[X] Close
JUST IN
  • BREAKING-NEWS தமிழகம் தனித்தன்மையுடன் விளங்குகிறது என்பதையே திமுக பெற்றுள்ள வெற்றி காட்டுகிறது - கனிமொழி
  • BREAKING-NEWS பெரம்பலூர் மக்களவை தொகுதியில் திமுக கூட்டணி வேட்பாளர் பாரிவேந்தர் 6,83,697 வாக்குகள் பெற்று வெற்றி
  • BREAKING-NEWS களத்தில் இறங்கியபோது உறுதியளித்தபடி தமிழகத்தில் திமுக கூட்டணி வெற்றி பெற்றுள்ளது; திமுகவின் வெற்றிக்கு உழைத்த தொண்டர்களுக்கு நன்றி -மு.க. ஸ்டாலின்
  • BREAKING-NEWS நாடாளுமன்ற தேர்தல் முடிவுகள் இன்று வெளிவந்துள்ளது; இரண்டு தேர்தல்களிலும் நாம் எதிர்பார்த்த பெரிய வெற்றியை பெற்று தந்துள்ள மக்களுக்கு நன்றி - ஸ்டாலின்
  • BREAKING-NEWS பிரதமர் மோடிக்கு வாழ்த்துகள்; மோடி அரசு ஜனநாயக கொள்கைகளை காக்கும் என நம்புகிறேன் - மு.க.ஸ்டாலின்
  • BREAKING-NEWS கர்நாடக எம்எல்ஏக்கள், அமைச்சர்களுடன் நாளை முதல்வர் குமாரசாமி ஆலோசனை
  • BREAKING-NEWS ஈரோடு மக்களவை தொகுதி மதிமுக வேட்பாளர் கணேச மூர்த்தி 2,10,618 வாக்குகள் வித்தியாசத்தில் வெற்றி

17 வயது சிறுமி கடத்தப்பட்டு மதமாற்றம் - போராட்டத்தில் குதித்த பாகிஸ்தான் இந்துக்கள்

protests-grip-lahore-after-teenage-hindu-girl-kidnapped-by-muslim-man

பாகிஸ்தானில் செல்வாக்கு மிக்க முஸ்லீம் மனிதர் ஒருவர் 17 வயது இந்து சிறுமியை கடத்திச் சென்று மதமாற்றம் செய்து திருமணம் செய்ததற்கு எதிர்ப்பு தெரிவித்து அப்பகுதி இந்துக்கள் போராட்டத்தில் ஈடுபட்டனர்.

பாகிஸ்தானின் லாஹூருக்கு அருகே இருக்கும் ரஹிம் யர் கான் பகுதியை சேர்ந்த 17 வயது சிறுமியை அந்த பகுதியை சேர்ந்த தாஹிர் தம்ரி என்பவர் தனது குடும்பத்தின் உதவியுடன் கடத்தி சென்றதாகவும் பின்னர் கராச்சிக்கு அழைத்து செல்லப்பட்ட அச்சிறுமி கட்டாயப்படுத்தி மதமாற்றம் செய்யப்பட்டு தாஹிருடன் திருமணம் செய்து வைக்கப்பட்டதாகவும் கூறப்படுகிறது.

இந்நிலையில், கடத்தி சென்ற 17 வயது சிறுமியை மீட்க வலியுறுத்தி அந்த பகுதி இந்து மதத்தினர் போராட்டத்தில் ஈடுபட்டனர். தகவல்றிந்து வந்த போலீசார் உரிய நடவடிக்கை மேற்கொள்ளப்படும் என வாக்குறுதி அளித்தப்பின் அனைவரும் கலைந்து சென்றனர்.

இதுகுறித்து வழக்கு பதிவு செய்துள்ள போலீசார் கராச்சியில் அச்சிறுமியை தேடி வருகின்றனர். இதுகுறித்து போலீஸ் உயரதிகாரி கூறுகையில்,  “அந்த சிறுமி இருக்கும் இடமான கராச்சி பகுதிக்கு போலீஸ் குழு சென்றுள்ளது. விரைவில் சிறுமியை கண்டுபிடித்து விடுவோம் என நம்பிக்கை உள்ளது” எனத் தெரிவித்தார். 

முன்னதாக, பாகிஸ்தானின் சிந்து மாகாணத்தைச் சேர்ந்த ரீனா (15), ரவீனா (13) ஆகிய சிறுமிகளை கடத்தி, இஸ்லாம் மதத்துக்கு மாற்றியதாக குற்றச்சாட்டு எழுந்தது. ஹோலி பண்டிகையின் போது அவர்களைக் கடத்திய கும்பல், திருமணம் செய்து மதமாற்றம் செய்துள்ளனர் என பெண்களின் பெற்றோர் புகார் தெரிவித்தனர். 

இதுகுறித்த வழக்கில் அந்தப் பெண்கள் தங்களை யாரும் வலுக்கட்டாயமாக மதம் மாற்றவில்லை. சுய விருப்பத்தின் பேரிலேயே திருமணம் செய்து கொண்டோம் எனத் தெரிவித்திருந்தனர்.

இதை விசாரிப்பதற்காக, தலைமை நீதிபதி அதார் மினல்லா தலைமையில் ஐந்து பேர் கொண்ட கமிஷன் அமைக்கப்பட்டது. இந்த கமிஷன் விசாரித்து, இந்து சிறுமிகள் கட்டாய மதமாற்றம் செய்யப்படவில்லை என்றும் அவர்கள் தங்கள் விருப்பப்படி கணவர்களுடன் வாழலாம் என்றும் தீர்ப்பு வழங்கப்பட்டது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close