[X] Close
JUST IN
  • BREAKING-NEWS மதுரை மக்களவை தொகுதியில் இரவு 8 மணியுடன் வாக்குப்பதிவு நிறைவடைந்தது
  • BREAKING-NEWS அரியலூர் மாவட்டம் பொன்பரப்பி கிராமத்தில் இருதரப்பினர் இடையே மோதல்; வீடுகள் வாகனங்கள் நொறுக்கப்பட்ட நிலையில் காவல்துறையினர் குவிப்பு
  • BREAKING-NEWS தமிழகத்தில் மதுரை மக்களவை தொகுதியை தவிர்த்து மற்ற அனைத்து தொகுதிகளிலும் மக்களவை, சட்டமன்ற இடைத்தேர்தல் வாக்குப்பதிவு நிறைவடைந்தது
  • BREAKING-NEWS பல வாக்குச்சாவடிகளில் பழுதான மின்னணு வாக்குப்பதிவு இயந்திரங்களை மாற்ற வேண்டும்; வாக்குப்பதிவு இயந்திரங்கள் பழுதால் வாக்குப்பதிவு நேரத்தை நீட்டிக்கவும் கோரிக்கை - தேர்தல் அதிகாரியிடம் காங்கிரஸ் வலியுறுத்தல்
  • BREAKING-NEWS பெரம்பலூர் தொகுதியில் உள்ள வெங்கலம் அரசு தொடக்க பள்ளி வாக்குச் சாவடியில் அதிமுகவினர் குடிபோதையில் ரகளை என புகார்
  • BREAKING-NEWS தமிழகத்தில் காலை 9 மணி நிலவரப்படி வெறும் 4.86% வாக்குகள் மட்டுமே பதிவாகியுள்ளன

“முதல் வாக்காளர் தன் வாக்கை வீரர்களுக்கு அர்ப்ப‌ணிக்க வேண்டும்” - மோடி

newly-voters-and-youngsters-need-to-sacrifices-their-votes-for-indian-army-jawans

மக்களவைத் தேர்தலில் முதன்முதலாக வாக்களிக்கப்போகும் இளைஞர்கள் பாகிஸ்தானில் தாக்குதல் நடத்திய ‌இந்திய வீரர்களுக்கு வாக்கை அர்ப்ப‌ணிக்க வேண்டும் என பிரதமர் மோடி கேட்டுக்கொண்டுள்ளார்.

மகாராஷ்டிர மாநிலம் லாத்தூரில் பிரதமர் மோடி இன்று பரப்புரை மேற்கொண்டார். அப்போது பேசிய அவர், காங்கிரஸ் மற்றும் எதிர்க்கட்சியினரிடமிருந்து கோடி கோடியாக கருப்புப் பணம் சிக்கி வருவதாகவும், தன் மீது எதிர்க்கட்சியினர் வெறுப்பை காட்ட இதுவே காரணம் என்று சாடினார். மத்திய பிரதேசத்தில் காங்கிரஸ் ஆட்சிக்கு வந்த சில மாதங்களிலேயே கோடிக் கணக்கில் கருப்புப் பணம் பிடிபட்டிருப்பதாகவும் அவர் விமர்சித்தார். 

டெல்லியில் ஒரு வீட்டில் வருமான வரித்துறையினர் சோதனை நடத்திக் கொண்டிருந்த போது மூத்த காங்கிரஸ் தலைவர் அங்கு விரைந்து வ‌ந்ததாகவும், இதுவே அக்கட்சிக்கும் கருப்பு பணத்திற்கு‌ம் உள்ள தொடர்பிற்கு சாட்சி என்றும் பிரதமர் தெரிவித்தார். கா‌ஷ்மீருக்கு தனிப் பி‌‌ரதமர் வேண்டும் எனக் கேட்பவர்களுடன் காங்கிரஸ் கூட்டணி அமைத்துள்ளதாக மோடி குற்றஞ்சாட்டினார். 

காஷ்மீரில் காங்கிரசுடன் கூட்டணி அமைத்துள்ள தேசிய மாநாட்டு கட்சியின் தலைவர் உ‌மர் அப்துல்லா, தங்கள் மாநிலத்தி‌ல் பிரதம‌ர் பதவி‌ ஏ‌ற்படுத்தப்பட வேண்டும் என வலியுறுத்தியிருந்தார். இந்நிலையில், அதற்கு பிரதமர் மோடி இவ்வாறு பதிலளித்துள்ளார். மேலும், வரவிருக்கும் மக்களவைத் தேர்தலில் முதன்முதலாக வாக்களிக்கப்போகும் இளைஞர்கள் பாகிஸ்தானில் தாக்குதல் நடத்திய ‌இந்திய வீரர்களுக்கு தங்கள் வாக்கை அர்ப்ப‌ணிக்க வேண்டும் எனவும் கேட்டுக் கொண்டுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close