[X] Close
JUST IN
  • BREAKING-NEWS அத்திவரதரை தரிசிப்பதற்காக வரிசையில் காத்திருந்த பக்தர்களில் 3 பேர் மூச்சுத்திணறல் ஏற்பட்டு உயிரிழப்பு
  • BREAKING-NEWS தேசத் துரோக வழக்கில் வைகோவுக்கு விதிக்கப்பட்ட ஓராண்டு சிறை தண்டனை நிறுத்திவைப்பு
  • BREAKING-NEWS வேலூர் மக்களவை தேர்தலில் மக்கள்நீதிமய்யம் போட்டியிடவில்லை - பொதுச்செயலாளர் அருணாச்சலம்
  • BREAKING-NEWS வேலூரில் அரசு மற்றும் அரசு உதவி பெறும் பள்ளிகளுக்கு ஜூலை 24ஆம் தேதி விடுமுறை; வேலூர் மக்களவை தேர்தலில் பணியாற்றவுள்ள ஆசிரியர்களுக்கு 2ஆம் கட்ட பயிற்சி நடைபெறுகிறது; விடுமுறையை ஈடுசெய்யும் வகையில் வரும் 20ஆம் தேதி பள்ளிகள் இயங்கும் - மாவட்ட ஆட்சியர்
  • BREAKING-NEWS 7 பேர் விடுதலை விவகாரம்: நளினி தொடர்ந்த வழக்கு தள்ளுபடி
  • BREAKING-NEWS சென்னை தனியார் மருத்துவமனையில் சிகிச்சை பெற்றுவந்த சரவணபவன் அதிபர் ராஜகோபால் காலமானார்

பஞ்சாப்பில் ஆம் ஆத்மி கட்சிக்கு சிக்கல்.. மேலும் ஒரு எம்எல்ஏ விலகினார்..!

another-aap-mla-joins-congress-in-punjab

பஞ்சாப்பில் மேலும் ஒரு எம்எல்ஏ ஆம் ஆத்மி கட்சியிலிருந்து விலகி காங்கிரஸ் கட்சியில் இணைந்துள்ளார்.

பஞ்சாப் மாநிலம் ரூபாநகர் தொகுதி எம்எல்ஏ அமர்ஜித் சிங் சந்தோ. ஆம் ஆம்மி கட்சி எம்எல்ஏவான இவர் தற்போது அக்கட்சியிலிருந்து விலகி அம்மாநில முதலமைச்சரான அமரிந்தர் சிங் முன்னிலையில் காங்கிரஸ் கட்சியில் இணைந்துள்ளார். நாடாளுமன்ற தேர்தல் நடைபெற்று வரும் நிலையில் ஆம் ஆத்மி கட்சி எம்எல்ஏ, காங்கிரஸ் கட்சியில் இணைந்துள்ளது காங்கிரஸ் கட்சிக்கு சாதகமாக பார்க்கப்படுகிறது.

ஏற்கெனவே மான்சா தொகுதி எம்எல்ஏவான நாசர் சிங் கடந்த 29-ஆம் தேதி ஆம் ஆத்மி கட்சியிலிருந்து விலகி காங்கிரஸ் கட்சியில் சேர்ந்த நிலையில் தற்போது மீண்டும் ஒரு ஆம் ஆத்மி கட்சி எம்எல்ஏ அக்கட்சியிலிருந்து விலகியுள்ளார்.

இதுகுறித்து அமர்ஜித் சிங் சந்தோ கூறும்போது, “ ஆம் ஆத்மி கட்சியின் முக்கிய தலைவர்களால் மிகுந்த ஏமாற்றம் அடைந்துள்ளேன். மற்றவர்களின் உணர்வுகளுக்கு மதிப்பு அளிக்காமல் பஞ்சாப்பில் ஆம் ஆத்மி கட்சி மிகுந்த அடக்குமுறை உணர்வுடன் செயல்படுகிறது. மக்களை நோக்கிய காங்கிரஸ் கட்சியின் வளர்ச்சியால் அக்கட்சியில் இணைந்துள்ளேன்” எனத் தெரிவித்தார்.

அமர்ஜித் சிங் சந்தோவின் வருகையை வரவேற்றுள்ள அம்மாநில முதலமைச்சர் அமரிந்தர் சிங் காங்கிரஸ் கட்சியின் பலம் மேலும் வலுவடைந்துள்ளது எனத் தெரிவித்தார்.

Advertisement:
இது தொடர்பான செய்திகள் :
Advertisement:
Advertisement:
[X] Close