[X] Close
JUST IN
  • BREAKING-NEWS நாட்டின் தண்ணீர் பற்றாக்குறையை போக்க ரூ.3.5 லட்சம் கோடி செலவிட மத்திய அரசு திட்டம் - பிரதமர் மோடி
  • BREAKING-NEWS திமுக போட்ட வழக்கினால் மன உளைச்சல் ஏற்பட்டுதான் ஜெயலலிதா மரணமடைந்தார் - நாங்குநேரி தேர்தல் பரப்புரையில் முதல்வர் பழனிசாமி பேச்சு
  • BREAKING-NEWS ராஜீவ் கொலை வழக்கில் சிறையில் உள்ள 7 பேரை விடுவிக்க தமிழக அரசு அழுத்தம் தர வேண்டும் - வைகோ
  • BREAKING-NEWS 7 பேர் விடுதலை குறித்து முதல்வர் பழனிசாமி விளக்கமளிக்க வேண்டும் - மு.க.ஸ்டாலின் ட்வீட்
  • BREAKING-NEWS ஐஎன்எக்ஸ் முறைகேடு வழக்கு: சிதம்பரம், கார்த்தி சிதம்பரம் மீது குற்றப்பத்திரிகை தாக்கல்
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

பிரதமர் மோடியால் நேற்று தொடங்கி வைக்கப்பட்ட அதிவேக ரயில் பாதி வழியில் பழுதானது..!

india-s-fastest-train-vande-bharat-express-breaks-down-day-after-launch

பிரதமர் மோடியால் நேற்று தொடங்கி வைக்கப்பட்ட நாட்டின் அதிவேக ரயிலான வந்தே பாரத் ரயில் முதல் பயணத்திலேயே பழுதாகி பாதியில் நின்றது. இதனால் பயணிகள் வேறு ரயில் மூலம் திருப்பி அனுப்பி வைக்கப்பட்டனர்.

நாட்டின் அதிவேக விரைவு ரயிலான வந்தே பாரத் ரயிலை பிரதமர் மோடி நேற்று கொடியசைத்து துவக்கி வைத்தார். மணிக்கு 180 கி.மீ வேகத்தில் செல்லும் திறன் கொண்டது வந்தே பாரத் ரயில் என்று சொல்லப்படுகிறது. இந்நிலையில் முதல் பயணத்திலேயே வந்தே பாரத் ரயில் பழுதாகி பாதியில் நின்றது. முதல் முறையாக டெல்லியிலிருந்து வாரணாசிக்கு வெற்றிகரமாக வந்தடைந்த வந்தே பாரத் ரயில் மீண்டும் டெல்லிக்கு திரும்பிய போது தான் பாதி வழியில் பழுதாகி நின்றது. டெல்லியில் இருந்து 200 கி.மீ தொலைவுக்கு முன்னதாக ரயில் பழுதாகி நின்றதால் அதில் பயணித்த பயணிகள் மற்றொரு ரயில் மூலம் மீண்டும் டெல்லிக்கு திருப்பி அனுப்பி வைக்கப்பட்டனர்.

இதுகுறித்து ஒருவர் கூறும்போது, “ காலை 5 மணியளவில் ரயிலின் அனைத்து பெட்டிகளிலும் மின் இணைப்பு துண்டிக்கப்பட்டு ரயில் அப்படியே நின்றது. அதற்கு முன்னதாக வெறும் 10 கி.மீ வேகத்தில் தான் ரயில் பயணித்தது. அதுமட்டுமில்லாமல் புகை வாடையும் அதிகமாக வந்தது. ரயிலின் உட்கட்டமைப்பில் ஏதேனும் பழுது இருக்கலாம் என சந்தேகிக்கப்பட்டது. இதனால் ரயிலில் இருந்து இறங்க வேண்டிய நிலை வந்தது” எனக் கூறினார். முன்னதாக டெல்லியிருந்து வாரணாசிக்கு ரயில் மணிக்கு 130 கி.மீ வேகத்தில் சென்றது குறிப்பிடத்தக்கது. இதனிடையே பழுதடைந்த ரயிலை சரிசெய்ய, அது மீண்டும் டெல்லிக்கு கொண்டு செல்லப்பட்டுள்ளது.

Advertisement:
Advertisement:
Advertisement:
[X] Close