[X] Close
JUST IN
  • BREAKING-NEWS தமிழகத்தின் 3 இடங்கள் உட்பட நாட்டின் 32 இடங்களில் ஹைட்ரோ கார்பன் எடுக்கும் திட்டத்திற்கு ஒப்பந்தம்
  • BREAKING-NEWS கொடைக்கானலில் ரூ.20 கோடியில் அடுக்குமாடி வாகன நிறுத்துமிடம் அமைக்கப்படும் அரசு போக்குவரத்துக் கழகங்களில் சோதனை முறையில் பொது இயக்கப்பயண அட்டை அறிமுகப்படுத்தப்படும் - போக்குவரத்துத்துறையில் புதிய அறிவிப்புகளை பேரவையில் அமைச்சர் எம்.ஆர். விஜயபாஸ்கர் வெளியிட்டார்
  • BREAKING-NEWS தமிழகம், புதுச்சேரியில் குறைந்த காற்றழுத்த தாழ்வு நிலையால் 3 நாட்களுக்கு மழை பெய்யும் - சென்னை வானிலை ஆய்வு மையம்
  • BREAKING-NEWS தமிழ் உள்ளிட்ட அனைத்து பிராந்திய மொழிகளிலும் அஞ்சல் துறை தேர்வுகள் நடத்தப்படும் - மாநிலங்களவையில் ரவிசங்கர் பிரசாத் அறிவிப்பு

திருமண விருந்தில் குறை கூறிய நபரை அடித்துக்கொன்ற கும்பல்!

man-complains-of-small-portion-at-wedding-feast-is-killed

திருமண விருந்து குறித்து குறை கூறிய நபரை மணப்பெண்ணின் சகோதரனும் அவரது நண்பர்களும் அடித்துக்கொன்ற சம்பவம் சத்தீஸ்கரில் நடந்துள்ளது.

சத்தீஸ்கர் மாநிலம் ராய்பூரில் உள்ள கங்ரல் அணை அருகே அழுகிய நிலையில் ஆணின் சடலம் கிடப்பதாக அங்கு சென்ற சுற்றுலாப்பயணிகள் போலீசாருக்கு தகவல் கொடுத்தனர். சம்பவ இடத்துக்கு சென்ற போலீசார் சடலத்தை கைப்பற்றி விசாரணையை தொடங்கினர். விசாரணையில், கொலை செய்யப்பட்டது சாகு (25) என்பவரும் அவரை அவரது உறவினர்களே கொலை செய்ததும் தெரியவந்தது.

போலீசார் தெரிவித்த தகவலின்படி, திருமணத்தின் போது மாப்பிள்ளை வீட்டாருக்கு கொடுக்கப்பட்ட விருந்தில் சாப்பாடு குறைவாக பரிமாறப்பட்டதாக பெண் வீட்டாரிடம் சாகு வாக்குவாதத்தில் ஈடுபட்டுள்ளார். இதனால் ஆத்திரம் அடைந்த மணப்பெண்ணின் சகோதரனும், அவரது நண்பர்கள் இருவரும் சாகுவை கொலை செய்ய திட்டமிட்டுள்ளனர். சாகுவை கங்ரல் அணை அருகே வரவழைத்த மூன்று பேரும் சாகுவின் தலையில் கல்லால் அடித்து கொலை செய்துள்ளனர்.

கொலை நடந்து 5 நாட்களுக்கு பிறகே போலீசார் சடலத்தை கைப்பற்றியுள்ளனர். கொலையில் ஈடுபட்ட மணப்பெண்ணின் சகோதரன் ஹிதேஷ், அவரது நண்பர்கள் கோமேஷ் மற்றும் தீபக்கை காவல்துறையினர் கைது செய்துள்ளனர்.
 

Advertisement:
Advertisement:
Advertisement:
[X] Close