[X] Close
JUST IN
  • BREAKING-NEWS நீட் தேர்வு ஆள்மாறாட்ட வழக்கு சிபிசிஐடிக்கு மாற்றப்பட்டுள்ளது
  • BREAKING-NEWS தென்னாப்பிரிக்க வீரரை இடித்த விவகாரத்தில் விராட் கோலிக்கு ஐசிசி கண்டனம்
  • BREAKING-NEWS சென்னையில் டெங்கு காய்ச்சல் பாதிப்பால் 6 வயது சிறுமி உயிரிழப்பு
  • BREAKING-NEWS கோரிக்கைகளை பரிசீலிப்பதாக நிதித்துறை செயலாளர் கூறியதால் வங்கி அதிகாரிகள் வேலை நிறுத்தம் ஒத்திவைப்பு

ஒரு உயிரை காப்பாற்ற ரயிலை பின்நோக்கி இயக்கிய ஓட்டுநர் !

driver-reverses-train-in-rajasthan-for-1-km-to-save-life

ராஜஸ்தான் மாநிலத்தில் ரயிலிருந்து தவறி விழுந்த ஒருவரின் உயிரைக் காப்பாற்ற ரயிலை அதன் ஓட்டுநர் பின்நோக்கி இயக்கியுள்ளார்.

ராஜஸ்தான் மாநிலம் கோட்டா-பீனா இடையே பயணிகள் விரைவு ரயில் நேற்று சென்று கொண்டிருந்தது. அப்போது சரியாக 4 மணியளவில் மனநலம் பாதிக்கப்பட்ட ஒருவர் ரயிலில் இருந்து கீழே குதிக்க முற்பட்டார். இதனையடுத்து அவரின் உறவினரான வினோத் அவரை பிடிக்க சென்றார். அந்த சமயத்தில் அவர் இரயிலிருந்து கால் தவறி கீழே விழுந்தார். 

இந்த விபத்தில் வினோத் பலத்த காயமடைந்தார். அவரை மருத்துவமனைக்கு கொண்டு செல்ல சகபயணிகள் முடிவு செய்தனர். எனினும் இரயில் நிறுத்தப்பட்டிருந்த பாதை மிகவும் குறுகலான பாதையாக இருந்தது. அதனால் அந்த இடத்திற்குள் ஆம்புலன்ஸ் வர இயலவில்லை.

இந்த இக்கட்டான சூழலில் இரயிலின் ஓட்டுநர் மிக சாதூரியமாக செயல்பட்டுள்ளார். அவர் ஒரு கிலோமிட்டர் வரை இரயிலை பின்நோக்கி இயக்கி ஆம்புலன்ஸ் வருவதற்கு வழி வகுத்துள்ளார். இதனையடுத்து காயமடைந்த வினோத் மருத்துவமனைக்குச் சிகிச்சைக்காக எடுத்து செல்லப்பட்டார். காயமடைந்த வினோத் மருத்துவமனையில் சிகிச்சை பெற்று நலமுடன் இருக்கிறார் என அதிகாரிகள் தெரிவித்துள்ளனர். தக்க சமயத்தில் சரியான முடிவை எடுத்து ஒருவரின் உயிரைக் காப்பாற்றிய ஓட்டுநருக்கு பாராட்டுகள் குவிந்து வருகின்றன.

Advertisement:
இது தொடர்பான செய்திகள் :
Advertisement:
Advertisement:
[X] Close