[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 75.59 காசுகளாகவும், டீசல் லிட்டருக்கு ரூ. 70.59 காசுகளாகவும் விலை நிர்ணயம்
  • BREAKING-NEWS மக்களவை தேர்தல், சட்டப்பேரவை இடைத்தேர்தல் பரப்புரையை திருவாரூரில் இருந்து தொடங்கினார் மு.க.ஸ்டாலின்
  • BREAKING-NEWS இந்தியாவின் முதல் லோக்பால் அமைப்பின் தலைவராக ஓய்வுபெற்ற நீதிபதி பினாக்கி சந்திரகோஷ் நியமனம்
  • BREAKING-NEWS மக்களவை தேர்தல், இடைத்தேர்தலுக்கான பரப்புரையை நாளை திருவாரூரில் தொடங்கும் நிலையில், திருவாரூர் சன்னதி தெருவில் உள்ள இல்லத்தில் கீழ்வேளூர், திருத்துறைப்பூண்டி சட்டமன்ற தொகுதி நிர்வாகிகளுடன் மு.க.ஸ்டாலின் ஆலோசனை
  • BREAKING-NEWS மக்களவை தேர்தல், 18 தொகுதி சட்டமன்ற இடைத்தேர்தலுக்கு மக்கள் நீதி மய்யத்துடன் கூட்டணி அமைத்துள்ளோம் மக்களவை தேர்தலில் 1 தொகுதி, இடைத்தேர்தலில் 3 தொகுதிகளில் இந்திய குடியரசுக் கட்சி போட்டி - சே.கு. தமிழரசன் (இந்திய குடியரசுக் கட்சி)
  • BREAKING-NEWS பாதுகாப்பு படைகளை வைத்து அரசியல் செய்ய வேண்டாம் - கட்சித்தலைவர்கள், வேட்பாளர்களுக்கு அறிவுறுத்தும்படி அரசியல் கட்சிகளுக்கு மீண்டும் தேர்தல் ஆணையம் கடிதம்
  • BREAKING-NEWS மக்களவை தேர்தல், சட்டமன்ற இடைத்தேர்தலில் மக்கள் நீதி மய்யம் கட்சியின் சார்பில் போட்டியிடும் வேட்பாளர்கள் பட்டியலை நாளை மதியம் 2 மணிக்கு வெளியிடுகிறார் கமல்ஹாசன்

“நீதிபதிகள் நியமன தாமதத்திற்கு கொலீஜியம்தான் காரணம்” - உச்சநீதிமன்றம் 

sc-takes-blame-on-itself-for-delay-in-hc-judges-appointment

உயர்நீதிமன்றத்தில் நீதிபதிகள் நியமனத்திற்கான தாமதத்திற்கு உச்சநீதிமன்ற கொலீஜியமே பொறுப்பு என்று உச்சநீதிமன்றத்தின் தலைமை நீதிபதி ரஞ்சன் கோகோய் தெரிவித்துள்ளார்.

உச்சநீதிமன்றத்தின் கொலீஜியம் என்று அழைக்கப்படும் மூத்த நீதிபதிகள் கொண்ட குழுவின் பரிந்துரையின் மூலம் உயர்நீதிமன்ற நீதிபதிகளை நியமிக்கப்படுவது நடமுறை. இதற்காக உச்சநீதிமன்ற கொலீஜியம் தகுதியுடைய நீதிபதிகளின் பெயர் பட்டியலை பரிசீலித்து அவற்றை மத்திய அரசின் ஒப்புதலுக்கு அனுப்பும். அதன்பின்னர் மத்திய அரசு அந்தப் பட்டியலிலுள்ளவர்களை பரிசீலித்து நீதிபதி பதவிக்கான நியமன ஆணையை வழங்கும். ஆனால் ஒருசில நேரங்களில் கொலீஜியம் பரிந்துரை செய்த பெயர்களை மறுபரிசீலனை செய்ய கூறி மத்திய அரசு திருப்பி அனுப்புவதும் உண்டு.

இந்நிலையில் உயர்நீதிமன்ற நீதிபதிகளின் நியமனத்தில் தாமதம் ஏற்படுவது தொடர்பாக ஒரு பொதுநல வழக்கு ஒன்று உச்சநீதிமன்றத்தில் தொடரப்பட்டுள்ளது. இந்த வழக்கை ‘Centre for Public Interest Litigation’ என்ற தன்னார்வு தொண்டு நிறுவனம் தொடுத்துள்ளது. 

இந்த நிறுவனம் தாக்கல் செய்துள்ள மனுவில், “நீதிபதிகளின் நியமனத்தில் கொலீஜியத்தின் பரிந்துரையிலுள்ள பெயர்களை ஒப்புதல் செய்வதில் மத்திய அரசு தாமதம் ஏற்படுத்துகிறது. அத்துடன் நீதிபதிகளின் நியமனத்தில் இந்தத் தாமப்படுத்துதல் மூலம் மத்திய அரசு மறைமுகமாக தலையிடுகிறது. இது நீதிமன்றத்தின் சுதந்திரத்தில் மத்திய அரசின் தலையிடுவதாகும்” எனத் தெரிவிக்கப்பட்டுள்ளது.

மேலும் இந்த மனுவில் “கொலீஜியத்தால் மறுபடியும் பரிந்துரை செய்யப்பட்ட நீதிபதிகளின் பெயரை பட்டியலை மத்திய அரசு வெளியிடவேண்டும் என ஆணை பிறப்பிக்கவேண்டும் ”என்றும் கோரிக்கை விடுக்கப்பட்டுள்ளது.

இந்நிலையில் இந்த வழக்கை உச்சநீதிமன்றத்தின் தலைமை நீதிபதி ரஞ்சன் கோகோய் அடங்கிய அமர்வு விசாரித்தது. அதில் தலைமை நீதிபதி ரஞ்சன் கோகோய், “நீதிபதிகளின் நியமனம் தற்போது விரைவாகதான் நடக்கின்றது. மேலும் தற்போது நிலுவையிலிருக்கும் நீதிபதி நியமனங்கள் தொடர்பான கோப்புகளில் அதிகப்படியான கோப்புகள்  உச்சநீதிமன்றத்தின் கொலீஜியத்திடமே உள்ளன.

உச்சநீதிமன்ற கொலீஜியத்தில் நீதிபதிகள் நியமனங்கள் தொடர்பான 80 கோப்புகள் நிலுவையில் உள்ளன. ஆனால் மத்திய அரசிடம் தற்போது நீதிபதிகள் நியமனம் தொடர்பாக 27 கோப்புகள்தான் நிலுவையில் உள்ளன. இதனால் நீதிபதிகள் நியமனத்தில் ஏற்படும் தாமதத்திற்கு தற்போது உச்சநீதிமன்றத்தின் கொலீஜியமே காரணம்” எனக் கூறியுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close