[X] Close
JUST IN
  • BREAKING-NEWS கர்நாடகா: இன்று மாலை 6 மணிக்கு நம்பிக்கை வாக்கெடுப்பு நடத்த கோரிய வழக்கு நாளைக்கு ஒத்திவைப்பு
  • BREAKING-NEWS தமிழகத்தில் பரவலாக 2 நாட்களுக்கு மழை நீடிக்கும் - சென்னை வானிலை ஆய்வு மையம்
  • BREAKING-NEWS சூரியனை ஆய்வு செய்ய அடுத்த ஆண்டு ஆதித்யா விண்கலம் அனுப்பப்படும் - இஸ்ரோ தலைவர் சிவன்
  • BREAKING-NEWS கர்நாடகாவில் திறந்து விடப்பட்ட காவிரி நீர் மேட்டூர் அணையை வந்தடைந்தது

அயோத்தி வழக்கு: சமரச குழுவுக்கு ஆக.15 வரை உச்சநீதிமன்றம் அவகாசம்!

ayodhya-issue-supreme-court-grants-time-till-august-15

அயோத்தி நில விவகாரம் தொடர்பாக, மத்தியஸ்தர் குழுவுக்கு ஆகஸ்ட் 15 ஆம் தேதி வரை அவகாசம் வழங்கி உச்சநீதிமன்ற அரசியல் சாசன அமர்வு இன்று உத்தரவிட்டது.

அயோத்தியில் சர்ச்சைக்குரிய நிலத்துக்கு உரிமை கோரும் வழக்கில், உச்சநீதிமன்ற முன்னாள் நீதிபதி இப்ராஹிம் கலிஃபுல்லா தலைமையில் 3 பேர் கொண்ட மத்தியஸ்தர் குழுவை உச்சநீதிமன்றம் மார்ச் 8ஆம் தேதி நியமித்தது. 

வாழும் கலை அமைப்பின் நிறுவனர் ஸ்ரீ ஸ்ரீ ரவிசங்கர், மூத்த வழக்கறிஞர் ஸ்ரீராம் பஞ்சு ஆகியோரும் அந்தக் குழுவில் இடம் பெற்றுள்ளனர். மத்தியஸ்தர் குழு பேச்சுவார்த்தை தொடர்பான முதற்கட்ட அறிக்கையை 4 வாரங்களில் சமர்ப்பிக்க வேண்டும் என்றும், 8 வாரங்களில் பேச்சுவார்த்தையை முடிக்க வேண்டும் என்றும் உச்சநீதிமன்றம் உத்தரவிட்டிருந்தது. 

இந்நிலையில், மத்தியஸ்தர் குழு கடந்த 6ஆம் தேதி, சீலிடப்பட்ட கவரில் இடைக்கால அறிக்கையை தாக்கல் செய்துள்ளதாக தகவல் வெளியானது. அதன் தொடர்ச்சியாக, இந்த வழக்கு விசாரணை, தலைமை நீதிபதி ரஞ்சன் கோகாய் உள்ளிட்டோர் அடங்கிய அரசியல் சாசன அமர்வு முன் இன்று வந்தது.

அப்போது, சமரசப் பேச்சுவார்த்தையை முழுவதுமாக முடிக்க அவகாசம் வழங்க வேண்டும் என்று மத்தியஸ்தர் குழு கேட்டுக்கொண்டது. இதை ஏற்றுக்கொண்டு உச்சநீதிமன்ற அரசியல் சாசன அமர்வு, ஆகஸ்ட் 15 ஆம் தேதி வரை அவகாசம் வழங்கி உத்தரவிட்டுள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close