[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.87 காசுகளாகவும், டீசல் லிட்டருக்கு ரூ. 69.97 காசுகளாகவும் விலை நிர்ணயம்
  • BREAKING-NEWS தேர்தல் ஆணைய கூட்டங்களில் பங்கு பெறும் ஆணையர்களின் அனைத்து கருத்துகளும் பதிவு செய்யப்படும் - அசோக் லவாசாவின் எதிர் கருத்துகள் பதிவு செய்யப்படவில்லை என்ற சர்ச்சையை அடுத்து இன்று நடந்த தேர்தல் ஆணைய கூட்டத்தில் முடிவு
  • BREAKING-NEWS பொள்ளாச்சி விவகாரம்: சிபிஐ விசாரணை மூலம் விரைவில் உண்மை வெளியே வரும் என்ற நம்பிக்கை உள்ளது- சிபிஐ முன் ஆஜரான பின் நக்கீரன் ஆசிரியர் கோபால் பேட்டி
  • BREAKING-NEWS தூத்துக்குடி துப்பாக்கிச்சூட்டில் உயிரிழந்த 13 பேருக்கு நினைவுச்சின்னம் அமைக்க வேண்டும்- டிடிவி தினகரன் அறிக்கை
  • BREAKING-NEWS தமிழகத்தில் மே 23ம் தேதி வாக்கு எண்ணும் மையங்களில் கூடுதல் பாதுகாப்பு அளிக்க வேண்டும் - தலைமை தேர்தல் அதிகாரி சத்யபிரதா சாஹூவிடம் திமுக சார்பில் மனு
  • BREAKING-NEWS ராசிபுரம் குழந்தைகள் விற்பனை வழக்கில் கைதான அமுதா உள்பட 7 பேர் மீண்டும் ஜாமீன் கேட்டு மனு
  • BREAKING-NEWS அரவக்குறிச்சி இடைத்தேர்தலில் பதிவான வாக்குகளை 17 சுற்றுகளுக்குப் பதிலாக 32 சுற்றுகளாக எண்ண முடிவு

போலி ஐ.டி கார்டு மூலம் அதிகாரியான பெண் - 18 மாதம் ராஜ வாழ்க்கை

woman-poses-as-ifs-officer-enjoys-vip-security-for-18-months

இந்திய வெளியுறவுத்துறை அதிகாரி போல் போலி ஐ.டி கார்டு தயாரித்து மோசடியில் ஈடுபட்ட பெண்ணை நொய்டாவில் காவல்துறையினர் கைது செய்தனர்.

ஷோயா கான் என்ற பெண் டெல்லியில் எம்.ஏ அரசியல் அறிவியல் படித்துள்ளார். அதன்பின்னர் ஐஏஎஸ் அதிகாரியாக வேண்டும் என நினைத்த இவர், அதற்காக கடந்த 2007ஆம் தேர்வு எழுதியுள்ளார். ஆனால் அந்த தேர்வில் அவர் தேர்ச்சி பெறவில்லை. இருப்பினும் அதிகாரி ஆக வேண்டும், பேர் புகழோடு திகழ வேண்டும் என்ற ஆசை அவரைவிட்டு போகவில்லை. தான் நினைத்ததை அடைய சில குறுக்கு வழிகளை அவர் கையாண்டுள்ளார்.

அதன்படி, இவர் தனது இந்திய வெளியுறவுத்துறை அதிகாரி என போலியான ஐ.டி கார்டு ஒன்றை தயாரித்துள்ளார். அத்துடன் போலியான இ-மெயில் ஐ.டி-யை உருவாக்கியுள்ளார். அதுமட்டுமின்றி செல்போன் செயலிமூலம் தனது குரலை ஆண் குரலாக மாற்றி பேசியுள்ளார். இவரது கணவர் வங்கியில் வேலை செய்து, அங்கிருந்து வெளியேறியவர். இவருக்கும் இதேபோன்று போலியான ஐ.டி கார்டு உள்ளிட்டவற்றை ஷோயா தயாரித்துக்கொடுத்துள்ளார். இதன்பின்னர் ஒரு அரசு அதிகாரி போலவே ஷோயா வலம்வற தொடங்கியுள்ளார். 18 மாதங்கள் இவர் ஒரு அதிகாரி போலவே இருந்துள்ளார். இதை அறியாமல் காவல்துறையினர் இவருக்கு பாதுகாப்பு போலீஸ்களை பணியமர்த்தியுள்ளனர்.

கடந்த வாரம் ஷோயா உத்தரப் பிரதேசம் மீரட்டில் நடந்த பிரதமர் மோடி நிகழ்ச்சியில் கலந்துகொண்டுள்ளார். அங்கும் ஒரு அதிகாரி போல் வலம், இவரை பிரதமரின் பாதுகாப்பு அதிகாரி என அனைவரும் நினைத்துள்ளனர். பல காவல் அதிகாரிகளும் இவருக்கு சல்யூட் அடித்துள்ளனர். இந்நிலையில் இவர் நொய்டாவின் கவுதம் புத்த நகர் எஸ்.எஸ்.பி வைபாவ் கிருஷ்ணாவை செல்போனில் தொடர்பு கொண்டு, தனக்கு பாதுகாப்பு கொடுக்கும் போலீஸை அனுப்பிவைக்க தாமதப்படுத்தியதாக திட்டியுள்ளார். அவர் மீது சந்தேகமடைந்த காவல்துறையினர், அவர் வீட்டை சோதனை, விசாரணை உத்தரவிட்டுள்ளனர்.

இதில் சில திடுக்கிடும் உண்மைகள் வெளிவந்துள்ளன. இந்த விசாரணையில் அவர் உண்மையான அதிகாரியே இல்லை என்பது தெரியவந்துள்ளது. அத்துடன் போலியான ஐ.டி. கார்டை தயாரித்து 18 மாதங்களாக மோசடியில் ஈடுபட்டிருப்பதும் தெரியவந்துள்ளது. இதையடுத்து அவர் தங்கியிருந்த 3 படுக்கையறைகள் கொண்ட வீட்டை காவல்துறையினர் முடக்கியுள்ளனர். அத்துடன் 2 சொகுசுக் கார்கள், 2 லேப்டாப்கள், 2 போலி ஐ.டி கார்டுகள், 2 வாக்கி டாக்கிகள், 4 ஸ்மார்ட்போன்கள் மற்றும் 2 போலி துப்பாக்கிகளை பறிமுதல் செய்துள்ளனர். 

அவரது கணவரையும் கைது செய்து காவல்துறையினர் விசாரித்து வருகின்றனர். இவர் ‘கோ டாடி’ என்ற இணையதளத்தில் பணம் செலுத்தி போலியான இணைய தளம் ஒன்றையும் உருவாக்கியிருப்பது தெரியவந்துள்ளது. அத்துடன் அரசியல் பிரபலங்கள் பலருடன் புகைப்படம் எடுத்துக்கொண்டிருப்பதும் கண்டுபிடிக்கப்பட்டுள்ளது. மேலும் இவர் போலியான ஐ.டி கார்டு தயாரித்து மோசடியில் ஈடுபடும் நபர் தான் என்றும், இவருக்கு வெளிநாட்டில் இருக்கும் ஏஜென்சிகளுக்கு எந்த தொடர்பும் இல்லை எனவும் தெரியவந்துள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close