[X] Close
JUST IN
  • BREAKING-NEWS புதுக்கோட்டை மாவட்டத்தில் பொன்னமராவதி உள்பட 30க்கும் மேற்பட்ட கிராமங்களில் 144 தடை உத்தரவு - இருதரப்பினர் மோதலை தொடர்ந்து இலுப்பூர் வருவாய் கோட்டாட்சியர் சிவதாஸ் உத்தரவு
  • BREAKING-NEWS 4 சட்டமன்ற தொகுதி இடைத்தேர்தலில் அதிமுக சார்பில் போட்டியிட விரும்புவோர் ஏப்ரல் 21ம் தேதி காலை 10 மணி முதல் மாலை 5 மணி வரை விருப்பமனு பெறலாம் - அதிமுக
  • BREAKING-NEWS விஜய் நடிப்பில் உருவாகிவரும் தளபதி63 படத்திற்கு எதிராக சென்னை உரிமையியல் நீதிமன்றத்தில் வழக்கு - விஜய் நடிக்கும் 63வது படத்தின் கதை தன்னுடையது என குறும்பட இயக்குநர் செல்வா என்பவர் வழக்கு
  • BREAKING-NEWS அமமுக கடைசிவரை குழுவாக மட்டுமே இருக்க முடியும்; கட்சியாக மாற வாய்ப்பில்லை - அமைச்சர் ஜெயக்குமார்
  • BREAKING-NEWS தமிழகத்தில் சட்டமன்ற தேர்தல் எப்போது நடந்தாலும் அதை எதிர்கொள்ள தயாராக இருக்கிறேன் - ரஜினிகாந்த்
  • BREAKING-NEWS தமிழகத்தில் 38 மக்களவை தொகுதிகளில் 71.87% வாக்குகள் பதிவாகியுள்ளன - தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS தமிழகத்தில் 18 சட்டமன்ற தொகுதிகளில் 75.57% வாக்குகள் பதிவாகியுள்ளன - தமிழக தலைமை தேர்தல் அதிகாரி சத்யபிரதா சாஹூ

நியூசி. துப்பாக்கிச் சூட்டில் உயிரிழந்த பெண் உடல் கேரளா வந்தது

body-of-kerala-student-killed-in-nz-mosque-attack-arrives-home

நியூசிலாந்து துப்பாக்கிச் சூட்டில் கொல்லப்பட்ட கேரள மாணவியின் உடல் கேரளாவுக்கு இன்று காலை வந்து சேர்ந்தது.

நியூசிலாந்தின் கிறிஸ்ட்சர்ச் நகரின் உள்ள அல் நூர் மசூதியிலும், லின்உட் மஸ்ஜித் மசூதியிலும் கடந்த 15 ஆம் தேதி நடத்தப் பட்ட துப்பாக்கிச் சூட்டில் 50 பேர் பரிதாபமாக உயிரிழந்தனர். இதில், மெகபூப் கோகார், ரமீஸ் வோரா, ஆசிப் வோரா (குஜராத்), ஓஸைர் காதிர் (ஐதராபாத்), அன்சி அலிபாவா (கேரளா) ஆகிய ஐந்து இந்தியர்களும் பலியாயினர். 

இந்த துப்பாக்கிச்சூட்டில் பலியான அன்சி அலிபாவா (23), கேரள மாநிலம் திருச்சூர் மாவட்டம் கொடுங்கல்லூரைச் சேர்ந்தவர். கணவர் அப்துல் நாசருடன் நியூசிலாந்தில் வசித்து வந்தார். கடந்த வருடம்தான் அன்சி, அங்கு சென்றுள்ளார். அங்குள்ள வேளாண் பல்கலைக்கழகத்தில் எம்.டெக் படித்து வந்தார்.  சம்பவம் நடந்த அன்று தனது கணவருடன் மசூதிக்குச் சென்றார்.

 பெண்கள் பகுதியில் தொழுகை நடத்திக் கொண்டிருந்தார். அப்போது நடந்த துப்பாக்கிச்சூட்டில் கணவன் கண்முன்பே ரத்த வெள்ளத்தில் சாய்ந்திருக்கிறார் அன்சி. பின்னர் மருத்துவமனையில் சிகிச்சைப் பெற்று வந்தார். சிகிச்சை பலனின்றி உயிரிழந்துள்ளார். இந்த துப்பாக்கிச் சூட்டில் அப்துல் நாசர் நூலிழையில் உயிர் தப்பியுள்ளார்.

அன்சியின் உடல் 10 நாட்களுக்குப் பிறகு கொச்சிக்கு இன்று அதிகாலை வந்தது. அவரது உடலை அங்கிருந்து பெற்ற அவர் உறவினர்கள், கொடுங்கல்லூருக்கு கொண்டு சென்றனர். காலை 11 மணி வரை அங்கு பொதுமக்கள் அஞ்சலிக்காக வைக்கப் படுகிறது. பிறகு சேரமான் ஜும்மா மஜித் அருகே நல்லடக்கம் செய்யப்படுகிறது. 
 

Advertisement:
இது தொடர்பான செய்திகள் :
Advertisement:
Advertisement:
[X] Close