[X] Close
JUST IN
  • BREAKING-NEWS திமுக எம்.பி.க்கள் இந்தி படித்துவிட்டு தமிழ் வாழ்க என கூறி மக்களவையில் பதவியேற்றுள்ளனர்; எங்களுக்கு அவ்வாறு நடிக்க தெரியாது - முதல்வர் பழனிசாமி
  • BREAKING-NEWS குடிநீர் பிரச்னைகள் இருக்கும் அனைத்து இடங்களிலும் லாரி மூலம் தேவையான அளவு குடிநீர் விநியோகம் செய்யப்படுகிறது - முதல்வர் பழனிசாமி
  • BREAKING-NEWS பொதுமக்களுக்கு இடையூறாக இருக்கும் என்பதால், எம்ஜிஆர் ஜானகி கல்லூரியில் நடிகர் சங்க தேர்தலை நடத்த அனுமதிக்க முடியாது - சென்னை உயர்நீதிமன்றம்
  • BREAKING-NEWS ஆவடி நகராட்சியை மாநகராட்சியாக தரம் உயர்த்தி அரசாணை வெளியிட்டது தமிழக அரசு
  • BREAKING-NEWS ராஜஸ்தானை சேர்ந்த எம்.பி. ஓம் பிர்லா, மக்களவை சபாநாயகராக தேர்ந்தெடுக்கப்படுவார் என தகவல்
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது

“மின்சாரமே வேண்டாமென வாழும் 79 வயது மூதாட்டி” - சிலிர்க்க வைக்கும் காரணம்..!

i-can-manage-79-yr-old-pune-woman-lived-her-whole-life-without-electricity

தன் வாழ்நாள் முழுவதும் மின்சாரத்தை பயன்படுத்தால் 79 வயது மூதாட்டி ஒருவர் புனேவில் வாழ்ந்து வருகிறார். 

தாய் உள்ளம் என்பதற்கு எடுத்துக்காட்டாக ஓர் மூதாட்டி புனேவின் புத்வார் பெத் பகுதியில் வசித்து வருகிறார். 79 வயது நிரம்பிய அவரது பெயர் ஹேமா சேன். முன்னாள் பேராசிரியர் ஆன இவர், தாவரவியல் படிப்பில் முனைவர் பட்டம் பெற்றவர். புனேவின் சாவித்திரி பாய் புலே பல்கலைக்கழகத்திலும், புனே கார்வேர் கல்லூரியிலும் பல ஆண்டுகள் பேராசிரியையாக பணியாற்றியுள்ளார். இவர் தனது வாழ்நாளில் மின்சாரத்தை உபயோகப்படுத்தாமலே வாழ்ந்து வருகிறார். சிறிய குடிசை வீட்டில் எளிமையாக வாழும் இவர், தான் மின்சாரம் பயன்படுத்தாதற்காக காரணத்தைக் கூறி மெய்சிலிர்க்க வைக்கிறார்.

அவர் கூறும்போது, “உணவு, தங்குமிடம் மற்றும் உடைகள் இவையெல்லாம் அடிப்படை தேவைகள். ஆனால் ஒரு காலத்தில் மின்சாரம் என்பது இல்லை. அது பின்னர் தான் வந்தது. எனவே அது இல்லாமல் என்னால் வாழ முடியும். நான் வாழும் இந்த இடத்தில் நாய், பூனைகள், பறவைகள் உட்பட ஏராளமான உயிரினங்கள் வசிக்கின்றனர். அவைகளுக்கு பின் தான் நான் இந்த இடத்தில் வசிக்கிறேன். எனவே இது என்னுடைய இடம் மட்டுமல்ல. நான் வாழ்நாளில் மின்சாரத்தை பயன்படுத்தியதே இல்லை. மின்சாரம் இன்றி எப்படி வாழ்கிறீர்கள் ? என மக்கள் என்னிடம் கேட்கிறார்கள். நான் அவர்களிடம் கேட்கிறேன் மின்சாரத்துடன் எப்படி வாழ்கிறீர்கள் ? 

இங்கிருக்கும் பறவைகள் எனது நண்பர்கள். நான் வீட்டில் வேலை செய்யும் போதெல்லாம் அவை வந்துவிடும். சிலர் என்னிடம் இந்த வீட்டை விற்றுவிடுங்கள், நல்ல விலைக்கு போகும் என்கிறார்கள். நான் இதை பணத்திற்காக விற்றுவிட்டால் இங்கிருக்கும் பறவைகள் மற்றும் மரங்களை அதன்பின் யார் பார்த்துக்கொள்வார்கள் ? நான் இங்கிருந்து செல்ல விரும்பவில்லை. சிலர் என்னை பைத்தியம் என்கிறார்கள். நான் அவர்களுக்கு எதையும் சொல்ல விரும்பவில்லை. இது எனது வாழ்க்கை, அதை நான் எனக்குப் பிடித்தது போல வாழ்கிறேன்” என்று தெரிவித்தார்.

தாயுள்ளம் கொண்ட அந்த மூதாட்டி வசிக்கும் வீடு சிறியதாக இருந்தாலும், அங்கு காலை என்பது பறவைகளின் சங்கீதத்துடன் விடிகிறது. மாலை என்பது மயக்கமூட்டும் இயற்கை விளக்குடன் முடிகிறது. இந்த மூதாட்டி தாவரவியல் துறை சார்ந்து பல புத்தகங்களை எழுதியுள்ளார். அவருக்கு தெரியாத பறவைகள் மற்றும் மரங்களே இல்லை என்று கூறும் அளவிற்கு படித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close