[X] Close
JUST IN
  • BREAKING-NEWS சியாச்சினில் கண்காணிப்பு கோபுரத்தில் இருந்து தவறி விழுந்து தமிழகத்தை சேர்ந்த ராணுவ வீரர் பால்பாண்டி உயிரிழப்பு
  • BREAKING-NEWS ஒட்டப்பிடாரம், திருப்பரங்குன்றம், சூலூர் சட்டப்பேரவை தொகுதிகளுக்கு தேர்தல் நடத்த தயார் - சத்யபிரதா சாஹூ
  • BREAKING-NEWS நூறு நாள் வேலைதிட்டத்தை 200 நாட்களாக உயர்த்த நடவடிக்கை எடுக்கப்படும் - அதிமுக கூட்டணியில் போட்டியிடும் புதிய நீதி கட்சி தலைவர் ஏ.சி.சண்முகத்திற்கு ஆதரவாக முதல்வர் பழனிசாமி பரப்புரை
  • BREAKING-NEWS மணல் கடத்தலுக்கு உதவிய எத்தனை அதிகாரிகள் மீது குண்டாஸ் போடப்பட்டுள்ளது? - உயர்நீதிமன்ற கிளை
  • BREAKING-NEWS திருச்சியில் வரும் 25ல் வேட்புமனு தாக்கல் செய்ய உள்ளேன்; தேர்தல் பரப்புரைக்காக ராகுல் காந்தி விரைவில் தமிழகம் வருவார் - திருநாவுக்கரசர்
  • BREAKING-NEWS லோக்பால் அமைப்பின் முதல் தலைவராக முன்னாள் உச்சநீதிமன்ற நீதிபதி பினாகி சந்திரகோஷ் பதவியேற்றார்
  • BREAKING-NEWS தேமுதிக பொருளாளர் பிரேமலதா விஜயகாந்த் 27ம் தேதி முதல் தேர்தல் பரப்புரையை தொடங்குகிறார்

கேரள தாய்மார்களில் 22552 பேர் 19 வயதுக்குட்பட்டவர்கள்! அதிர வைக்கும் புள்ளிவிவரம்!

22-552-girls-aged-below-19-gave-birth-in-2017-says-kerala-report

கேரளாவில் 2017ம் ஆண்டு கணக்கெடுப்பின்படி 19 வயதுக்குட்பட்ட பெண்கள் 22552 பேர், குழந்தைகளுக்கு தாயாகியுள்ளதாக தெரிவிக்கப்பட்டுள்ளது.

கேரள அரசின் மாநில பொருளாதார மற்றும் புள்ளியியல் துறை சமீபத்தில் புள்ளிவிவரம் ஒன்றை வெளியிட்டது. அதில் 2017ம் ஆண்டின் படி கேரளாவில் பிறப்பு விகிதத்தில் 4.48%  குழந்தைகளுக்கு 19 வயதுக்குட்பட்ட பெண்கள் தான் அம்மாவாக இருப்பதாக தெரிவிக்கப்பட்டுள்ளது. கிராமங்களை விடவும் நகரங்களில் தான் 19 வயதுக்குட்பட்ட தாய்மார்கள் அதிகம் இருப்பதாக புள்ளிவிவரம் தெரிவிக்கிறது. அதன்படி நகரத்தில் 16639 பெண்களும், கிராமத்தில் 5913 பெண்களும் 19 வயதுக்குட்பட்டவர்களாக இருப்பதாக கூறப்பட்டுள்ளது.

அது போல கிராமப்புறங்களில் உள்ள 19 வயதுக்குட்பட்ட 137 பெண்கள் இரண்டாவது குழந்தையையும் பெற்றெடுத்துள்ளதாகவும், 48 பெண்கள் 3 குழந்தைகளையும், 37 பெண்கள் 4 குழந்தைகளையும் பெற்றெடுத்துள்ளதாக புள்ளிவிவரம் தெரிவிக்கிறது.

நகரங்களை பொறுத்த வரை 19 வயதுக்குட்பட்ட 298 பெண்கள் இரண்டாவது குழந்தையை பெற்றெடுத்துள்ளதாகவும், 20 வயதுக்குட்பட்ட 21 பெண்கள் 3 குழந்தைகளுக்கு தாயாகியுள்ளதாகவும் கூறப்பட்டுள்ளது.

மத அடிப்படையில் கொடுக்கப்பட்ட புள்ளி விவரத்தின்படி, 17082 பெண்கள் இஸ்லாமிய மதத்தைச் சேர்ந்தவர்களாகவும், 4734 பெண்கள் இந்து மதத்தை சேர்ந்தவர்களாவும், 702 பேர் கிறிஸ்துவ மதத்தைச் சேர்ந்தவர்களாவும் உள்ளதாக தெரிவிக்கப்பட்டுள்ளது.

இது குறித்து கருத்து தெரிவித்துள்ள கேரள அரசு, ''இந்த புள்ளிவிவரம்,  குழந்தை திருமணம் இன்னமும் நடந்து வருவதை உறுதி செய்கிறது. குறிப்பாக மலப்புரம் மாவட்டத்தில் அதிக அளவில் குழந்தை திருமணம் நடப்பதாக தெரிகிறது. இந்த புள்ளிவிவரம் கவனத்தில் எடுத்துக்கொள்ளப்பட்டு உரிய நடவடிக்கை எடுக்கப்படும்'' என்று தெரிவித்துள்ளனர்

Advertisement:
இது தொடர்பான செய்திகள் :
Advertisement:
Advertisement:
[X] Close