[X] Close
JUST IN
  • BREAKING-NEWS தமிழக அரசு ஊழியர்களுக்கு 3% அகவிலைப்படி உயர்வு அறிவித்து அரசாணை வெளியீடு
  • BREAKING-NEWS கருத்துக்கணிப்புகளுக்குப்பின் பாஜக இருக்கிறது என கூறி எதிர்க்கட்சியினர் ஊடகங்களை உதாசீனம் செய்கிறார்கள் - தமிழிசை சவுந்தரராஜன்
  • BREAKING-NEWS கருத்துக்கணிப்புகள் திமுகவுக்கு சாதகமாக வந்தாலும் பாதகமாக வந்தாலும் அதை பொருட்படுத்துவதில்லை- தமிழகத்தில் திமுக பெரும்பான்மை இடங்களை பிடிக்கும் என்ற கருத்துக்கணிப்பு பற்றி மு.க.ஸ்டாலின் பேட்டி
  • BREAKING-NEWS தேசிய பங்குச்சந்தை குறியீட்டெண் நிஃப்டி 284 புள்ளிகள் உயர்ந்து 11,691ல் வர்த்தகம்
  • BREAKING-NEWS மும்பை பங்குச்சந்தை குறியீட்டெண் சென்செக்ஸ் 888.91 புள்ளிகள் உயர்ந்து 38,819ல் வர்த்தகம்
  • BREAKING-NEWS டெல்லியில் இன்று ராகுல் காந்தி, சோனியா காந்தியை மாயாவதி சந்திக்கவில்லை - பி.எஸ்.பி.
  • BREAKING-NEWS சென்னையில் பெட்ரோல் லிட்டருக்கு ரூ. 73.82 காசுகளாகவும், டீசல் லிட்டருக்கு ரூ. 69.88 காசுகளாகவும் விலை நிர்ணயம்

வாட்ஸ் அப் மூலம் முத்தலாக்: கணவரை தேடும் போலீசார்!

man-tries-to-give-wife-triple-talaq-on-whatsapp-booked

வாட்ஸ் அப் மூலம் முத்தலாக் கூறிய கணவர் மீது போலீசார் வழக்குப்பதிவு செய்துள்ளனர்.

முத்தலாக் கூறி விவாகரத்து செய்வது சட்ட விரோதம் என உச்சநீதிமன்றம் உத்தரவிட்டது. இதனையடுத்து முத்தலாக் மூலம் விவாகரத்து கோருபவர்கள் குற்றவாளியாக கருத்தப்படுவர். இந்நிலையில் மகாராஷ்டிராவின் தானே பகுதியைச் சேர்ந்த இஸ்லாமிய பெண்ணுக்கு அவரது கணவர் வாட்ஸ் அப் மூலம் முத்தலாக் அனுப்பி உள்ளார். அப்பெண்ணின் புகாரை அடுத்து கணவர் மீது போலீசார் வழக்குப்பதிவு செய்துள்ளனர்.

போலீசார் வெளியிட்ட தகவலின்படி, 25 வயதான அப்பெண் ஷேக் என்பவரை 2014ம் ஆண்டு திருமணம் செய்துகொண்டுள்ளார். அவருக்கு 4வயதில் மகனும் உள்ளார். இந்நிலையில் சில வருடங்களாக பிறந்தவீட்டில் இருந்து பணம் வாங்கி வருமாறு ஷேக்கும் அவரது குடும்பத்தினரும் அப்பெண்ணை சித்ரவதை செய்துள்ளனர். கணவர் குடும்பத்தினரின் கொடுமை தாங்காத அந்த பெண் தனது உறவினர் வீட்டில் தங்கியுள்ளார். 

இந்நிலையில் கடந்த 12ம் தேதி வாட்ஸ் அப் மூலம் ஷேக் வாக்குவாதம் செய்துள்ளார். சிறிது நேரத்தில் வாட்ஸ் அப் மெசேஜ் மூலம் முத்தலாக் கூறியுள்ளார். இதனையடுத்து அப்பெண் தனது கணவர் ஷேக் மீது காவல்நிலையத்தில் புகார் அளித்துள்ளார். புகாரை ஏற்றுக்கொண்ட காவல்துறை முஸ்லீம் பெண்கள் திருமண பாதுகாப்பு உரிமை சட்டம் உள்ளிட்ட சில பிரிவுகளின் கீழ் ஷேக் மீது வழக்குப்பதிவு செய்துள்ளனர்

இது குறித்து பேசிய போய்வடா காவல் நிலைய ஆய்வாளர் கல்யாண் கர்பே, ''பெண்ணின் புகாரை அடுத்து அவர் கணவர் மீதும் அவரது பெற்றோர் மீதும் வழக்குப்பதிவு செய்யப்பட்டுள்ளது. பெண்ணின் புகாரை அடுத்து ஷேக் தலைமறைவாகியுள்ளார். விரைவில் அவர் கைது செய்யப்படுவார்'' என்று தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close