[X] Close
JUST IN
  • BREAKING-NEWS காரைக்குடியில் அனுமதியின்றி தேர்தல் அலுவலகம் திறந்த புகாரில், சிவகங்கை மக்களவை தொகுதியில் போட்டியிடும் அமமுக வேட்பாளர் தேர்போகி பாண்டி மீது காரைக்குடி போலீசார் வழக்குப்பதிவு
  • BREAKING-NEWS ஓபிஎஸ் மகன் அதிமுகவிற்காக பல ஆண்டுகளாக உழைத்து வருகிறார்; அதனால் அவரை வேட்பாளராக அறிவித்ததில் எந்த தவறும் இல்லை - அமைச்சர் கே.சி.வீரமணி
  • BREAKING-NEWS நெதர்லாந்து நாட்டின் உட்ரெச் நகரில் மர்ம நபர் ஒருவர் நடத்திய துப்பாக்கிச்சூட்டில் ஏராளமானோர் படுகாயமடைந்துள்ளனர்
  • BREAKING-NEWS நேர்காணலுக்கு கூட வராமல், தான் தேர்தலில் போட்டியிடுவதாக சி.கே.குமரவேல் அறிவித்தது கட்சி கட்டுப்பாடுகளுக்கு முரணான செயல் - ஜனநாயக முறைப்படி நடைபெற்ற வேட்பாளர் தேர்வுமுறைக்கு எதிராக செயல்பட்டதால் மக்கள் நீதி மய்யம் கட்சித் தலைமை அவரின் ராஜினாமாவை ஏற்றுக்கொள்கிறது
  • BREAKING-NEWS கோடநாடு கொலை, கொள்ளை வழக்கில் சயான், மனோஜ் உட்பட 10பேரை மார்ச் 27ல் மீண்டும் ஆஜர்படுத்த காவல்துறைக்கு உதகை நீதிமன்றம் உத்தரவு
  • BREAKING-NEWS சென்னையில் பெட்ரோல் லிட்டருக்கு ரூ. 75.52 காசுகளாகவும், டீசல் லிட்டருக்கு ரூ. 70.87 காசுகளாகவும் விலை நிர்ணயம்

ஜம்மு காஷ்மீரில் துப்பாக்கி சூடு: முக்கிய பயங்கரவாதி பலி !

pulwama-attack-mastermind-killed-by-security-forces-in-kashmir

ஜம்மு காஷ்மீரின் புல்வாமா மாவட்டத்தில் பாதுகாப்புப்படையினருக்கும், பயங்கரவாதிகளுக்கும் இடையிலான மோதலில், புல்வாமா தாக்குதலின் முக்கிய மூளையாகச் செயல்பட்டவர் கொல்லப்பட்டிருக்கலாம் என்று அதிகாரிகள் தெரிவித்துள்ளனர். 

புல்வாமா மாவட்டத்தின் பிங்லிஷ் பகுதியில் ஜெய்ஷ் இ முகமது பயங்கரவாதிகளுக்கும், பாதுகாப்புப்படையினருக்கும் இடையே விடிய விடிய சண்டை நீடித்தது. இதில், ஜெய்ஷ் இ அமைப்பைச் சேர்ந்த 3 பயங்கரவாதிகள் கொல்லப்பட்டனர். இவர்களில் புல்வாமா தாக்குதலின் மூளையாக செயல்பட்ட பயங்கரவாதி முடாசிர் அகமது கானும் ஒருவர் என்று அதிகாரிகள் தெரிவித்துள்ளனர். 

ஆனாலும் கொல்லப்பட்ட 3 பயங்‌கரவாதிகளின் உடல்களும் அடையாளம் தெரியாத அளவுக்கு சேதம் அடைந்துள்ளதால் அவர்களை அடையாளம் காணும் பணிகள் நடந்து வருவதாக அதிகாரி‌ள் தெரிவித்துள்ளனர். 

பிங்லிஷ் பகுதி முழுவதையும் பாதுகாப்புப்படையினர் சுற்றி வளைத்து தங்கள் கட்டுப்பாட்டில் கொண்டு வந்துள்ளனர். கொல்லப்பட்‌டதாகக் கருதப்படும் முடாசிர் அகமது கான் எலக்ட்ரீஷியன் என்றும், 23 வயதாகும் அந்த பயங்கரவாதி, புல்வாமாவைச் சேர்ந்த பட்டதாரி என்றும் கூறியுள்ள அதிகாரிகள், சிஆர்பிஎஃப் வீரர்கள் மீது தாக்குதல் நடத்துவதற்கான வாகனம் மற்றும் வெடிபொருட்களை ஏற்பாடு செய்தவர் என்று தெரிவித்துள்ளனர்.

முன்னதாக, காஷ்மீர் மாநிலம் புல்வாமாவில் கடந்த பிப்ரவரி 14-ஆம் தேதி, நடத்தப்பட்ட பயங்கரவாத தாக்குதலில் 40 சிஆர்பிஎப் வீரர்கள் வீரமரணம் அடைந்தனர். இந்தத் தாக்குதலுக்கு பாகிஸ்தானின் ஜெய்ஷ்- இ- முகமது தீவிரவாத அமைப்பு பொறுப்பேற்றது. இதற்கு பதிலடியாக பாகிஸ்தான் எல்லைக்குள் நுழைந்த இந்திய விமானப்படை, பால்கோட் பகுதியில் இருந்த ஜெய்ஷ்-இ-முகமது தீவிரவாத அமைப்பின் முகாம்களை அழித்தது. அதற்கு பிறகு இரு நாட்டு எல்லையில் தொடர்ந்து பதட்டம் நீடித்து வருவது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close