[X] Close
JUST IN
  • BREAKING-NEWS திமுக எம்.பி.க்கள் இந்தி படித்துவிட்டு தமிழ் வாழ்க என கூறி மக்களவையில் பதவியேற்றுள்ளனர்; எங்களுக்கு அவ்வாறு நடிக்க தெரியாது - முதல்வர் பழனிசாமி
  • BREAKING-NEWS குடிநீர் பிரச்னைகள் இருக்கும் அனைத்து இடங்களிலும் லாரி மூலம் தேவையான அளவு குடிநீர் விநியோகம் செய்யப்படுகிறது - முதல்வர் பழனிசாமி
  • BREAKING-NEWS பொதுமக்களுக்கு இடையூறாக இருக்கும் என்பதால், எம்ஜிஆர் ஜானகி கல்லூரியில் நடிகர் சங்க தேர்தலை நடத்த அனுமதிக்க முடியாது - சென்னை உயர்நீதிமன்றம்
  • BREAKING-NEWS ஆவடி நகராட்சியை மாநகராட்சியாக தரம் உயர்த்தி அரசாணை வெளியிட்டது தமிழக அரசு
  • BREAKING-NEWS ராஜஸ்தானை சேர்ந்த எம்.பி. ஓம் பிர்லா, மக்களவை சபாநாயகராக தேர்ந்தெடுக்கப்படுவார் என தகவல்
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது

ஊரடங்கு உத்தரவை மீறி கர்ப்பிணிக்கு உதவிய ஆட்டோ டிரைவர் - குவியும் பாராட்டு

defying-curfew-in-assam-auto-driver-takes-pregnant-woman-to-hospital

ஊரடங்கு உத்தரவையும் பொருட்படுத்தாமல் இந்து கர்ப்பிணிக்கு தக்க நேரத்தில் உதவிய முஸ்லிம் ஆட்டோ ரிக்ஷா ஓட்டுநருக்கு பல தரப்பில் இருந்து பாராட்டுக்கள் குவிகின்றன.

அசாம் மாநிலம் ஹைலகாண்டி மாவட்டத்தில் கடந்த வெள்ளிக்கிழமை இனவாத மோதல் ஏற்பட்ட நிலையில் அதனைக் கட்டுப்படுத்த போலீசார் துப்பாக்கிச் சூடு நடத்தினர். இதில் ஒருவர் உயிரிழந்தார். தொடர் கலவரம் ஏற்படால் இருப்பதை தடுக்க ஹைலகாண்டி மாவட்டத்தில் ஊரடங்கு உத்தரவு பிறப்பிக்கப்பட்டது.

இந்நிலையில் அப்பகுதியை சேர்ந்த ரூபன் தாஸின் மனைவியான நந்திதாவிற்கு பிரசவ வலி ஏற்பட்டிருக்கிறது. ஆனால் மருத்துவமனைக்கு சில கி.மீ தூரம் வாகனத்தில் செல்ல வேண்டும். ஊரடங்கு உத்தரவு பிறப்பிக்கப்பட்டிருந்ததால் ரூபன் தாஸிற்கு யாரும் உதவ முன்வரவில்லை.

இதனையறிந்த ரூபனின் பக்கத்து வீட்டுக்காரரான மக்புல் தனது ஆட்டோ ரிக்ஷாவை எடுத்துக்கொண்டு வேகமாக ரூபன் வீட்டிற்கு சென்றுள்ளார். பின்னர் ரூபன் மற்றும் நந்திதாவை தனது ஆட்டோ ரிக்ஷாவில் ஏற்றிய மக்புல் விரைவாக மருத்துவமனை நோக்கி அழைத்துச் சென்றார். 

ஊரடங்கு உத்தரவு பிறப்பிக்கப்பட்டிருந்த நிலையில் அதனைப் பொருட்படுத்தாமல் தனது வாகனத்தை விரைவாக மருத்துவமனைக்கு கொண்டு செல்வதிலேயே குறியாக இருந்துள்ளார் மக்புல். இதனையடுத்து மருத்துவமனையில்  அனுமதிக்கப்பட்ட நந்திதாவிற்கு அழகிய ஆண் குழந்தை பிறந்தது. தற்போது தாயும், சேயும் நலமாக இருக்கும் நிலையில்,  யாரும் உதவ முன்வராதபோது தக்க நேரத்தில் உதவிய மக்புல்லுக்கு பாராட்டுக்கள் குவிந்து வருகின்றன.

இதனிடைய மாவட்ட காவல்துறை கண்காணிப்பாளரான மோனீஷ் மிஸ்ரா, ரூபன்- நந்திதா தம்பதியினரின் குழந்தையை மருத்துமவனையில் சென்று பார்த்துள்ளார். அப்போது பேசிய அவர், இந்து முஸ்லிம் மத நல்லிணக்கத்திற்கு இதுபோன்று இன்னும் நிறைய உதாரணங்கள் தேவை என்றார். அத்துடன் தக்க நேரத்தில் உதவிய மக்புல்லுக்கு காவல்துறை கண்காணிப்பாளர் தனது பாராட்டை தெரிவித்துக் கொண்டார்.

Advertisement:
இது தொடர்பான செய்திகள் :
Advertisement:
Advertisement:
[X] Close