்வதில் தேர்தல் ஆணையத்து‌க்குள் கருத்து மோதல் வெடித்ததாக கூறப்படுகிறது. இதன் காரணமாக தேர்தல் ஆணைய கூட்டங்களில் பங்கேற்கப்போவதில்லை என அசோக் லவாசா தெரிவித்ததாகவும் தகவல்கள் வெளியாகியுள்ளன. இந்நிலையில், மோடி ஆட்சியில் தேர்தல் ஆணையத்தின் ஒருமைப்பாட்டை சிறுக, சிறுக அரிக்கும் போக்கு ஏற்பட்டிருப்பதாக காங்கிரஸ் கட்சி குற்றம்சாட்டியுள்ளது. 

இது குறித்து ட்விட்டரில் பதிவிட்டுள்ள அக்கட்சியின் செய்தி தொடர்பாளர் ரந்தீப் சுர்ஜேவாலா, முதலில் உச்ச‌நீதிமன்ற நீதிபதிகள் வெளிப்படையாக குறை கூறினார்கள், அடுத்ததாக ரிசர்வ் வங்கி ஆளுநரின் ராஜினாமா, தொடர்ந்து சிபிஐ இயக்குநர் பதவி நீக்கம், தற்போது தேர்தல் ஆணையத்தில் பிரிவினை என மோடி ஆட்சி‌யில் அரசுத் துறைகள் பாதிக்கப்பட்டிருப்பதாக குற்றம்சாட்டினார். மேலும், ஜனநாயகத்துக்கு ஏற்பட்ட மற்றொரு கருப்பு நாள் என்றும் அவர் ‌சாடியுள்ளார்.

அசோக் லவாசா விவகாரம் குறித்து கருத்து தெரிவித்த தலைமை தேர்தல் ஆணையர் சுனில் அரோரா, தேர்தல் ஆணையர்களின் முடிவு ஒரே மாதிரி இருக்க வேண்டியதில்லை என்றும் தேர்தல் ஆணையத்தில் கடந்த காலங்களிலும் கருத்து வேறுபாடுகள் இருந்துள்ளன என தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close