[X] Close
JUST IN
  • BREAKING-NEWS தென்னாப்பிரிக்காவுக்கு எதிரான டெஸ்ட் தொடரை கைப்பற்றியது இந்திய அணி
  • BREAKING-NEWS வரும் 17-ஆம் தேதி வடகிழக்கு பருவமழை தொடங்க வாய்ப்பு
  • BREAKING-NEWS தமிழகத்தில் வரைவு வாக்காளர் பட்டியல் அடுத்த மாதம் 25-ஆம் தேதி வெளியீடு: நவம்பர் 18-ஆம் தேதி வரை திருத்தங்கள் செய்யலாம்
  • BREAKING-NEWS ஈரோடு மாவட்டம் கோபி செட்டிப்பாளையத்தில் கனமழையால் வெள்ளப்பெருக்கு

‘பாதுகாப்பை அதிகப்படுத்துங்கள்’ - மும்பைக்கு உளவுத்துறை அறிவுறுத்தல்

iaf-air-strike-mumbai-on-high-alert-government-asks-schools-to-exercise-caution

பாகிஸ்தான் தரப்பிலிருந்து பதிலடி தாக்குதல் நடத்தப்படலாம் என்பதால் பாதுகாப்பை அதிகப்படுத்த கோரி மும்பை போலீசாருக்கு உளவுத்துறை எச்சரிக்கை விடுத்துள்ளது.

புல்வாமா தாக்குதலுக்குப் பதிலடி கொடுக்கும் வகையில் பாகிஸ்தான் எல்லைக்குள் நேற்று காலை புகுந்த இந்திய விமானப் படை துல்லிய தாக்குதல் நடத்தி பயங்கரவாதிகள் முகாம்களை அழித்தது. இதில் பயங்கரவாதிகள் பலர் உயிரிழந்திருக்கலாம் எனக் கூறப்படுகிறது. 

அதேசமயம் இந்திய அத்துமீறலுக்குத் தகுந்த நேரம் மற்றும் இடத்தை முடிவு செய்து பாகிஸ்தான் பதிலடி கொடுக்கும் என்று அந்நாட்டு பிரதமர் இம்ரான் கான் எச்சரிக்கை விடுத்திருந்தார். அதனால் இந்திய வீரர்கள் தீவிர கண்காணிப்பில் ஈடுபட்டு வருகின்றனர். 

இதனிடையே எல்லை தாண்டி பாகிஸ்தான் ராணுவ நிலைகளை குறி வைத்து தாக்குதல் நடத்தப்படவில்லை என்றும், ஜெய்ஷ்- இ- முகமது பயங்கரவாத முகாம்களை அழிக்கவே இந்த நடவடிக்கை எடுக்கப்பட்டது என்றும் வெளியுறவுத்துறை அமைச்சர் சுஷ்மா சுவராஜ் விளக்கமளித்துள்ளார். 

ஜெய்ஷ்- இ- முகமது பயங்கரவாத அமைப்பு இந்தியாவில் மேற்கொண்டு தாக்குதலை நடத்த சதித் திட்டம் தீட்டியிருப்பதாகவும், எனவே, பொதுமக்களை பாதுகாக்கும் வகையில், முன்னெச்சரிக்கை நடவடிக்கையாக பயங்கரவாத முகாம்களை இந்திய விமானப் படை அழித்தது என்றும் சுஷ்மா சுவராஜ் கூறினார்.

இந்நிலையில், பாகிஸ்தான் தரப்பிலிருந்து பதிலடி தாக்குதல் நடத்தப்படலாம் என்பதால் பாதுகாப்பை அதிகப்படுத்த கோரி மும்பை போலீசாருக்கு உளவுத்துறை எச்சரிக்கை விடுத்துள்ளது. பள்ளி மற்றும் நிறுவன அலுவலக ஊழியர்களுக்கு மஹாராஷ்டிர அரசாங்கம் அறிவிப்பு வெளியிட்டுள்ளது. அதில், பஸ் உரிமையாளர்களின் சங்கம், பள்ளிக் குழந்தைகளின் பாதுகாப்பை மனதில் வைத்துக் கொள்ள வேண்டும் எனவும் தெரிவித்துள்ளது. 

மேலும் விமானப்படைத்தளம், கடற்படைத்தளம், ராணுவ முகாம்கள், ரயில்வே நிலையங்கள் உள்ளிட்ட முக்கிய இடங்களில் பாதுகாப்பை பலப்படுத்தவும் சிசிடிவி கேமராக்களை அதிகப்படுத்தவும் மஹாராஷ்டிர அரசு உத்தரவிட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close