[X] Close
JUST IN
  • BREAKING-NEWS வரும்காலத்தில் சிறுபான்மை மக்களுக்கு பாஜக அரசு பாதுகாப்பாக இருக்கும் என மோடி பேசியது ஆறுதல்- திருமாவளவன்
  • BREAKING-NEWS தமிழகத்தில் ஜூன் 3ம் தேதி பள்ளிகள் திறக்கப்படும் என்பதில் எந்த மாற்றமும் இல்லை - அமைச்சர் செங்கோட்டையன்
  • BREAKING-NEWS 5 ஆண்டுகள் விரைவாக சென்றுவிடும் என்பதால் அடுத்த பிரதமராக ராகுல் காந்தி நிச்சயம் வருவார்- திருநாவுக்கரசர்
  • BREAKING-NEWS சென்னை உட்பட தமிழகம் முழுவதும் தனியார் குடிநீர் லாரி உரிமையாளர்கள் சங்கம் அறிவித்த வேலைநிறுத்தம் தற்காலிக வாபஸ்
  • BREAKING-NEWS காவிரி ஆணைய கூட்டத்தில் மேகதாது அணை கட்ட கர்நாடக அரசுக்கு அனுமதி வழங்கக்கூடாது என்பதை வலியுறுத்த தமிழக அரசு முடிவு
  • BREAKING-NEWS பல வாக்குச்சாவடிகளில் அமமுகவுக்கான வாக்குகள் ‘பூஜ்யம்’ என காட்டியுள்ளது; எங்கள் முகவர்கள் போட்ட ஓட்டு எங்கே? - டிடிவி தினகரன்

மோடியின் பேச்சு சிரிப்பூட்டுகிறது - மாயாவதி

mayavathi-reply-to-prime-minister-modi

சமாஜ்வாதி - பகுஜன் சமாஜ் கட்சியின் கூட்டணி சாதிய கூட்டணி என்று பிரதமர் மோடி பேசியிருப்பது சிரிப்பை வரவழைப்பதாக உத்தரப்பிரதேச முன்னாள் முதலமைச்சர் மாயாவதி தெரிவித்துள்ளார்.

உத்திரபிரதேசத்தில் சில நாட்களுக்கு முன்பு மக்களவை தேர்தல் பிரசாரத்திற்காக நடைபெற்ற பொதுக்கூட்டத்தில் நரேந்திர மோடி கலந்து கொண்டு பேசினார். அப்போது, பகுஜன் சமாஜ் கட்சியும் சமாஜ்வாதி கட்சியும் சாதிய வகையில் கூட்டணி சேர்ந்துள்ளன என மோடி பேசியிருந்தார்.

இந்நிலையில் நரேந்திர மோடியின் இத்தகைய பேச்சுக்கு பகுஜன் சமாஜ் கட்சியின் தலைவர் மாயாவதி பதிலடி கொடுத்துள்ளார். 

இதுகுறித்து தனது ட்விட்டர் பக்கத்தில் பதிவிட்டுள்ள மாயாவதி, வாக்குப்பதிவு தங்களுக்கு சாதகமாக இல்லை என்பதை அறிந்து கொண்ட விரக்தியில் இருப்பதால், மோடி இவ்வாறு அபத்தமான குற்றச்சாட்டுகளை முன்வைத்து வருவதாக சாடியுள்ளார். தங்கள் கூட்டணியை சாதிய கூட்டணி என்று மோடி கூறியிருப்பது சிரிப்பை வரவழைக்கிறது என்று குறிப்பிட்டுள்ள அவர், பக்குவமற்ற இந்தப் பேச்சை பிரதமர் தவிர்த்திருக்க வேண்டும் என்றும் பதிவிட்டுள்ளார். 

மோடியின் சொந்த மாநிலமான குஜராத்தில் தலித் மக்கள் திருமண சடங்கிற்காகக் கூட குதிரையின் மீது செல்ல முடியாத நிலை உள்ளது என்றும் மாயாவதி சுட்டிக்காட்டியுள்ளார். மீண்டும் பிரதமராகும் மோடியின் கனவு பலிக்காது என்றும் மாயாவதி பதிவிட்டுள்ளார்.

Advertisement:
Advertisement:
Advertisement:
[X] Close