[X] Close
JUST IN
  • BREAKING-NEWS நீங்கள் வெற்றிபெற்ற மாநிலங்களை விட தமிழகத்துக்கு அதிக முக்கியத்துவம் கொடுக்கவேண்டும்- மோடிக்கு கமல்ஹாசன் கோரிக்கை
  • BREAKING-NEWS சென்னையில் பெட்ரோல் லிட்டருக்கு ரூ. 74.10 காசுகளாகவும், டீசல் லிட்டருக்கு ரூ. 70.24 காசுகளாகவும் விலை நிர்ணயம்
  • BREAKING-NEWS தமிழகம் தனித்தன்மையுடன் விளங்குகிறது என்பதையே திமுக பெற்றுள்ள வெற்றி காட்டுகிறது - கனிமொழி
  • BREAKING-NEWS பெரம்பலூர் மக்களவை தொகுதியில் திமுக கூட்டணி வேட்பாளர் பாரிவேந்தர் 6,83,697 வாக்குகள் பெற்று வெற்றி
  • BREAKING-NEWS களத்தில் இறங்கியபோது உறுதியளித்தபடி தமிழகத்தில் திமுக கூட்டணி வெற்றி பெற்றுள்ளது; திமுகவின் வெற்றிக்கு உழைத்த தொண்டர்களுக்கு நன்றி -மு.க. ஸ்டாலின்
  • BREAKING-NEWS நாடாளுமன்ற தேர்தல் முடிவுகள் இன்று வெளிவந்துள்ளது; இரண்டு தேர்தல்களிலும் நாம் எதிர்பார்த்த பெரிய வெற்றியை பெற்று தந்துள்ள மக்களுக்கு நன்றி - ஸ்டாலின்
  • BREAKING-NEWS பிரதமர் மோடிக்கு வாழ்த்துகள்; மோடி அரசு ஜனநாயக கொள்கைகளை காக்கும் என நம்புகிறேன் - மு.க.ஸ்டாலின்

மோடிக்கு தமிழகம் அல்லது கேரளாவில் போட்டியிட தைரியம் இருக்கிறதா? - சசி தரூர்

will-pm-narendra-modi-have-courage-to-fight-from-kerala-or-tamil-nadu-asks-shashi-tharoor

பிரதமர் நரேந்திர மோடிக்கு தமிழகம் அல்லது கேரளாவில் போடியிட தைரியம் இருக்கிறதா? என காங்கிரஸ் மூத்த தலைவர் சசி தரூர் கேள்வி எழுப்பியுள்ளார்.  

உத்தரப் பிரதேசத்தின் அமேதி தொகுதியில்தான் கடந்த 2004ஆம் ஆண்டு தேர்தலில் இருந்து காங்கிரஸ் தலைவர் ராகுல் காந்தி போட்டியிட்டு வெற்றி பெற்று வருகிறார். கடந்த தேர்தலில் ராகுல் காந்தியை எதிர்த்து ஸ்மிருதி ராணி போட்டியிட்டு தோல்வி அடைந்தார். இந்நிலையில், வருகிற நாடாளுமன்ற தேர்தலிலும் ஸ்மிருதி ராணி ராகுல் காந்தியை எதிர்த்து போட்டியிடுகிறார்.

இதைத்தொடர்ந்து ராகுல் காந்தி தென் மாநிலங்களில் போட்டியிட வேண்டும் என காங்கிரஸ் தரப்பில் வலியுறுத்தப்பட்டது. இதையடுத்து கேரளாவின் வயநாடு  நாடாளுமன்றத் தொகுதியில் போட்டியிட மனுத்தாக்கல் செய்துள்ளார் ராகுல் காந்தி. 

இந்நிலையில், ராகுல் காந்தியை போல தமிழகம் மற்றும் கேரளாவில் போட்டியிடும் தைரியம் பிரதமர் மோடிக்கு இருக்கிறதா என காங்கிரஸ் மூத்த தலைவர் சசி தரூர் கேள்வி எழுப்பியுள்ளார். 

தென்னிந்தியாவில் போட்டியிடும் தலைவர் பிரதமராக வேண்டும் என்ற எதிர்ப்பார்ப்பும் மக்கள் மத்தியில் உள்ளது என குறிப்பிட்ட அவர், கேரளாவில் போட்டியிடும் தைரியம் ராகுலுக்கு உள்ளது எனவும், இதன் மூலம் அவரால் வட இந்தியாவிலும், தென்னிந்தியாவில் வெற்றிப்பெற முடியும் என்ற நம்பிக்கையை வெளிப்படுத்துவதாகவும் தெரிவித்தார். 

காங்கிரஸ் தலைவர் ராகுல் காந்தி பாதுகாப்பான தொகுதியை நோக்கி ஓடுகிறார் என பாஜக விமர்சனம் செய்வதாகவும், பிரதமர் மோடிக்கு தமிழகம் மற்றும் கேரளாவில் போட்டியிட தைரியம் இருக்கிறதா என்ற கேள்விக்கு பாஜகவினர் முதலில் பதில் சொல்லட்டும் எனத் தெரிவித்தார்.

பாஜக ஆட்சிக்காலத்தில் தென்னிந்தியாவில் உள்ள மாநிலங்கள் தொடர்ந்து வஞ்சிக்கப்பட்டதாகவும், எனவே நாட்டின் வடக்கு மற்றும் தெற்கு பகுதிகளை இணைக்கும் பாலமாக விளங்க வேண்டும் என்பதற்காகவே வயநாடு தொகுதியை ராகுல் காந்தி தேர்வு செய்துள்ளதாகவும் சசிதரூர் குறிப்பிட்டார்.

Advertisement:
Advertisement:
Advertisement:
[X] Close