[X] Close
JUST IN
  • BREAKING-NEWS கொழும்பு கொச்சிக்கடை கந்தானையில் தேவாலயம் அருகே கைப்பற்றப்பட்ட வெடிகுண்டை செயலிழக்க செய்ய முயன்றபோது குண்டு வெடித்தது
  • BREAKING-NEWS இலங்கையின் கொழும்பு பேருந்து நிலையத்தில் நின்றிருந்த பேருந்தில் இருந்து 87 டெட்டனேட்டர்கள் பறிமுதல்; வெடி குண்டுகளை செயலிழக்க செய்யும் பணியில் நிபுணர்கள் ஈடுபட்டுள்ளதாக தகவல்
  • BREAKING-NEWS காஞ்சிபுரம் மற்றும் அதன் சுற்றுவட்டார பகுதிகளில் பலத்த காற்றுடன் கனமழை; கன்னியாகுமரி மாவட்டம் தக்கலை, அழகிய மண்டபம், மூலச்சல் உள்ளிட்ட பகுதிகளில் கனமழை
  • BREAKING-NEWS இலங்கையில் தொடர் குண்டு வெடிப்பு காரணமாக இன்று நள்ளிரவு முதல் அவசரநிலை பிரகடனம்
  • BREAKING-NEWS தமிழகத்தில் உள்ளாட்சி தேர்தல் நடத்த மேலும் 3 மாதம் அவகாசம் தேவை என உச்சநீதிமன்றத்தில் தமிழக தேர்தல் ஆணையம் பிரமாணப் பத்திரம் தாக்கல்
  • BREAKING-NEWS ரஃபேல் விவகாரத்தில் பிரதமரை திருடன் என உச்சநீதிமன்றம் கூறிவிட்டதாக பரப்புரையை தீவிரப்படுத்தும் நோக்கிலேயே கூறினேன் - உச்சநீதிமன்றத்தில் ராகுல்காந்தி பிரமாணப் பத்திரம் தாக்கல்
  • BREAKING-NEWS டிக் டாக் குறித்து திட்டவட்டமாக முடிவெடுங்கள் - உயர் நீதிமன்ற கிளைக்கு உச்சநீதிமன்றம் ஆணை

“ஜவஹர்லால் நேருவின் காஷ்மீர் கொள்கையே தவறானது” - அருண் ஜெட்லி 

article-35a-nehruvian-policy-on-j-k-proved-counter-productive-dismantled-state-s-economy-says-arun-jaitley

ஜம்மு-காஷ்மீர் மாநிலத்திற்கான நேருவின் கொள்கைகள் அனைத்தும் தவறானவை என்று மத்திய நிதி அமைச்சர் அருண் ஜெட்லி தெரிவித்துள்ளார்.

ஜம்மு-காஷ்மீர் மாநிலத்தில் வசிக்கும் பிற மாநில மக்கள் நிலம் மற்றும் சொத்துகள் அங்கு வாங்கமுடியாது. ஏனென்றால் ஜம்மு-காஷ்மீர் அரசு பூர்வக்குடி மக்களுக்கு மட்டும் சில சிறப்பு உரிமைகளை, அதிகாரங்களை வழங்கியுள்ளது. இதனை இந்திய அரசு அரசியலமைப்புச் சட்டப் பிரிவு 35ஏ இன் வாயிலாக வழங்கியுள்ளது. அதன்படி ஜம்மு-காஷ்மீரில் வசிக்கும் பிற மாநில மக்கள் நிலங்கள் மற்றும் சொத்துகளை வாங்க முடியாது என்ற கட்டுப்பாட்டை விதித்துள்ளது. 

இந்நிலையில் இதுகுறித்து மத்திய நிதி அமைச்சர் அருண் ஜெட்லி கருத்து தெரிவித்துள்ளார். அதில் அவர், “அரசியலமைப்பு சட்டத்தின் பிரிவு 35ஏ ஜம்மு-காஷ்மீர் பொருளாதாரத்தை அதிகம் பாதித்துள்ளது. இதனை ஜவஹர்லால் நேரு 1954ஆம் ஆண்டு அவசர அவசரமாக குடியரசுத் தலைவரின் ஆணையாக அரசியலமைப்பு சட்டத்தில் இணைத்துவிட்டார். இதை வைத்து ஜம்மு-காஷ்மீர் அரசு அங்கு வசிக்கும் பிற மாநில மக்களின் உரிமைகளில் தடைகள் விதிக்கிறது. அதேபோல ஜம்மு-காஷ்மீர் மாநில பெண்கள் வெளி மாநிலத்தவரை திருமணம் செய்தால் அவர்களும் ஜம்மு-காஷ்மீரில் சொத்துகள் மற்றும் நிலங்கள் வாங்க முடியாது.

 

இத்தகைய விதிமுறைகளால் ஜம்மு-காஷ்மீரில் முதலீடுகள் சரியாக வருவதில்லை. அத்துடன் அங்கு தொழிற்சாலைகள் மற்றும் தனியார் நிறுவனங்களும் அங்கு திறக்கப்படுவதில்லை. ஆகவே ஜம்மு-காஷ்மீரில் வேலைவாய்ப்புகள் குறைந்துள்ளன. எனவே ஜம்மு-காஷ்மீரின் பொருளாதாரமும் வீழ்ச்சி அடைந்துள்ளது.

மேலும் அங்கு இருக்கும் அரசியல் கட்சிகளும் சரியாக செயல்படவில்லை. ஏனென்றால் அங்கு பிரிவினைவாதிகளின் எண்ணிக்கை இன்னும் குறையவில்லை. அதனால் ஜம்மு-காஷ்மீரில் இருக்கும் பிரதான கட்சிகளான தேசிய மாநாட்டுக் கட்சி மற்றும் ஜம்மு- காஷ்மீர் ஜனநாயக கட்சி ஆகியவை மீது மக்களுக்கு நம்பிக்கை குறைந்துள்ளது” எனக் கூறியுள்ளார். 

 

Advertisement:
இது தொடர்பான செய்திகள் :
Advertisement:
Advertisement:
[X] Close