[X] Close
JUST IN
  • BREAKING-NEWS இலங்கை அரசால் தேடப்பட்டு வந்த மதகுரு ஹஸிம் ஓட்டலில் நடந்த குண்டுவெடிப்பில் உயிரிழந்தார் - இலங்கை அதிபர் மைத்திரிபால சிறிசேன
  • BREAKING-NEWS ஜெயலலிதா மரணம் குறித்து ஓய்வு பெற்ற நீதிபதி ஆறுமுகசாமி விசாரணை ஆணையத்திற்கு உச்சநீதிமன்றம் இடைக்காலத் தடை - அப்போலோ மருத்துவமனை நிர்வாகம் தொடர்ந்த மேல்முறையீட்டு வழக்கில் உத்தரவு
  • BREAKING-NEWS வங்கக்கடலில் காற்றழுத்த தாழ்வு பகுதி காற்றழுத்த தாழ்வுமண்டலமாக வலுப்பெற்றது - கிழக்கு இந்திய பெருங்கடல்- தென்கிழக்கு வங்கக்கடல் பகுதியில் காற்றழுத்த தாழ்வு மண்டலம் நிலவுகிறது
  • BREAKING-NEWS சிலை கடத்தல் தடுப்புப்பிரிவு சிறப்பு அதிகாரியாக பொன்.மாணிக்கவேல் நியமிக்கப்பட்டதற்கு எதிராக காவல்துறை அதிகாரிகள் 66 பேர் தொடர்ந்த வழக்கை தள்ளுபடி செய்தது உச்சநீதிமன்றம்
  • BREAKING-NEWS சென்னையில் பெட்ரோல் லிட்டருக்கு ரூ. 75.79 காசுகளாகவும், டீசல் லிட்டருக்கு ரூ. 70.34 காசுகளாகவும் விலை நிர்ணயம் செய்யப்பட்டுள்ளன நேற்றைய விலையில் இருந்து பெட்ரோல் விலையில் மாற்றமின்றி, டீசல் விலை 8 காசுகள் அதிகரித்து விற்பனை
  • BREAKING-NEWS சென்னை எம்ஜிஆர் சென்ட்ரல் ரயில் நிலையம், எழும்பூர் ரயில் நிலையத்தில் வெடிகுண்டு நிபுணர்கள் சோதனை- பயணிகள் மற்றும் அவர்களது உடைமைகளும் தீவிர சோதனை

‘மிஷன் சக்தி’க்கு முன்னாள் சுடப்பட்ட செயற்கைக்கோள் எவை? 

india-successfully-tests-anti-satellite-mission-today

விண்ணில் செயற்கைக்கோளை சுட்டுவீழ்த்தும் ‘மிஷன் சக்தி’ என்ற சோதனை முயற்சியை வெற்றிகரமாக இந்தியா இன்று செய்து முடித்துள்ளது. இதுகுறித்து பிரதமர் நாட்டு மக்களுக்கு அறிவித்துள்ளார். அவர், “இந்திய பாதுகாப்பு மற்றும் ஆராய்ச்சி மையம் இன்று மிகப் பெரிய சாதனையை செய்துள்ளது. பூமியின் வட்டப்பாதையிலிருந்து 300 கிலோமீட்டர் தொலைவில் விண்ணில் இயங்கி கொண்டிருக்கும் செயற்கைக்கோளை தாக்கி இந்தியா சாதனை படைத்துள்ளது. இதற்காக பயன்படுத்தப்பட்ட தொழில்நுட்பங்கள் அனைத்தும் இந்தியாவிலேயே தயாரிக்கப்பட்டது” எனக் கூறினார்.

இந்நிலையில் இந்தியாவிற்கு முன்பு இத்தகைய சோதனைகள் எந்தந்த நாடுகளில் நடத்தப்பட்டன என்பது குறித்து அறிந்து கொள்வது அவசியம். பிரதமர் மோடியே கூறியதைபோல மூன்று நாடுகள் இதனை சாதித்து காட்டியுள்ளன. அந்த மூன்றுநாடுகள் அமெரிக்கா, சீனா, ரஷ்யா. அந்த வரிசையில் இந்தியா இடம் பிடித்துள்ளது.

 

முதலில் அமெரிக்கா

1959ஆம் ஆண்டு அமெரிக்கா ‘போல்ட் ஓரியான் (Bold Orion)’ என்ற அணுசக்தி தொழில்நுட்பத்தின் மூலம் விண்ணிலுள்ள செயற்கைக்கோளை நெருங்கி சென்றது. அதன்பின்னர் 1985ஆம் ஆண்டு ஏஜிஎம்-135 உதவியுடன் அந்நாட்டின் ‘சோல்விண்டு பி78-1(Solewind)’ செயற்கைக்கோளை சுட்டுவீழ்த்தியது. மேலும் 2008ஆம் ஆண்டு ‘ஆபரேஷன் பர்ண்ட் ஃப்ரோஸ்ட் (Operation Burnt Frost)’ மூலம் எஸ்.எம்-3 ஏவுகணையை பயன்படுத்தி செயலிழந்த வேவு பார்க்கும் செயற்கைக்கோளை சுட்டுவீழ்த்தியது.

இரண்டாவது  ரஷ்யா

1970 ஆம் ஆண்டு ரஷ்யா விண்ணில் பிற நாடுகளின் செயற்கைக்கோளை சுட்டு வீழ்த்துவது தொடர்பான சோதனையை வெற்றிகரமாக நடத்தி இருந்தது. அதன்பின்னர் இந்த ஆண்டு பிஎல்-19 நியுடோல் (PL-19 Nudol) என்ற செயற்கைக்கோள் ஏவுகணை சோதனை செய்யப்பட்டது.

மூன்றாவது சீனா

2007ஆம் ஆண்டு சீனா‘ஃபெங்யூன்1சி’ (Fengyun 1C) என்ற வானிலை ஆராய்ச்சி செயற்கைக் கோளை சுட்டுவீழ்த்தியது. அதனால் விண்வெளியில் அதிகளவில் செயற்கைக்கோள் குப்பைகள் ஏற்பட்டதாக உலக நாடுகள் குற்றஞ்சாட்டியிருந்தனர்.

இந்த நாடுகளின் வரிசையில் இந்தியா தற்போது நான்காவது நாடாக விண்வெளிலுள்ள செயற்கைக்கோள்களை சுட்டு வீழ்த்தும் திறன் பெற்று சாதனை படைத்துள்ளது.
 

Advertisement:
Advertisement:
Advertisement:
[X] Close