[X] Close
JUST IN
  • BREAKING-NEWS தமிழக அரசு ஊழியர்களுக்கு 3% அகவிலைப்படி உயர்வு அறிவித்து அரசாணை வெளியீடு
  • BREAKING-NEWS கருத்துக்கணிப்புகளுக்குப்பின் பாஜக இருக்கிறது என கூறி எதிர்க்கட்சியினர் ஊடகங்களை உதாசீனம் செய்கிறார்கள் - தமிழிசை சவுந்தரராஜன்
  • BREAKING-NEWS கருத்துக்கணிப்புகள் திமுகவுக்கு சாதகமாக வந்தாலும் பாதகமாக வந்தாலும் அதை பொருட்படுத்துவதில்லை- தமிழகத்தில் திமுக பெரும்பான்மை இடங்களை பிடிக்கும் என்ற கருத்துக்கணிப்பு பற்றி மு.க.ஸ்டாலின் பேட்டி
  • BREAKING-NEWS தேசிய பங்குச்சந்தை குறியீட்டெண் நிஃப்டி 284 புள்ளிகள் உயர்ந்து 11,691ல் வர்த்தகம்
  • BREAKING-NEWS மும்பை பங்குச்சந்தை குறியீட்டெண் சென்செக்ஸ் 888.91 புள்ளிகள் உயர்ந்து 38,819ல் வர்த்தகம்
  • BREAKING-NEWS டெல்லியில் இன்று ராகுல் காந்தி, சோனியா காந்தியை மாயாவதி சந்திக்கவில்லை - பி.எஸ்.பி.
  • BREAKING-NEWS சென்னையில் பெட்ரோல் லிட்டருக்கு ரூ. 73.82 காசுகளாகவும், டீசல் லிட்டருக்கு ரூ. 69.88 காசுகளாகவும் விலை நிர்ணயம்

தெலுங்கானா போலீஸை 20 ஆண்டுகாலம் அலைக்கழித்த மரக்கடத்தல் குற்றவாளி கைது !

telangana-timber-smuggler-edla-srinu-arrested-by-ramagundam-police

தெலுங்கானாவில் நீண்ட நாட்களாக காவல்துறை மற்றும் வனத்துறைக்கு சிம்ம சொப்பனமாக இருந்த செம்மரக் கடத்தல் மன்னன் கைது செய்யப்பட்டுள்ளார்.

தெலுங்கானாவில் நீண்ட காலமாக செம் மரக்கடத்தலில் ஈடுபட்டு வந்த பிரபல கடத்தல் மன்னன் எட்லா ஸ்ரீனு என அழைக்கப்படும் பொத்தாரம் ஸ்ரீநிவாஸ் கைது செய்யப்பட்டுள்ளார். தெலுங்கானாவின் ராமகுண்டம் காவல்துறையினர் அவரை இரண்டு கூட்டாளிகளுடன் கைது செய்துள்ளனர். அவர் மீது ஆபத்தான செயல்களில் ஈடுபடுதல் உள்ளிட்ட பிரிவுகளின் கீழ் வழக்குப்பதிவு செய்யப்பட்டுள்ளது. அவரது கூட்டாளிகள் குடுடாலா கிஷான் குமார் மற்றும் கொரவேனா முதுகார் ஆகியோரும் அதே சட்டப்பிரிவுகளின் கீழ் கைது செய்யப்பட்டுள்ளனர்.

ஸ்ரீநிவாஸ் 1999ஆம் ஆண்டு மஹாமுத்துரம் கிராமத்தில் உர வியாபாரம் செய்தார். அதில் கடும் நஷ்டம் அடைந்த அவர், சிறிய அளவில் மரக்கடத்தல் செய்பவர்களிடம் மரங்களை வாங்கி விற்பனை செய்துள்ளார். குறைந்த விலையில் மரங்களை வாங்கிய அவர், அதிக விலைக்கு விற்று லாபம் கண்டதால் மரக்கடத்தல் மீது ஆர்வம் கொண்டுள்ளார். இதனால் அவரே மரங்களை வெட்டி கடத்தத் தொடங்கியுள்ளார். 10 ஆண்டுகளில் பெரும் மரக்கடத்தல் புள்ளியாகவும் மாறியுள்ளார். அடுத்த 10 வருடங்களில் தெலுங்கானா மட்டுமின்றி, மகாராஷ்ட்ரா மற்றும் சத்தீஸ்கர் வரையிலும் தனது கடத்தல் எல்லையை விரிவு படுத்தியுள்ளார். அவர்மீது மரக்கடத்தல் உள்ளிட்ட 8 வழக்குகளை வனத்துறையினரும், 7 குற்ற வழக்குகளை காவல்துறையினரும் பதிவு செய்துள்ளனர்.

இந்நிலையில் ராமகுண்டம் காவல்துறையினர் மந்தானி என்ற இடத்தில் ஸ்ரீநிவாஸை கைது செய்துள்ளனர். மரக்கடத்தல் கொள்கையர்களை கைது செய்யக்கோரி தெலுங்கானா அரசு பிறப்பித்த உத்தரவின்படி, ராமகுண்டம் காவல் ஆணையர் சத்யநாராயணன் அமைத்த தனிப்படை அவரை கூட்டாளிகளுடன் கைது செய்துள்ளனர். அவரிடம் இருந்து ஒரு 4 சக்கர வாகனம் மற்றும் தேக்குமரங்கள் பறிமுதல் செய்யப்பட்டுள்ளன. கைது செய்த பிறகு தான் அவர் பிரபல மரக்கடத்தல் மன்னன் ஸ்ரீநிவாஸ் என்பது தெரியவந்துள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close