[X] Close
JUST IN
  • BREAKING-NEWS டெல்லி அர்பித் பேலஸ் ஓட்டல் தீ விபத்தில் 17பேர் உயிரிழந்த சம்பவத்தில், தலைமறைவாக இருந்த ஓட்டல் உரிமையாளர் ராகேஷ் கோயலை கைது செய்தது டெல்லி குற்றப்பிரிவு போலீஸ்
  • BREAKING-NEWS கோவை: செட்டிபாளையத்தில் ஜல்லிக்கட்டு போட்டியை அமைச்சர் எஸ்.பி.வேலுமணி தொடங்கி வைத்தார்; ஜல்லிக்கட்டில் 700க்கும் மேற்பட்ட காளைகள், 600க்கும் மேற்பட்ட மாடுபிடி வீரர்கள் பங்கேற்பு
  • BREAKING-NEWS சென்னையில் பெட்ரோல் லிட்டருக்கு ரூ. 73.28 காசுகளாகவும், டீசல் லிட்டருக்கு ரூ. 69.57 காசுகளாகவும் விலை நிர்ணயம்
  • BREAKING-NEWS புல்வாமா தாக்குதலை தொடர்ந்து டெல்லியில் உள்துறை அமைச்சர் ராஜ்நாத் சிங் தலைமையில் நாளை அனைத்துக் கட்சி கூட்டம் நடைபெறுகிறது
  • BREAKING-NEWS தமிழகத்தில் மார்ச் 10ம் தேதி தீவிர போலியோ சொட்டு மருந்து முகாம் நடைபெறும்
  • BREAKING-NEWS புல்வாமா பயங்கரவாத தாக்குதலை தொடர்ந்து பாகிஸ்தானில் உள்ள இந்திய தூதர் டெல்லி திரும்ப மத்திய அரசு உத்தரவு
  • BREAKING-NEWS புல்வாமா பயங்கரவாத தாக்குதலுக்கு பாகிஸ்தான் பதில் சொல்லியே ஆக வேண்டும்; சரியான, உறுதியான பதிலடி கொடுக்கப்படும் - மத்திய அமைச்சர் நிதின் கட்கரி

ஆண் குழந்தைகளைவிட அதிகமாக தத்தெடுக்கப்படும் பெண் குழந்தைகள்

60-children-adopted-in-india-between-2015-and-2018-are-girl-children

கடந்த 3 ஆண்டுகளில் தத்தெடுக்கப்பட்ட குழந்தைகளில் 60% பெண் குழந்தைகள் என மகளிர் மற்றும் குழந்தைகள் வளர்ப்பு அமைச்சகம் நாடாளுமன்றத்தில் அறிக்கை தாக்கல் செய்துள்ளது.

இந்தியாவில் பெண் பிள்ளைகளைவிட ஆண் குழந்தைகளின் பிறப்பு விகிதம்தான் அதிகம் என புள்ளிவிவரம் கூறுகிறது.  இந்தப் புள்ளிவிவரம் ஒட்டுமொத்த இந்திய அளவிலானது. ஆனால் மாநில கணக்குகளின்படி இந்தப் பிறப்பு விகிதம் மாறுபடும். இந்தியாவில் பிறக்கும் குழந்தைகளில் அதிகம் பேர் ஆண்கள்தான் என்றாலும் தத்தெடுக்கப்படும் குழந்தைகளில் அதிகம் பேர் பெண்களே என்று தெரியவந்துள்ளது. நாடளுமன்றத்தில் மகளிர் மற்றும் குழந்தைகள் வளர்ப்பு அமைச்சகம்தான் இந்தத் தரவுக்கான அறிக்கையை தாக்கல் செய்துள்ளது.

பொதுவாக பெற்றோர்கள் தங்களுக்கு ஆண் வாரிசே வேண்டும் என விரும்பினாலும் குழந்தை இல்லை என ஏங்கும் தம்பதிகள் இறுதி முடிவாக ஒரு குழந்தையை தத்தெடுக்க முடிவெடுக்கும்போது  அவர்கள் ஆண் பிள்ளைகளைவிட பெண் பிள்ளைகளையே விரும்பி தத்தெடுத்துள்ளார்கள் என இந்த அறிக்கையின் மூலம் தெரியவந்துள்ளது. 

இந்தத் தரவுகளின்படி கடந்த 2015லிருந்து 2018 வரை நாட்டில் 11,649 குழந்தைகள் தத்தெடுக்கப்பட்டுள்ளன. அவற்றில் 6962 பேர் பெண் குழந்தைகள் எனத் தெரிகிறது. 

ஆண்டு        மொத்தம் 
               தத்தெடுக்கப்பட்டவர்கள்            பெண்கள் எண்ணிக்கை

2015-16     3011 குழந்தைகள்                       1855  குழந்தைகள்
2016-17     3210 குழந்தைகள்                       1915  குழந்தைகள்
2017-18     3276 குழந்தைகள்                       1943  குழந்தைகள்
2018-19     2152 குழந்தைகள்                       1249  குழந்தைகள்

என வெளியான தரவுகளில் குறிப்பிடப்பட்டுள்ளது.

இந்தத் தரவுகளில் மூலம் மொத்தமாக 60 சதவிகிதம் பெண் குழந்தைகள் இந்த மூன்று ஆண்டுகள் தத்தெடுக்கப்பட்டுள்ளதாக தெரிய வந்துள்ளது. அதேபோல, வெளிநாடுகளுக்கு தத்து கொடுக்கப்படும் குழந்தைகளில் 69% பேர் பெண் குழந்தைகள் எனத் தெரிய வந்துள்ளது. அதாவது வெளிநாடுகளுக்கு தத்து கொடுக்கப்பட்ட 2310 குழந்தைகளில் 1594 பேர் பெண் குழந்தைகள் என்று கூறப்பட்டுள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close