[X] Close
JUST IN
  • BREAKING-NEWS 17வது மக்களவையின் இடைக்கால சபாநாயகராக வீரேந்திர குமார் பதவியேற்றார்
  • BREAKING-NEWS நாடு முழுவதும் ஒரே நேரத்தில் தேர்தல் என்பது தேர்தல் ஆணையத்தின் செலவை குறைக்கும், நேரத்தையும் குறைக்கும்- திருமாவளவன்
  • BREAKING-NEWS ஒரே சமயத்தில் மக்களவை மற்றும் மாநில சட்டசபைகளுக்கு தேர்தல் நடத்துவது குறித்து மீண்டும் ஆலோசனை நடத்த மோடி அரசு முடிவு
  • BREAKING-NEWS மீன்பிடி தடைக்கால நிவாரண தொகையாக மீனவர் குடும்பம் ஒன்றுக்கு ரூ.5000 வழங்கப்படும்- தமிழக அரசு
  • BREAKING-NEWS நிதி ஆயோக் கூட்டத்தில் தமிழக மக்களின் உணர்வுகளை முதல்வர் பழனிசாமி எதிரொலிக்கவில்லை- திமுக தலைவர் மு.க.ஸ்டாலின்
  • BREAKING-NEWS பொறியியல் படிப்பிற்கான தரவரிசைப் பட்டியல் ஜூன் 20ம் தேதி வெளியிடப்படும்- அமைச்சர் கே.பி.அன்பழகன்
  • BREAKING-NEWS சென்னையில் பெட்ரோல் லிட்டருக்கு ரூ. 72.64 காசுகளாகவும், டீசல் லிட்டருக்கு ரூ. 67.52 காசுகளாகவும் விலை நிர்ணயம்

இளம்பெண்களின் உடையை ஆபாசமாக பேசிய நடுத்தர வயது பெண் - வைரல் வீடியோ

delhi-woman-confronted-by-friends-over-alleged-rape-remark

குட்டை பாவாடை போட்டிருந்த இளம்பெண்களை பார்த்து, நடுத்தர வயது பெண் ஒருவர் பேசிய பேச்சு பல்வேறு சர்ச்சைகளை ஏற்படுத்தியுள்ளது.

டெல்லி அருகிலுள்ள குர்கானில் உள்ள மால் ஒன்றிற்கு இளம்பெண்கள் சிலர் சென்றுள்ளனர். அதில் ஒரு இளம்பெண் சிறிய பாவாடை அணிந்திருந்தார். இதனைப் பார்த்த, மாலில் இருந்த மற்றொரு நடுத்தர வயது பெண்மணி அங்கிருந்த 7 ஆண்களிடம் சென்று இந்தப் பெண்களுக்கு பாலியல் தொல்லை கொடுங்கள் எனக் கூறியதாக தெரிகிறது. அதாவது அவர்கள் அரைகுறை ஆடை போட்டு இருப்பதால், நீங்கள் பாலியல் தொல்லை கொடுக்கலாம் என இளைஞர்களிடம் அந்தப் பெண் பேசியதாக தெரிகிறது.

இதனையடுத்து அந்த நடுத்தர வயது பெண்ணிடம் தகராறில் ஈடுபட்ட இளம்பெண்கள், ‘உடை அணிவது எங்கள் விருப்பம். நீங்கள் தலையிட தேவையில்லை. பேசியதற்காக மன்னிப்பு கேளுங்கள்’ என வலியுறுத்தியுள்ளனர். இதுதொடர்பான வீடியோ காட்சி வெளியாகி உள்ளது. மன்னிப்பு மட்டும் கேட்கவில்லையென்றால் உங்களை வீடியோ எடுத்து வைரல் ஆக்கிவிடுவோம் எனவும் இளம்பெண்கள் கூறுகின்றனர். மாலின் சிசிடிவி காட்சிகள் இருப்பதாகவும், அதனை வைத்து போலீசை அணுக  உள்ளதாவும் அந்த இளம்பெண்கள் வீடியோவில் கூறுகின்றனர்.

மேலும், “ஒரு வயது குழந்தைகூட பாலியல் வன்கொடுமை செய்யப்படுகிறதே அதற்கு ஆடையா காரணம்? சிறு குழந்தைகள் என்ன ஆடை போட்டுள்ளார்கள்” என்றும் அந்த இளம் பெண்கள் விடாமல் கேள்வி எழுப்பினர்.

ஆனால் அதற்குப் பதில் சொல்லும் அந்த நடுத்தர வயது பெண், “ எல்லோரும் பார்க்க வேண்டும் என்பதற்காக இந்தப் பெண்கள் அரைகுறை ஆடை அணிய விரும்புகின்றனர். ரொம்ப நல்லது. இப்படி ஆடை அணிபவர்கள் பாலியல் தொந்தரவுக்கு ஆளாக்கப்படலாம். நீங்கள் இப்பெண்களின் பெற்றோர்களா இருந்தால், அவர்களை கட்டுப்படுத்தி வையுங்கள். மரியாதையை கற்று கொடுங்கள்” எனக் கூறுகிறார். 

ஆனால் கடைசி வரை அந்த நடுத்தர வயது பெண் மன்னிப்பு கேட்கவில்லை. குட்டை பாவாடை போட்டிருந்த இளம்பெண்களை மிகவும் தரக்குறைவாக பேசிய அந்த நடுத்தர வயது பெண்ணின் வீடியோ சமூக வலைத்தளங்களிலும் வேகமாக இப்போது பரவி வருகிறது.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close