[X] Close
JUST IN
  • BREAKING-NEWS தமிழகம், புதுச்சேரியில் 4 நாட்களுக்கு மழை பெய்ய வாய்ப்பு - சென்னை வானிலை ஆய்வு மையம்
  • BREAKING-NEWS திருச்சி பஞ்சாப் நேஷனல் வங்கியில் கொள்ளையடித்த நகைகளை முருகன் கும்பல் உருக்கி விற்றது அம்பலம்
  • BREAKING-NEWS பில்லூர் அணை நிரம்பியதால் பவானி ஆற்றங்கரையோர மக்களுக்கு வெள்ள அபாய எச்சரிக்கை. 7 மாவட்டங்களில் கனமழை தொடரும் என வானிலை மையம் தகவல்
  • BREAKING-NEWS நாங்குநேரி, விக்கிரவாண்டி தொகுதிகளில் இன்று மாலையுடன் முடிகிறது பரப்புரை
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

வரும் தேர்தலில் போட்டியிடமாட்டேன் ! பிரியங்கா காந்தி

won-t-contest-lok-sabha-poll-priyanka-gandhi

2019 மக்களவை தேர்தலில் போட்டியிடமாட்டேன் என கட்சித் தொண்டர்களிடம் பிரியங்கா காந்தி தெரிவித்துள்ளார்.

2019-ஆம் ஆண்டிற்கான மக்களவை தேர்தல் நெருங்கி வரும் நிலையில் காங்கிரஸ் கட்சியின் பொதுச் செயலாளராக பிரியங்கா காந்தி நியமனம் செய்யப்பட்டார். உத்தரப் பிரதேசத்தின் கிழக்கு பிராந்திய காங்கிரஸ் பணிகளை தற்போது அவர் கவனித்து வருகிறார்.

இந்நிலையில் உத்தரப் பிரதேச மாநிலத்தில் உள்ள லக்னோ மற்றும் புல்பூர் மக்களவை தொகுதி காங்கிரஸ் தொண்டர்கள் பிரியங்கா காந்தியை சந்தித்தனர். அப்போது இந்த இரண்டு தொகுதியில் ஏதாவது ஒரு தொகுதியில் பிரியங்கா காந்தி போட்டியிட வேண்டும் என அவர்கள் தங்கள் விருப்பத்தை தெரிவித்தனர். இந்த இரண்டு தொகுதிகளிலும் காங்கிரஸ் கட்சிக்கு வலுவான வேட்பாளர்கள் இல்லை என்றும் அவர்கள் தங்கள் வருத்தத்தை தெரிவித்தனர். இருப்பினும் பிரியங்கா காந்தி 2019-ஆம் ஆண்டு மக்களவை தேர்தலில் போட்டியிட மாட்டேன் என கட்சித் தொண்டர்களிடம் திட்டவட்டமாக தெரிவித்துள்ளார். அத்துடன் 2022-ஆம் ஆண்டு உத்தரப்பிரதேசத்தில் நடைபெற உள்ள சட்டப்பேரவைத் தேர்தலில், காங்கிரஸ் கட்சியை வெற்றிப் பாதைக்கு அழைத்துச் செல்வதில் கவனத்தை செலுத்தப்போவதாகவும் கூறியுள்ளார்.

தொண்டர்கள் உடனான சந்திப்புக்கு பின் பிரியங்கா காந்தி செய்தியாளர்களிடம் பேசும்போது, கணவர் ராபர்ட் வதேரா மீதான நடவடிக்கை போகும்வரை போகட்டும். தன்னுடைய பணியை தான் தொடர்ந்து செய்ய இருப்பதாக கூறினார்.

பிரியங்கா காந்தியை போட்டியிடுமாறு தொண்டர்கள் கேட்டுக்கொண்ட புல்பூர் தொகுதி காங்கிரஸ் கட்சியின் பராம்பரிய தொகுதியாகவே பார்க்கப்படுகிறது. ஜவஹர்லால் நேரு போட்டியிட்ட தொகுதி என்ற பெருமையும் இத்தொகுதிக்கு உண்டு என்பது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close