[X] Close
JUST IN
  • BREAKING-NEWS ஒவ்வொரு சட்டமன்ற தொகுதிக்குட்பட்ட வாக்குச்சாவடிகளிலும் 5 வி.வி.பேட் இயந்திரங்களில் உள்ள பதிவு சீட்டுகளை மின்னணு வாக்கு பதிவு இயந்திரங்களில் பதிவாகியுள்ள எண்ணிக்கையுடன் சரிபார்ப்பதற்கு கூடுதல் அவகாசம் தேவைப்படுகிறது - தேர்தல் ஆணையம்
  • BREAKING-NEWS மக்களவைத் தேர்தல் முடிவுகளை அறிவிப்பதில் ஐந்து மணி நேரம் தாமதம் ஏற்படும் - தேர்தல் ஆணையம்
  • BREAKING-NEWS ஸ்டெர்லைட் ஆலைக்கு எதிராக கருத்து கொண்டோரை தமிழக அரசு துன்புறுத்துவது ஏன்?- தமிழக அரசுக்கு உயர்நீதிமன்ற மதுரை கிளை கேள்வி
  • BREAKING-NEWS வேலூர், தருமபுரி, சேலம் உள்ளிட்ட உள்தமிழகத்தின் ஒருசில இடங்களில் அனல் காற்று வீசும்- சென்னை வானிலை ஆய்வு மையம்
  • BREAKING-NEWS தூத்துக்குடி துப்பாக்கிச்சூடு சம்பவம் தொடர்பான வழக்கை முடித்து வைத்தது தேசிய மனித உரிமைகள் ஆணையம்
  • BREAKING-NEWS 10 மாநில தேர்தல் அதிகாரிகளுடன் தலைமை தேர்தல் ஆணையர் சுனில் அரோரா நடத்தவிருந்த ஆலோசனை ரத்து
  • BREAKING-NEWS காவிரி ஒழுங்காற்று குழு கூட்டம் டெல்லியில் நாளை கூடுகிறது; காவிரி மேலாண்மை ஆணைய கூட்டம் வரும் 28ம் தேதி டெல்லியில் நடைபெறுகிறது

ராஜினாமா செய்த காங்கிரஸ் எம்.எல்.ஏ - பாஜகவில் இணைவதாக தகவல் 

karnataka-rebel-congress-mla-umesh-jadhav-quits-party-may-join-bjp

கர்நாடகாவில் காங்கிரஸ் அதிருப்தி எம்எல்ஏ உமேஷ் ஜாதவ் திடீரென பதவியை ராஜினாமா செய்துள்ளார். சபாநாயகர் ரமேஷ் குமாரை நேரில் சந்தித்து தனது ராஜினாமா கடிதத்தை அவர் வழங்கினார்.

கர்நாடகாவில் மதச்சார்பற்ற ஜனதா தளம்- காங்கிரஸ் கூட்டணி ஆட்சி நடைபெற்று வருகிறது. முதலமைச்சராக மதச்சார்பற்ற ஜனதா தள கட்சியை சேர்ந்த குமாரசாமி உள்ளார். கடந்த மே 12-ஆம் தேதி நடைபெற்ற சட்டமன்றத் தேர்தலில் எந்தக் கட்சிக்கும் பெரும்பான்மை கிடைக்கவில்லை. தனிப்பெரும் கட்சியாக பாஜக அதிக தொகுதிகளை கைப்பற்றினாலும் அதற்கு பெரும்பான்மை கிடைக்கவில்லை. இதனையடுத்து மதச்சார்பற்ற ஜனதா தளம் ஆட்சியமைக்க காங்கிரஸ் கட்சி ஆதரவு தெரிவித்தது. அதன்படி குமாரசாமி முதலமைச்சராக பதவியேற்றுக் கொண்டார். 

குமாரசாமி முதலமைச்சராக பொறுப்பேற்றது முதலே அவருக்கு காங்கிரஸ் தரப்பில் இருந்து சிக்கல்கள் வந்த வண்ணம் உள்ளன. காங்கிரஸ் கட்சியை சேர்ந்த சில எம்எல்ஏக்கள் தலைமைக்கு எதிராக போர்க்கொடி உயர்த்தியதாக அப்பொழுதே செய்திகள் வெளியாகின. ஆனால் அப்படியொன்றுமில்லை, எம்.எல்.ஏக்கள் அனைவரும் ஒற்றுமையாகத்தான் உள்ளனர் என்று காங்கிரஸ் தரப்பில் கூறப்பட்டது. 

காங்கிரஸ் - மதச்சார்பற்ற ஜனதா தளம் கட்சிகளுக்கு இடையிலான இந்தச் சலசலப்பு தற்போது நடைபெற்ற அமைச்சரவை விரிவாக்கம் வரை தொடர்ந்து வருகிறது. அண்மையில் கர்நாடக அமைச்சரவை விரிவாக்கப்பட்ட நிலையில் அதில் சிலர் நீக்கப்பட்டனர். மேலும் சிலர் தங்களுக்கு வாய்ப்பு வழங்கப்படவில்லை என அதிருப்தியில் இருப்பதாகவும் சொல்லப்பட்டது.

இதையடுத்து காங்கிரஸ் மற்றும் மதசார்பற்ற ஜனதா தளம் கட்சிகளின் எம்.எல்.ஏக்கள் தங்கள் கட்சியில் இணைய உள்ளதாக பாஜகவினர் அவ்வபோது தெரிவித்து வந்தனர். இந்நிலையில், கர்நாடகாவில் காங்கிரஸ் அதிருப்தி எம்எல்ஏ உமேஷ் ஜாதவ் திடீரென பதவியை ராஜினாமா செய்துள்ளார். சபாநாயகர் ரமேஷ் குமாரை நேரில் சந்தித்து தனது ராஜினாமா கடிதத்தை அவர் வழங்கினார். அவர் விரைவில் பாஜகவில் இணைய உள்ளதாக தகவல் வெளியாகியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close