[X] Close
JUST IN
  • BREAKING-NEWS மதுரை மக்களவை தொகுதியில் இரவு 8 மணியுடன் வாக்குப்பதிவு நிறைவடைந்தது
  • BREAKING-NEWS அரியலூர் மாவட்டம் பொன்பரப்பி கிராமத்தில் இருதரப்பினர் இடையே மோதல்; வீடுகள் வாகனங்கள் நொறுக்கப்பட்ட நிலையில் காவல்துறையினர் குவிப்பு
  • BREAKING-NEWS தமிழகத்தில் மதுரை மக்களவை தொகுதியை தவிர்த்து மற்ற அனைத்து தொகுதிகளிலும் மக்களவை, சட்டமன்ற இடைத்தேர்தல் வாக்குப்பதிவு நிறைவடைந்தது
  • BREAKING-NEWS பல வாக்குச்சாவடிகளில் பழுதான மின்னணு வாக்குப்பதிவு இயந்திரங்களை மாற்ற வேண்டும்; வாக்குப்பதிவு இயந்திரங்கள் பழுதால் வாக்குப்பதிவு நேரத்தை நீட்டிக்கவும் கோரிக்கை - தேர்தல் அதிகாரியிடம் காங்கிரஸ் வலியுறுத்தல்
  • BREAKING-NEWS பெரம்பலூர் தொகுதியில் உள்ள வெங்கலம் அரசு தொடக்க பள்ளி வாக்குச் சாவடியில் அதிமுகவினர் குடிபோதையில் ரகளை என புகார்
  • BREAKING-NEWS தமிழகத்தில் காலை 9 மணி நிலவரப்படி வெறும் 4.86% வாக்குகள் மட்டுமே பதிவாகியுள்ளன

அருணாச்சல பிரதேச முதல்வர் கான்வாயில் ரூ.1.8 கோடி பணம் பறிமுதல் !

rs-1-8-crore-in-cash-seized-from-aunachal-pradesh-cm-s-convoy

அருணாச்சல பிரதேச முதலமைச்சர் கான்வாயில் 1.8 கோடி ரூபாய் பணம் பறிமுதல் செய்யப்பட்டது தொடர்பாக பிரதமர் மோடி மீது வழக்குப்பதிவு செய்ய வேண்டும் என காங்கிரஸ் கட்சி வலியுறுத்தியுள்ளது.

நாடு முழுவதும் 7 கட்டங்களாக மக்களவை தேர்தல் நடைபெற உள்ளது. தேர்தல் நடத்தை விதிகள் அமலில் உள்ளதால், பணப்பட்டுவாடாவை தடுக்க நாடு முழுவதும் பறக்கும் படையினர் தீவிர வாகன சோதனையில் ஈடுபட்டு வருகின்றனர். இந்நிலையில் அருணாச்சல பிரதேச முதலமைச்சர் பீமா காண்டுவின் கான்வாய் வாகனத்தில் இருந்து ரூ.1.8 கோடி ரூபாய் பணம் பறிமுதல் செய்யப்பட்டுள்ளதாக கூறப்படுகிறது. அருணாச்சல பிரதேசத்தின் பாசிகாட் பகுதிதியில் நடைபெற இருந்த பொதுக்கூட்டத்தில் மோடி உரையாற்றுவதற்கு முந்தைய நாள் இரவு, முதலமைச்சரின் கான்வாய் வாகனத்தில் இருந்து பணம் பறிமுதல் செய்யப்பட்ட சம்பவம் அரங்கேறியுள்ளது.

இதுதொடர்பாக பேசியுள்ள காங்கிரஸ் கட்சி செய்தித் தொடர்பாளர் ரந்தீப் சுர்ஜேவாலா, “பிரதமர் மோடியின் பொதுக்கூட்டம் நடைபெறுவதற்கு முந்தைய நாள் அப்பகுதியில் முதலமைச்சரின் கான்வாயில் இருந்து பணம் பறிமுதல் செய்யப்பட்டுள்ளது. எனவே இதுதொடர்பாக முதலமைச்சர் மற்றும் துணை முதலமைச்சரை பதவி நீக்கம் செய்ய வேண்டும். அத்துடன் இவ்விவகாரத்தில் பிரதமர் மோடி மீது வழக்குப்பதிவு செய்ய வேண்டும். ஏன் இவ்விவகாரத்தில் தேர்தல் ஆணையம் தூங்கிக் கொண்டிருக்கிறது. தேவையான நடவடிக்கையை இவ்விவகாரத்தில் எடுக்க வேண்டும்” என வலியுறுத்தியுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close